« بكره توقف من اللهفه على بابي »

بارت " 26 "

الحظه كان يتكلم مع الجد ثنيان وقلبه كان عند فيصل الي يكلم ومن شاف السياره المتجهه الفيصل ركض وطاح شماغه وسحب فيصل من ورا رقبته وطاح وطاح فوقه فيصل تنهد ومسح وجهه كان راح يفقد ولده قدام عينه رفع فيصل الجامد في مكانه وعرف حالة ولده الي بتجيه الحين  مسك بكفينه وجه فيصل وقال ونفاسه تظرب : فيصل فيصل ابوي رد علي ابوي انت رد
ماشاف استاجبه وحط ايدينه فيصل على اذونه ولم ارجوله وقعد يهز براسه ب لا ماتحمل ومسك راسه وحضنه وقعد يشد عليه ويسمي ..
صرخت من شافة السياره جايه اتجاهه وغمضت عيونها ماتبي تشوف بس ماسمعت صوت وفتحت عيونها بشويش وقالت بخوف : يارب لا يارب
فتحتها ونصدمت من شافة ابوها حاضن فيصل بشكل يقطع القلب عرفت بحالة اخوها وركضت وطاح من يدها كل شي وقفت عندهم مصنمه رفع راسه سعد من شافها بعدة ابوها عن فيصل ومسكت وجه فيصل وعيونها غشاها بالدموع : فيصل حبيبي شوف مافيك الا العافيه خلاص راحت السياره رد علي تكفى
ناظرها فيصل وبدا يصحصح وحضنته جوجو وشدة عليه ونزلت دمعتها فيصل بضحكه وهو يشد عليها : مو هذا الي تبينه تبين قلعتي
مسكت نفسها لتنفجر قدامهم وغصتها وجعتها وظربت كتفه : بسم الله عليك جعل يومي قبل يـ
بعدها وناظرها وبحده : بسم الله عليك بعد عمر طويل لا عاد تنطقينها
ضحكت ومسحت اثر دمعتها وناظر سعد عياله وبتسم وسحب فيصل من يده وحضنه وربت على ظهره : لاتنعاد حركة ال مكالمه بنص الطريق ترا اشوفك وروح لجدك
هز راسه فيصل ب سم وركض لجده وشافه متكي على عصاته وجهه مشحوب قرب منه وحنى نفسه وحب يد جده : موجود ياجدي موجود
حضنه الجد ثنيان ونزلت دمعته فكرة انه يفقد توجعه بعده وناظره : في شي يوجعك يابوي
فيصل ببتسامه : لو دريت انكم بتخافون كذا كان من زمان صـ ..
ماكمل جملته من ظربت جده بالعصا ضحك : خلاص وربي اسف
طلعو وركبو السياره وصل الكل بيته وتجهو للمزرعه
" بسيارة سعد "
الهنوف قدام وفيصل وجوجو ورا وغيث بسيارته
ركبت والنوم لعب فيها معاد تشوف شي نامت بنص الطريق وكانت المزرعه على حدود الرياض بعيده يسوق ويهوجس على الي قاعد يصير لف وناظرها نفسه تهوجس ابتسم بحزن من طرى على باله لو درت عن زواجه وش بيصير فيها ولف المرايه على عياله وشاف فيصل الي قاعد يتابع مسلسله والجوهره نايمه وشاف برودة السياره عليها وقال للهنوف : غطيها برد مقدر الف عن الطريق
ناظرته الهنوف بستغراب بعدها فهمت من لفت على جوجو النايمه سمت عليها ومسكت وشاح سعد ولفت على ورا وقالت لفيصل يحطها على جوجو غطها فيصل وهو يضحك على وجها الي عبس في لحظه ولف على جواله يكمل مسلسله بنص طريقهم كانت تحلم احلام مزعجه ومرعبه وكانت تشوف منظر اهلها كلهم دم هزت براسها ب لا وبداء وجها يعرق وبدت تتكلم بصوت خفيف ب لا وكانت تشوف المنظر يتكرر وصرخت بقوى ماعندها : لا لا ماما ماما
سمع صرختها وبغى يصدم بس تحكم بالقير ولف على جمب وفتح باب السياره ونزل بسرعه الا مكانها وفتح الباب وضمها لصدره وبدا يسمي عليها وجهه مخطوف وبخوف : راح راح يبه قومي راح ابوي راح يبعد روحي راح بسم الله بسم الله
بدة تهداء وتحس براحه سرت فيها وغفت بحظنه من الأمان الي حسته وحطت يدينها ورا ظهره وتكت راسها على صدره وقعدة تتكلم بلا وعييي : لاتتركني بابا بيذبحوني
وغمضت عينها اما هو تجمد وجهه من الكلام الي تقوله وعرف انها قاعده تهلوس وتحلم بس استغرب مين بيذبحها وزادة صدمته بكلمة " بابا " الي تشفق عليها منها هي من جوهرة قلبه وحيدته مشتاق وكثير لاشعوري نزلت دمعته وشد عليها وكان بيدخلها بضلوعه وغصه وهو يهمس عند اذنها : ماترك ماترك بنتي انتي قلب وروح سعد كيف اترك قلبي وروحي يبعد طوايف اهلي جعلي يومي قبل يومك يبه بسم الله على عليك جعلي ماشوف فيك مكروه يابوي انتي ..
عارف انها ماتسمعه من دخلت بنومها ولو قامت بتنصدم من الي سوته لف على الهنوف الي دموعها كل مالها تزيد وفيصل الا خايف عليها وقال بغصه : اذا قامت لحد يعلمها عن شي ابدددد
هزو روسهم  بهدوء وناظر فيصل ابوه الي للحين جوجو بحظنه وبنص الطريق وظلام : يبه خلها عندي وكمل الطريق ترا الي حنا فيه خطر وليل
هز راسه سعد بهدوء ماوده يقوم وتنتهي الفرصه الوحيده بعدها عنه وبعد شعرها وزين المرتبه لها وسمى عليها وقبل جبينها وصاء فيصل ينتبه لها
رجع الا مكانه قدام ومشو مسك يد الهنوف الي للحين ترجف وقبلها وبعد بعد ثواني وهز براسه بمعنى ارتاحي بعدة يدها بتوتر وهزة راسها بهدوء وفيصل الي حط راس جوجو على كتفه وقعد يقراء عليها .....
-
وصل الكل للمزرعه بعد طريق متعب نزلت من السياره وكان الهواء بارد والشتاء بداء يدخل وضمت يدينها مع بعض تفركهم طلع ورها وشاف رجفة جسدها واخذ فروته من السياره وطلع ورها وحطها عليها لفت بشهقه ابتسم وهو يمسك اكتافها : بسم الله عليك لاتشهقين
لفت عنه وجت بتنزل الفروه عنها بس مسكها زياده على كتوفها وبهمس عند اذنها : طلبتك لاتنزلينها برد وهذا اخر طلب اطلبك
ناظرته بهدوء ودخلت بدون ماترد عليه تنهد وطلع عند العيال يجهز ..
" غرف البنات كل وحده منهم لها غرفه والعيال نفس الشي " اجتمعو البنات بغرفة جوجو بعد ماحطو اغراضهم كل وحده بغرفتها وقعدة جوجو تجهز اغراضها ومسكت شنتطة الجل شور وناظرتهم بستغراب : ليش ماتروحون ترتبون اغراضكم ؟
ربى وهي تنسدح على سرير جوجو : مالي خلق بس ابي اتلحف من البرد ونامممم
لتين بكسل : منجد مالي حيل بس جدي يبينا نجتمع بيكلمنا
قاطعهم دخول اميره : بنات عجلو جدي يبينا .
تنهدو  وطلعو ربى ولتين ولحقتهم جوجو بتعب ..
" عند العيال "
هايف بعصبيه : سعود يرحم والدينك رجعها ياخيي حقتي !!!!
سعود بصدمه وهو يسحبها : يرجال حقتي وش جاك انت بدية تنسى
هايف وهو يدف سعود ويسحب المخده منه وركض وراه سعود يسحبه ويدفه وقعدو يتعاركون
دخل عليهم تميم ونصدم وقال بصوت عالي : هييييي انت وياه خير ان شاءالله
قام سعود وهو يعدل شعره على ورا وهايف يمسح على وجه وقال بحده : سعود عطني ياه وخلص
سعود بقهر : حقتي عندك ثانيه اذلف عن وجهي
تميم بحده وهو يوقف بينهم : بزر انت وياه استحو على انفسكم كل واحد وش طوله وشنبكم خاط عيب وربي عيب تتهاوشون عشان مخده الله لا يبلانا عجلو ترا جدي يبيكم بسرعه يا مبزره ..
خزه هايف وناظر سعود وقبل يطلع وبهمس : باخذها طرق
سعود وهو يسفهه ويمشي : تخسى
هايف وهو يمشي معه : اجل اخسى تذكر كلمتك
طنشه سعود ومشى وقعد يتوعده هايف ..
___
بالجلسه الخارجيه الكل مجتمع ومشغلين الحطب والبنات مجتمعين حوله من نسمات الهواء البارده وحبيب الشتاء الشاهي ولبسين البنات فرواة الا جوجو قعد الجد بينهم والعيال بالجهه الثانيه ودخل سعد وهو لبس فروته ولاف الاشماغ  وقعد بين الهنوف وامه ناظرهم مكتملين وتكلم الجد فيصل وجمبه ثنيان وبندر : طبعا اكيد بتسألون ليش جينا المزرعه الموضوع حنا الحين في خطر بينا اعداء ولازم محد يطلع من المزرعه ابدا لين تفرج ونتخلص منهم تبون شي ضروري علموني قبل وجامعتكم مطلعلكم انا عذر ..
قاطعته جوجو الي منسدحه على لتين : اسفه جدي على المقاطعه بس انا مستحيل بكرا عندي فاينل واخر فاينل بعد معليش
سعد بحده وخوف عليها : قلنا محد يطلع وجدكم مطلعلكم عذر
جوجو بعناد : بس انا قلت بروح مستحيل ااجل اختباري ولا بعد اخر فاينل
الجد فيصل بحده اول مره تسمعها الجوهره : قلت محد يطلع يعني محد يطلع واذا شفتك يالجوهره طلعتي من هالباب عارفه وش بسوي ..
ناظرته جوجو ببتسامه استهزاء ودخلت بدون رد وجت بتلحقها اميره وقفها الجد بحده : لحد يطلع ورها خلوها
الهنوف بعصبيه : انتو شفيكم عليها اخذو الوضع بهدوء
قامت وهي تسفه سعد الي قاعد يوقفها طلعت
قامت وهي تسفه سعد الي قاعد يوقفها طلعت لغرفة جوجو ودخلت عليها وشافتها منسدحه وقعدة على طرف سريرها ومسحت على شعر جوجو : ماما جوجو حبيبي شفيك امي انتي
سحبت جوجو يد امها وبرجاء : ماما طلبتك بقعد بروحي وبعد فيني نوم
هزت راسها الهنوف ولحفتها زين وقبلة جبينها : نوم العافيه امي انتي
وطلعت بعد مطلعت الهنوف تحس بكتمه بقلبها هالفتره تعبت اول مره جدها يرفع صوته عليها تحس انقهرة من الكل وتعبت منهم ومعاد تبي شي الا تبعد عنهم وقالت ببتسامه : اجل بتمنعوني
...
تحت نزلت الهنوف وناظرتهم وسأل الجد فيصل بتنهيده : وينها
الهنوف بهدوء : بتنام
سكت الكل وقال عزيز : يعني الحين بتخلونها تروح للجامعه !؟
قرصة تميم من فخذه وبهمس لعزيز : نعنبوك اثقل ابوها موجود شكلك ناسي بعدين شدخلك .
سعد برفعة حاجب : اتوقع قلنا لا ولا شرايك ياعزيز
عزيز ببتسامه : لا اكيد معكم دام تبون مصلحتها
الجد بستغراب : اكيد نبي مصلحتها علامك
ربى بنعاس : جدي خلاص نروح ننام معاد اشوف الدرب
تميم بسرعه : لاتطيحين بس انتبهي لطريقك
ليث بصدمه : وانا ولد ابوي سلامااااتتتتت
تميم بترقيعه : شفيك ياليث الله يصلحك انبها بس استهبل يعني
ليث برفعة حاجب : لا تتكرر بس
عزيز وهو كاتم ضحكته : اجل اولا تتطنز علي سبحان الله نفس الدقيقه بعد
تميم وهو يدفه : اقول امش وهي صادقه معاد نشوف الدرب
عزيز بضحكه هو يشوف ليث الي يمشي قدامهم لدور الثالث : ما تندم تعيد بعد امش امش الله يخلف عليك
-
والكل طلع لغرفته ينام الساعه : 7 صباحاً
قامت وطلعت تتجهز على السريع وخلت شعرها على راحته ستريت واخذت نظارتها ولبستها واخذة العبايه والشنطه وفتحت غرفتها بهدوء وسمعت اصواتهم يفطرون صغرت عيونها وبقهر : كل هذا زعل حتى محد قومني
سمعت جدها يوم قال صحو الجوهره نطلقت بخطواتها لهم وخبت عبايتها وشنطتها بدرج عشان محد يشك وقاعده تشوف الوقت يمشي ومعاد بقى شي لختبارها مسكت جلالها ودخلت عندهم وقالت بصوت مرتفع : صباح الخير
رد الكل صباح النور اخذت زيتونه ونادة على اميره : تعالي ابيك بحاجه
الجد فيصل بعتب : كملي فطورك ماكلتي شي
جوجو بزعل : لا ياروحي مو مشتهيه
هز راسه وهو عارف للحين ماخذه بخاطرها بس هو سوى كذا عشان مصلحتها دخلت هي واميره من باب الخلفي وقالت بهمس : اسمعي لاتصرخين وتفضحينا بطلع للجامعه مستحيل اترك اخر فاينل لي وبطلع الحين من الباب الخلفي عشان الحراس مايشكون وابيك تغطين عني اذا سألو قولي تتروش تسوي اي شي تمام
اميره بصدمه من كل كلمه : نعمممم تخسين اقول جوجو انثبري ترها حياة وموت والله لو در جدي وعمي سعد بيكفنونك جوجو تكفين والله خايفه عليك واختبارك بتحلينه ان شاءالله جدي مطلع عذر جوجو يرحم والدينك اقعدي الشيطان لايغرك
جوجو بتاففف : اوفف اميره ياروحي لاتخليني اندم اني ناديتك معليك مراح يصير شي ولاتخافين انا باكلها يلا اميره عاد خلصيني معاد بقى وقتتتت
اميرع بخوف عليها ونزلت دمعتها جوجو بضحكه وهي تحضنها : اميره يادرما وشفيك مراح يصير شي
بعدة وهي تمسح دموعها وبقهر : يلا نقلعي ولاتطولينننن يويلك
جوجو من بعيد وهي ترسلها بوسه وتأشر على خشمها : على خشمي اوامر ثانيه
اميره بضحكه من استهبال جوجو : روحي روحي الله يستر عليك بس
نطلقت جوجو وهي تلبس عبايتها قبل احد يجي وطلعت اميره لهم وشافت عزيز الي بيطلع وخافت وقالت بسرعه وخوف : عزيز
التفت الكل لها ومن بدهم الي حرقها بنظراته وشافت رسالة جوجو الي علمتها انها طلعت وقال براحه وتفدي : خلاص سلامتك
عزيز بستغراب وبداء الشك يدخل فيه بس بعده وطلع لدور الثالث يخلص كم شغله بالابتوب ..
‏عندها نقزت من السور ويدها توجعها ركبت مع السواق وقعدة تفهمه ومايقول لهم شي بعد معاناه فهم وصلت الجامعه وخلصت اختبارها وكانت بقمة من الراحه طلعت لسواق وشافت شخص ماسكه وقعد يضرب وجت ركض ودفته ومسكها احد من ورا وحط على خشمها منوم وقعدة تضرب فيه بس بدون فايده كان ماسكها من ورا ومحاوط يدينها ..
-
عندهم يسولفون فجاء سعد يحس في شي واميره الهاديه واضح في شي سألها : اميره يابوي وش تبي الجوهره وينها ؟
رجفت بمكانها وتحاول تخفي رجفتها بس للاسف كانت واضحه للكل قالت برجفه : بغرفتها تخلص اشغالها
هز راسه وقام من مكانه شافته هو متوجه لغرفة جوجو وهينا ستعدة للجاي غمضت عينها بخوف من شافة عمها سعد رجع ومعقد حواجبه : وينها مو بغرفتها !!
رجف قلب اميره وخلاص لازم تقول جت بتتكلم بس قاطعها الحارس الي دخل ومد لسعد ورقه مكتوب عليها اسم الجوهره وداخلها دم شهقت لف سعد وبخوف : اميره الجوهره وينن
اميره ودموعها تنزل وبرجاء : قلت لها والله تتراجع بس جوجو وعنادها طلعت .... لختبارها
حمر وجه سعد وظغط على الورقه الي بيده وكان يسمع بكاء الهنوف وفيصل الي يرجف وخوف الكل وبكاء البنات تقدم الجد فيصل وبقهر : جهزهم
مسك جواله سعد وبحده : جهزو الموقع
طلع وطلع وراه الجد فيصل وعزيز الي كان شاك من زمان والقهر والخوف اجتمع عليها ...
-
عندها قامت بكسل وتحس بكمية صداع ماكلت شي ودخل عليها وبكل قسوة سحبها من زندها وقفها وقعد يلعب بشعرها وقربه المقرف جوجو بحده متعبه : ابعد يدك
حاولت تبعد بس كان اقوى منها ومسك مسدسه وحطه على راسها وببتسامه : عاد هالمره موتك على يدي ونرسلك جثه لبوك وامك عاد مين بيساعدك البطل حقك ولا ابوك المصاون هههه
ضحكت بسخريه : شفيك تحب تماطل اطلق دامها فرصتك يلا
سحب المسدس وقال بهمس : تشهدي ياحلوه على نفسك
غمضت عيونها وسمت بالله وحطت رجلها بدون مايحس ولفته على رجله ودفته ولوت يده ونحنت وببتسامه : اجل تبي تقتلني عشان رغباتك بس حرام ماودي تقعد بسجن واخر شي قصاص وش رايك نذبحك الحين وترتاح
مسكت المسدس علطول وطلقت على رجله وصرخخخخ بألم وبهالحظه دخول الاستخبارات وسعد والجد فيصل وعزيز
سعد بخوف وهو يشوفها : فيك شي
الجوهره ببرود : ليش هالخوف شوفني قدامك مافيني الا العافيه
ناظر المسدس الي معها ولف على ناصر وبتسم بس اخفاء ابتسامته ونحنى عليه : والله ودامني حي ماتوصل الا رغباتك وقول ولد فيصل ما قال
الجد فيصل وهو يظرب عصاته بالارض وبقهر : شوف يا ناصر اخذ الي تبي بس احفادي وعيالي خططط احمر ياولد مطلق ترا سهله نبلغ بس مو الحين لين تأخذ جزاتك
جو بيأخذون ناصر بس وقفهم سعد : خلوه
نصدمو كيف يخلون مجرم مثله ..
تركوه وطلعو ضحك سعد وغمز لناصر وطلع ركبو طلعت جوجو لسواق بتشوفه وجا قدامها عزيز وسحب ذراعها ونفضها بقهر : علميني انت من وش ماتفهمين ماتخافين من شي ليش انتي انانيه ماتفكرين الا بنفسك تدرين انتي انسانه مايهمك ولا احد واكبر دليل جدي فيصل مدريتي عنه تدرين وش صار له يوم درا تدرينننن
ضحكت ونقهرة انه عرف نقطة ضعفها جدها بس قربت وطرحتها طاحت وماحست وحطت المسدس على صدره وقالت بستهزاء : اي انا مايهمني احد لو على كيفي طلقت عليك بدون مايرفلي جفن وانا انانيه اعيد واكرر ان شاء الله اموت قدامك مالك شغل لاتسوي نفسك مهتم لهم ولخوفهم و....
قاطعها وهو يضحك ويقرب وصار المسدس على صدره بظبط وتأمل عيونها وتنحنح بعد ماحس على نفسه وصد وبحده : غطي شعرك
استوعبت وغطت شعرها وبقهر : وانت ليش تناظر
لف وسحب المسدس وقرب وبهمس حاد : لا عاد اشوفك ماسكته
جت بترد وسمعت صوت الجد الي ينادي وتقدمت وقالت : بروح مع السواق
سعد وهو خلاص معاد يتحمل وصراخ بحده : الجوهررررررررههههه
رجف داخلها بس طنشت وجت بتروح بس صرخ عليها الجد فيصل وبقهر وتعب : ارجعيييي ونثبري مكانكك خلاص كفايه كفايه ياجوهره كفايههه
هزة راسها وجت بتحب راسه بس بعدها وبقهر : اركبي
حزة بخاطرها وركب عزيز وجمبه الجد وسعد طلع لسيارته ..
وصلو نزل سعد بسرعه ومسك جوجو من معصمها ولحقه الجد فيصل وشاف فيصل الي يركض والهنوف
والكل وصرخ : لحد يجيي
دخلها الغرفه بنهاية المزرعه ومن القهر الي فيه دفها على الارض ودخل معه الجد فيصل وقفل الباب وراه
تهاؤت بألم من يدها ودفته قرب منها سعد وصرخ بوجها من القهر والخوف :
اناا ابوك رضيتي ولا لا ما يهمني سااامعه !؟
الجد فيصل بحده: الجوهره اسمعي ان سمعت ولا لمحت انك مسويه شي والله لا اغير حياااتك سامعه !
سعد : بتنسحب السياره انا اوديك و اجيبك ، الشركه ماراح تطبينها ولا اي مشاوير جانبيه الا وانا معك ساامعه
الجد فيصل بصوت عاالي : الجوهره.. وش كنتي نااويه تسوين ههااه
الجوهره بضحكه وهي تحاول تمسك نفسها من الم يدها وقالت وهي تسفه كلامهم :  عمرك مراح تكون الامان انا فقدة ابوي الي كان يخاف علي من أدنى شي والي كان لي الامان بعد الله انت ماعندك الا ولد واحد بس الي هو فيصل اما الجوهره فقدتها من خمس سنوات ..
سككت ماتبي تعاتبه تحس في غصة بقلبها من الشعور ودها تحضنه وتحس بحنان حضنه الي فقدته تبي تفضص له ويطبطب عليها مثل قبل من كلاماته الحنونه ودها تبقى بحضنه وتبعد عن الكل بس الي سواه ماينغفر له بساهل ..
ناظرها ويحس كلاماتها طعنات بقلبه وده يعلمها ويفهمها بس صدها دايم يمنعه وده ياخذها بحضنه ويبعدها عن مشاكل الحياه يعرف ان بقلبها كلام كثير ومستحيل تبكي عند احد الا هو ومستحيل تفضضف الا له غيمة عيونه لاشعوري من كلمتها الاخيره قاطعهم طق الهنوف للباب بشكل متكرر فتح الباب دخلت الهنوف وفكت الجوهره من يد سعد و ضمتها : بسم الله عليك و حبت راسها
طلع بدون رد شافة جوجو جدها ودمعتها على طرف قالت وهي بحضن امها وبغصه : بابا فيصل
غمض عيونه  يعرف ماتقولها الا اذا كانت ندمانه ناظرها وهز راسه ب لا وطلع بدون رد
ناظرتها الهنوف ونزلت دمعتها ومسحتها جوجو وبتسامة بمعنى مافيه شي طلعت الهنوف بعد ماتأكدة على جوجو وطلعت لغرفتهم قفلتها وجلست جنب سعد و لفت عليه و قالت : لهالدرجة مريض توقعت انك تغيرت بس للاسف .. للاسواء
قاطعها سعد : الهنوف تكفين مو ناقص شي
الهنوف قامت و قالت بكل الم و صرخه : تراها بنتك بنتك انت مستوعب يامريض ما عدنك احساس الاب
سعد بعصبيه قام مسك يدها بقوه و لفها و قربها منه و قال بصوت عالي: مو انتي اللي تعلميني كيف اتعامل مع الناس انا اسويه اللي ابيه فااهمه و بنتك اللي ما ربيتيها زين و خليتها نسخه منك .. استوقفه دموع الهنوف بالم و قالت : سعد فك يدك بديت انزف
فكها سعد بسرعه و قال بخوف : اسف والله اسف قلبي ما حسيت بنفسي والله اسف
مسكها و وراح جاب شنطة الاسعافات و بدا يعقم جرحها وهي تناظره ببرود
بعد ما عقم الجرح مسك يدها و باسها وقال : اسف
بعدة يدها وبكل برود وقهر : اطلع برا
سعد وهو بيتكلم قاطعته من حطت يدها : سعد يرحم والدينك اطلع مابي اشوفك والجوهره بطلعها غصبن عنك
هز راسه بتسليك وطلع ومتجه لمكان الجوهره دخل وناظرها برود وشاف يدها الي تنزف وتحاول تخبيها عنه قرب : عطيني يدك
جوجو : لا
سحبها غصبن عنها وتهاوت بألم سعد بحده : ليش حتى نفسك تأذينها وماتتكلمين ليش
جوجو بقهر وهي تسحب يدها : لو سمحت اطلع مابي خوفكم علي
سعد وهو يحاول يمسك اعصابه : الجوهره
جوجو بقهر وصوت عالي : الجوهره الجوهره تعبت الجوهره ليش تكلمني وكان ماسويت شي ليه خلاص قلت واعيد فـ ..
قاطعها وبحده : انتي مين لعب بعقلك ليش ظلمتني سؤال افهمي مني يـ..
بعدة يده وجمعة رجولها وستندة على الجدار وبرجاء : خلاص تكفى مابي اسمع شي لاتخليني اكرهك زياده اطلع تكفى
تنهد وناظرها قبل يطلع : طلعه من هنا مراح تطلعين لين تتأدبين
معطته ردة فعل وقعدة تناظر الفراغ طلع وقفل الباب نزلت دمعتها ومسحتها بسرعه ماتحب تبكي وتبين ضعفها بردة وهي تجمع رجولها وتدفي نفسها والغرفه ظلام  وفاضيه من كل شي سندة راسها على الجدار وسرحت بهواجيسها وهالفتره قلبها صار يوجعها بس تطنش وتحاول تتجاهل الم قلبها ويدها ...
-
" عند البنات "
ودموعهم ماوقفت لتين بدموع وهي تجلس جمب ربى : ليش يسون فيها كذا كان يعاملونها بهدوء
ربى وهي تمسح دموعها وتناظر تقى الي تمسح دموعها : شرايكم نطلع لها فيه دريشه هناك
قامو البنات علطول وتجهو المكان جوجو وطقو الدريشه وفتحت جوجو بثقل وبتسامة من شافتهم : بسم الله عليكم وشفيكم
لتين بدموع وهي تمسك يدين جوجو : جوجو يدينك بارده اجيبلك شي تتدفين فيه
ابتسامة جوجو : لا ياروحي معليك مدفيه
ربى بغصه : جوجو انتي بخير ؟
جوجو وهي تكي على الدريشه وبكذب عشان ماتضيق اصدورهم : والله بخير معليكم كل الي صار عقاب وتعرفون جدي مايحتاج
تقى بقهر وغصه : وانتي ليش تطلعين
جوجو بضحكه : وه جميلتي الي من زمان عنها خلاص عاد جاين توسعون صدري ولا جاين تضايقوني
وناظرتهم بستغراب : اميره وين !!
ربى وهي تنزل راسها : من جيتي وهي مقفله على نفسها الباب
تنهدة جوجو وهي تعرف اميره حاسه بتأنيب ضمير الحين وهي ماتبيها تحس بشعور ذا
لتين بستفسار : متى بتطلعين
رفعة اكتافها : مدري
ولفت عليهم : بنات روحو قبل لحد يشوفكم
تقى بعصبيه : واذا شافو موطبيعي الي قاعد يصير هذا مو عقاب ثجن
بتسمت جوجو وسمعت صوت فيصل وراحو البنات يخلونهم براحتهم جا فيصل ركض وقعد يطق الباب ونادته من الدريشه : فيصل ياروحي تعالى هنا
مشى على مصدر الصوت وشاف الدريشه وركض وصل وهو يناظرها وبخوف : فيك شي تحسين بشي
جوجو بضحكه : بسم الله عليك بشويش ، معليك بخير
تنهد وناظرها : ليش الباب مقفل
جوجو بهدوء : مقفلينه علي
عصب : بروح تفاهم معهم وطلعك
مسكت جوجو يده وبرجاء : تكفى فيصل خلاص هد الامؤر
فيصل بصدمه : يعني راضيه
سكتت رفعة راسها وبهدو : اكيد مو راضيه بس ... خلاص فيصل سكر الموضوع معليك انا بخير
تنهد وقعد يسمع منها السالفه كلها ...
-
بالليل الكل مجتمع وهادين وفيصل يمتنع النظر عن ابوه وجده والهنوف والقهر اشتعل فيها ومن سعد قاطع الهدوء طلق النار فز الكل مسكت لتين تيشرت ليث من ورا لف عليها وجهه مخطوف يحاول يهديها حاوط اكتافها قام الكل ومسكو مسدساتهم ناظرهم سعد وهو يعبي مسدسه رصاص : انتبهو تغلطون اي غلطه
هزو رواسهم طلع سعد وراه العيال والجد فيصل وثنيان فتحو الباب الخلفي ونزلو رواسهم تقدمو ونلجمو من شافو الحراس مغطين بالدم وبداء طلق النار يزيد اطلق سعد من الجهه الي عنده وطلع عزيز وتميم للجهه الثانيه وسعود وهايف الي مقابلهم ناظر سعد ليث وفيصل وبهمس : الحقوني
عند عزيز ناظر الشخص الي نط من ورا الباب حق المزرعه ومتلثم لحقه بهدوء ..
-
عندها مسكت قلبها والبرد ذبحها وتحس بدوران فتحت الدريشه تشم هواء وسمعت طلق النار وسمت بالله ناظرة الشخص المتلثم وكانت عيونه مألوفه عليها شافته وهو يمسك قطنه وشعلها عند النخل وبدة النار تشتعل بالمزرعه نفكت لثمته بالغلط ونصدمت من عرفته ونكتمت  وصرخت بدموع : غيثثثثثثثث
وضربت الباب بقوه عسى احد يسمعها وهي عجزت تتخطى صدمتها للحين وقالت بدموع وتعب : افتحووو تكفون غيث انت ماتسوي كذا انت تحبني افتح تكفى غيثثثثثثثثثثثث ..
حست الم قاعد يزيد وطاحت من طولها عند الباب وبدموع وهي تطق الباب بخفيف : افـ...
عجزت تتحمل الم قلبها ويدها وختنقت من النار الي حرقت نصف الغرفه وغفت عينها وهي تتمتم بسم : غيييثث

اهلا 🩷🏃🏻‍♀️
"لاتنسون النجمه واعيد واكرر عطوني توقعاتكم الي تحمسني 🌚🩵 "
وانصدمتو نفس صدمة جوجو 💔