A Wife With No Right

AWWNR20

Alliston's Pov

"How are you?"

Sa ilang araw na nagdaan ay ngayon lang ulit nagparamdam sakin ang babaeng ito. Huminga ako ng malalim bago ko sinagot ang tanong niya.

"I'm okay." Mula sa pag-aayos ng gamit ko sa working table ay mahina ko iyong sinaad.

Matagal na katahimikan muli ang namutawi sa pagitan namin bago siya muling nagsalita.

"Why didn't you tell me?"

Tinignan ko siya ng itanong niya yun sakin. Salubong ang kilay niya at daretso ang tingin sakin.

"Tell you what?" Nakakunot noo kong tanong din.

Hindi ko alam kung ano na naman ang sinasabi ni Ivy pero masyadong tense yung pag-uusap namin.

Sa tinanong ko ay para itong nagalit pero nagawa niyang ikalma ang sarili ng humugot siya ng malalim na hininga.

Masama ang mga tingin niya sakin.

"Nevermind!" Nagmamadali siyang umalis matapos iyong sabihin.

Tinitigan ko ang papalayo niyang pigura hanggang sa mawala siya sa paningin ko dahil parang may kakaiba sa kanya at saka hindi ko maintindihan kung ano yung mga sinabi niya kanina lang.

Ito na naman yung kakaibang pakiramdam sa tuwing hindi ko alam yung mga susunod niyang gagawin.

Ipinilig ko na lang ang ulo at nagfocus sa trabaho dahil mukhang sasakit lang ang ulo ko kapag nag-iisip ako ng kung ano ano.

Ilang oras din ang nagdaan bago ko natapos ang mga dapat tapusin.

Inaayos ko na lang ang gamit ko ng makita kong tumatawag sa Robert.

Sasagutin ko na sana pero nawala na iyon at nakita kong pangwalo na niya itong tawag.

Naka-silent kasi ang phone ko kapag nasa trabaho ako. Ayokong maistorbo sa ginagawa dahil madami nga kaming tinatapos nitong mga nakaraan.

Muli na namang nagring ang cellphone ko at agad ko iyong sinagot.

"Hello?" Bati ko sa kabilang linya

"Hello, Alli?" May kung ano sa boses niya.

Napatingin pa ako sa telepono ng marinig ko ang boses ni Robert bago ko muling itinapat sa tainga ko.

"Bakit Robert may problema ba?" Muling tanong ko habang tinitignan ang emails sa monitor.

"Si.. S-Si Maddie..."

Natigilan ako.

Kinabahan ako bigla. "Why? What Happened to my baby?!"

Walang sumagot sa kabilang linya kaya lalo akong nataranta. May nangyari ba habang wala ako.

"Robert?...Hello?"

"Im sorry...Madison, she's..."

"She was what?" Mabilis kong tanong sa kanya.

Nagsimula ng manginig ang kamay ko habang hawak ang telepono ko. Nafru-frustrate na ako at parang may gustong kumawala sa dibdib ko.

"She is... She's missing, Alli!"

Nabitawan ko ang telepono sa narinig.

Para akong nabingi at may kung anong ugat ang malakas na pumitik sa may dibdib ko dahilan para kumirot iyon.

Nanginig na din ang mga kamay ko at hindi din nakakatulong ang katahimikang nagpapabingi sakin na siyang dahilan ng kung ano anong senaryong pumapasok sa isip ko ngayon.