وضعت الملف أمامه على المكتب لتقول بنبرة جدية: قاسم عز الدين المنياوي أهم رجل أعمال في الشرق الأوسط وخارج الشرق الأوسط كمان عنده ٣٠ سنة مش متجوز مش بيحب المسؤليات والتقيُد، حُر نفسه يعني ...عنده أهم شركات الأدوية اللي بتصدر للدول اللي برا وغير كده فهو أهم تاجر مخدرات في مصر واسمه ذُكر في كذا تحقيق يعني مُشتبه بيه واللي عرفته بقى إن الصفقات بتاعت المخدرات بتتم في أي وقت بيتم فيها صفقه للشركة بتاعته يعني مثلًا كان في صفقه من قريب للأدوية بس الصفقه دي كانت طبعًا وراها صفقه مخدرات تمت .....ومن وقت أقرب كان في حفلة بسبب شيء يخص الشركة عمومًا كانوا قاعدين وكل شيء تمام بس في صفقة بتم تاني .....كانت بأعداد مهولة وكمان هو السبب في وجود أنواع جديدة وأسوء مليون مرة من اللي عارفينها والمشكلة أن مفيش حد عارف يمسك عليه حاجه فلازم لما نقبض عليه يكون متلبس ...ودلوقتي مفيش غير حلين قدامنا عشان نعرف نوصل لقاسم!
_اللي هما؟
أكملت بجدية: الأول واحدة تبعنا تقرب منه وتعرف عنه كل حاجه وبطريقتنا هنعرف إحنا كمان المعلومات اللي إحنا عايزينها
_والحل التاني؟
فجر: إن أي حد بردوه من تبعنا يقدم في فرع الشركة الرئيسي عنده ويشتغل هناك ونعرف كل خطواته من هناك ويحاول يكسب ثقة قاسم
_بس أنا شايف أن في حل تاني هيبقى أحسن
_ايه هو؟
_احنا نمشي السكرتيره بتاعته ونبعدها عنه خالص بحيث أنه ميعرفش عنها أي حاجه تاني ومن كلامك هو معروف أنه بتاع بنات فإحنا نبعت واحدة بدل سكرتيرته تشتغل عنده وهى هتكون أقرب من الشخص اللي أحنا هنبعته عمومًا لأني شايف إن فكره لو بعتنا هيكون من الصعب أنه يكسب ثقته بسهولة فأظن أن إحنا شَغلنا حد وفي نفس الوقت تكون بنت فهماني؟!
_تمام أتفق معاك دلوقتي أحنا عايزين نمشي السكرتيرة ونجيب واحدة بدلها ونكون عارفه بالموضوع
التمعت عيونه مبتسمًا يُفكر في خُطة تُرضي كبريائه: متقلقيش أنا هتصرف، الحوار دي عندي
_تمام ودي نسختك من الملف ودي نسخ باقي الشباب
أومئ لها ليدخل أحد العساكر ويخُبر فجر بأن اللواء يريده في مكتبه فورًا
لتهمس فجر قائلة: ربنا يستر آخر مرة أستدعاني بَلاني بأربع مصايب
أستأذنت سليم باحترام: طيب عن إذنك
وذهبت قاصدة إلى مكتب اللواء ودخلت حين أذِنَ لها بالدخول
_ادخلي يا فجر
حدثت نفسها بخفوت وارتياب: فجر ...الموضوع غير مُبشر بالمرة
فجَثَت على الكرسي المقابل له
_بصي يا فجر أنا مش هتكلم مَعَكِ على أني اللوا بتاعك في الشغل أنا بتكلم مَعَكِ حاليًا على أني عمك ....عارف إن المكان مش مُناسب ولا ده وقته بس إحنا لازم نتكلم دلوقتي وبعيد عن شيري ومديحة
أنت تقرأ
من سيُعيد قلبي!
Misterio / Suspensoبعض الأمور تحدُث في الماضي تُغير مَجري الحاضر تُغيير أحداث بغير أرداتنا تغير مستقبل ولكن ستتغير للأفضل ....أَم للأسوء! "ماذا لو بنُيت حياتك على إتفاق؟" فيغير حياتك مئة وثمانون درجة وتعيش حياة جديدة غير حياتك هل سوف تتأقلم على تلك الحياة...
