من سيُعيد قلبي!

الفصل التاسع عشر

نظرت فجر حولها ثم نظرت لنفسها للمرآة لتشتم عطوره التي تفوح منه و تجذبها دائمًا ولكن سمعت صوت غليظ تعرفه جيدًا من خلفها فوقعت منها زجاجة العطر لتنكسر على الأرض لقطع متناثرة صغيرة

صاح بها هادرًا: أنتِ بتعملي ايه هنا

شهقت بدون صوت بفزع ونظرت للزجاج المحطم: معلش كده كده ريحتها مكنتش لطيفة

ليعيد سؤاله مرة أخرى مردفًا بسخط: أنتِ ايه اللي جابك هنا

بلعت غصة مريرة في حلقها بتوتر متلعثمة وأستدرات له: أصل .......طنط ......ونادين

تهجم قائلًا بعدم فهم: أنتِ بتقولي ايه

حاولت تغير مجرى الحديث بعد أن لاحظت غضبه: أنت متعصب ليه لو على perfume اللي وقعت هجبلك واحدة بدالها

ثم أردفت بخفوت حتى لا يسمعها: كده كده ريحتها كانت مُقرفة

أغمض عيونه زافرًا يحاول تهدأت نفسه وتحدث من بين أسنانه: ممكن بعد أذنك تخرجي برا الأوضة

جلست على فراشه هاتفة بمشاكسة: لأ اوضك عجبتني أنا قاعدة

مسح على وجهه بضيق وقال من بين أسنانه بتحذير: أطلعي برا

رمقته بعند: قولتلك لأ أنا قاعدة

همس مبتسمًا بمكر: ماشي

وألتفت لباب وأغلقه بالمفتاح راقبته فجر بتوتر بعض الشيء: س ...سليم أنت بتقفل الباب ليه

أردف وهو يقترب منها بخبث: أنا بحب أقفل الباب اوضي وأنا حُر فيها

أستقامت من على الفراش وترجعت للخلف تُتابع خطواته أتجاها متلعثمة: سليم أنت بتعمل ايه

اترسمت ابتسامة ماكرة على ثغره: ولا حاجه

ظلت تتراجع للخلف حتى اصطدمت بخزانة الملابس فرفعت سبابتها محذرة بتصنع: سليم أبعد

أخفض أصبعها وحاوطها بين ذراعيه ورمقها بخبث فأغمضت عيونه بقوة بخوف لتجده يفتح باب الخزانة بجانبها وأبتعد عنها فعقدت ما بين حاجبيها بعدم فهم ثم حمحمت بحرج: سليم انت بتعمل ايه

تأملها ببراءة مصطنعة: ولا حاجه هبدل هدومي مش أكتر .......في حاجه

فجر: لأ خالص

فتح أزرار قميصه واحدًا تلو الأخر وخلعه بسرعة ليرتدي كِنزة قماشية مريحة ولكن قاطعه صُراخها خبأت عيونها بكفوفها بسرعة وصاحت به بخجل مما يفعله: أنت بتعمل ايه

نظر لها بفزع سريعًا من صُراخها وحين أدرك ما تفعله ألقى عليه القميص بحنق: يا شيخة خضتيني يعني هكون بعمل ايه بغير هدومي عشان أتزفت انزل أنتِ اللي دماغك شمال

أبعدت قميصه من على وجهها باشمئزاز متأففة: أنت مغرقة perfume المعفن ده ليه ......على ما أظن أن في حمام تغير فيه هدومك ......وألبس أي حاجه أستر بيها نفسك