نادين بفرحة: مفاجأة مش كده؟! ......
عانقها بقوة سريعًا ليردف: أحلى مفاجأة وحشتني اوي
نادين: أنت اللي وحشتني أوي، قولي عامل ايه؟!
ابتعد عنها لِينظُر لِوجهها: أنا الحمدالله بخير وأنتِ
نادين: كويسة الحمدالله
سليم: تعالي أقعدي قوليلي تشربي ايه؟!
نادين: أي حاجه على ذوقك
طلب لها مشروب وظلَ يتحدثَ وبين الحين والآخر يُلقي بنظره على فجر، أما في الناحية الأخرى جثا يوسف أمامها متسائلًا: ايه مطلبتيش حاجة ليه؟!
ردت فجر بابتسامة: أستنيتك تيجي
ورمقت سليم سريعًا بنظرها فلاحظ يوسف تلك النظرات فغمز بمُزاح: نحن هُنا ايه يا عم!
فرت هاربة بعينها ونبست بإحراج: لأ مفيش حاجة
تطلع يوسف خلفه لِمَا تنظر له فجر لِيعود بنظره لها: ايه الكلام؟!
أنهي حديثه بغمزة خبيثة فقلدته غامزة: ايه الكلام؟!
يوسف بخبث: مين ده؟
حاولت فجر كبح ضحكاتها: مش هتصدق
يوسف: أنا أتوقع منك كل حاجه عادي
فجر: هو ده اللي فتحت دماغه بالكوباية
اتسعت عيونه بعدم تصديق: أحلفي هو ده سليم!!
فجر بضحك: والله هو
يوسف: والله حرام عليكِ الواد شكله محترم وعسول كده
صاحت به بسوقية: نعم محترم ده واحد قليل الذوق!!
أدار رأسه لِينظر لِتلك الفتاة التي تجلس معه: بس مين المزة اللي معها دي؟! ...ده حتى الواد ذوقه حلو
وكزته في كتفه لِيضع يده مكان الضربة: ما تحترم نفسك يا أخي!
لِيتذكر ما حدث بالأمس فأمسكها من تلاتبيبها: تعالي هنا يا مهزقة أزاي ده يحصل ومتقوليش ومخليني أدافع عنك قدام مديحة وأنتِ أصلا اللي بتعملي كده بمزاجك!!
فجر: ما أنا لو كنت قولتلك مكنتش هتوافق
يوسف: وأنتِ وافقتِ أول مرة ايه بقى اللي مش مخليكِ مش موافقة دلوقتي ولا عشان سليم اللي وراه الموضوع؟!!
هتفت بتحذير: يوسف!
يوسف: يوسف ايه! متكدبيش يا فجر ايوه أنتِ مكنتيش موافقة عشان سليم اللي أجبرك وأنتِ مبتحبيش أن حد يجبرك على حاجة وخصوصًا لما يكون بينك وبينه عداوة وأنتِ أصلا مش بطيقه!
لتهتف بأسمه مرة أخرى بتحذير: يوسف!
يوسف: لو هتعرفي تخبي على الكل مش هتعرفي تخبي عليا يا فجر عايزني أسكت عشان دي الحقيقة مش كده!!
أنت تقرأ
من سيُعيد قلبي!
Mystery / Thrillerبعض الأمور تحدُث في الماضي تُغير مَجري الحاضر تُغيير أحداث بغير أرداتنا تغير مستقبل ولكن ستتغير للأفضل ....أَم للأسوء! "ماذا لو بنُيت حياتك على إتفاق؟" فيغير حياتك مئة وثمانون درجة وتعيش حياة جديدة غير حياتك هل سوف تتأقلم على تلك الحياة...
