زهو عُمرك سجَّان وِجداني !

١٩

صحت من نومها و صداع شديد داهمها ، تنهدت وهي تقوم تتروش وتصلي رتبت شكلها و تعطرت ولا كأنها من امس بكى ، تذكرت حضنه و حنّيته و تنهدت تشوف مكانه بسرير دلائل انه ما دخل عندها و تركها براحتها ، استغربت لان فين ممكن ينام ، وطلعت ووقت طلوعها شافته يخرج من اخر غرفة في الدور ذا ، غرفة بعيدة حيل و يده برقبته من الم النومة ، رفع نظره لها بهدوء و مشت متجهة لجناح امه ، تنهد و دخل الغرفه غايته يتروش ..

ابتسمت وهي تتقدم لها وتنطق : كيفك خالتي ؟
وقفت سارة باتساع وبهجة : حي الله من جاني بخير من بعد ما شفتك تعالي يمه اقعدي تقهوي معي
جلست باتساع وهي تاخذ فنجان القهوة اللي ناولته وتسولف معها وتضحك بسرور و بهجة ، دخل أنيس وبيده دجى و ينطق بحماس : رُواء شوفي وش جاب لي مُعاذ
ابتسمت وهي تشيلها وتداعبها بيدها وتنطق : يازينها حقتك ؟
اشار رأسه بالرفض مردف : لا حق معاذ ابي وحدة مثلها ماما
ابتسمت رُواء وتذكرت مين معاذ المحامي اللي شافت صورته و باتساع نطقت : انا اجيب لك
ضحك بفرح و صورت القطوة و صورته وهي تنطق : خالتي بيجون عندي صديقاتي اليوم انزلي معي
ابتسمت لان رُواء صارت تشاركها بحياتها : ابشري غالي والطلب رخيص
وقفت وهي تمسك أنيس وتنطق : باخذه معي
رفعت نظرها على رسالة جوري " حنا تحت وينك ؟ "
نزلت وهي تدخل تسلم عليهم وضحكت وقت شافت الهدايا منهم ونطقت وجد : طبعًا ست الحسن و الدلال صايرة تحتفل مع تايقرها
حضنتهم وجلست تسمع جوري : بزعل منك اذا ما رضيتي نطلع نحتفل
ابتسمت رُواء واكملت : بنحتفل بس قبلها بعرفكم على ولدي
ونطقت بحماس : انوس تعال
دخل وبيده دجى وصرخت جوري وهي تقوم له : شنو ذا يناسسس ما استحمل !!
شالته تبوس خده بتكرار : يازين الخديدات
ضحكت وجد تقبله وتردف : خرشتي الولد بسم الله عليه
ضحكت رُواء تشوف حبهم له و سحبته تنطق : اغار خلاص بعدو عن ولدي

اكملت وجد بتساؤل : من ذا ؟
رتبت شعره رُواء وهي تنطق : اخو التايقر أنيس
ضحكت جوري تمسك خدوده : ياقلبي انا التايقر الصغير
ابتسمت وجد تحدثه : عادي اشيل قطوتك ولا تزعل ؟
اشار رأسه بالايجاب وهو يناولها دجى شالتها وهي تقبلها ونطقت رُواء : تراها مو قطوته خمنوا قطوة مين؟
سكتوا باستغراب و نطق أنيس بطفوله : حق مُعاذ بس هو قال اخذها وقت ما ابي
نطقت جوري باستغراب : مُعاذ ؟ مين مُعاذ ؟
شهقت وجد بصدمه نطقت : ليكون معاذ اللي نعرفه ؟؟؟
ضحكت رُواء وهي تكمل : اي محاميك حياتي
اكملت مازالت على صدمتها : وش العلاقة وش عرفه به ؟
لتردف رُواء : معاذ و راكان و أَسِيف اصحاب والواضح انه من زمان
نطقت جوري بحماس : امانه ؟؟
ضحكت رُواء وهي تشير رأسها بالايجاب : اي والله يوم ميلادي عرفت
ابتسمت وجد تداعب دجى و مشت دجى لحضن أنيس نطقت جوري : بصورك اصبر ارفع القطوة قربها من وجهك
التقطت له اكثر من صوره ونطقت : لقيت محتوى احلى من القهوة
ضحكت رُواء و رفعت نظرها وقت دخلت سارة ونطقت السلام ، ابتسموا ووقفوا يسلمون عليها وهي تنطق : حي الله صديقات الغالية
ابتسموا ونطقت وجد : كيفك خالتي ؟
نطقت باتساع : بخير عقب هالوجيهه الزينة
أخذوا بالكلام معها وطلعت بعدها ماودها تبطي عندهم ونطقت جوري : وش هالعائلة الراقية ؟
اكملت وجد باتساع : وجهها مريح لو اجلس معها ساعة اكب كل اسراري
وقفت رُواء ونطقت : بجيب عبايتي خلونا نطلع