زهو عُمرك سجَّان وِجداني !

٢٣

كل هذا انعكس على حدته وغضبه في تعامله معها ، ابعدت يدها عنه من غير ماترد عليه واخذت اغراضها وطلعت ، تنهد وهو يمسح وجهه بيدينه بهدوء وارهاق وتعب ويكمل تدريبه ..

دخلت غرفتها وتروشت وتقدمت وهي تنسدح بتعب وتفكير من صدوده وغرابته واستمرت تهوجس حتى غفت..

الصباح ..

كانت جالسه مع سارة و أنيس يفطرون ونطقت سارة : يبي كيكة على شكل اللي يتفرج له ناسيه اسمه
ونطق أنيس بمرح وحماس : زي القراصنة حق لوفي
اشارت برأسها بتفكير نطقت : مو مشكلة انا ادور حد يسويها عندنا وقت على ميلاده
واكملت باتساع وهي تمسك خدوده : ايش يبي البطل هدية ؟
ضحك بمرح يفكر واكمل : ابي قبعة زي حق لوفي
اشارت راسها بالايجاب واكملت : وايش بعد ؟
اغمض عيونه يفكر : وابي نروح ديزني لاند
ضحكت وهي ترتب شعره وتكمل : وايش بعد ؟
اكمل تفكيره على نزول أَسِيف اللي تقدم يسلم على رأس امه اللي نطقت : ماتبي تفطر يمه ؟
اشار راسه بالرفض مردف : بالعافية
لينطق أنيس بمرح وحماس : بابا تعرف انه ...
قاطعه أَسِيف يبعثر شعره بهدوء : بعدين بابا مستعجل
وطلع حتى من غير لا يسمعه ومن غير ما يناظر لها ، سكتت تلتفت لصحنها بشرود ولاحظت سارة عبوسها ونطقت : يمه رُواء اقرب لك عصير البرتقال ؟
ابتسمت وهي تاخذ كوبها وتنطق : بعده كوبي مليان ..

شركة مساعد ..

كان مشغول بكم ورقة بيده ويتصل يحجز ويرتب ارسل ارقام لسكرتيرة ونطق مجرد ما سمع طرقات الباب : ادخلي نهى
كان على باله السكرتيرة جت لكنه سمع صوت مختلف يردف : ياقليل الادب مين نهى ؟
رفع نظرة لمعاذ وكشر يتظاهر الزعل : لا المحامي بنفسه جاي ؟ هذي تستحق احتفالًا
ضحك معاذ وتقدم يجلس مقابله ونطق بتساؤل : حلوة حركة البلوك حسيتني زوجتك امس
ليردف راكان وهو يكتب في الاوراق : اللي باعنا خسر دلعنا
ضحك بشدة وهو ياخذ القلم ويرميه عليه ويردف : قوم نطلع
ليكون الرفض من راكان مردف : لا علاء جاي
ضحك مُعاذ يمازحه : اجل استاذن واذا احتجت شي لا تتصل علي
وقبل مايطلع دقت الباب السكرتيرة ودخلت تردف : علاء وصل

وسرعان ما وقف راكان بعجلة: خليه يدخل
دخل وابتسم يتقدم ويسلم عليه وعلى معاذ وجلس مقابله ليردف مُعاذ : اجل انا استاذن
و ودعهم وطلع وهو يشوف رسالة راكان اللي فك البلوك : يا خسيس ليه طلعت
ضحك وهو يرسل له " 997 رقم الإسعاف اتصل عليهم من بدري يمدي يلحقوك "
وقفل جواله وهو يركب سيارته ويتجه لمكتبه ..

السجون

كان صراخ وجد يملىء المكان وهي تردف " كييف ماتبي محامي كييف ؟ طول هالسنين انا اسعى لك ولحظة ما جاء معاذ صدقته و كذبتني ؟؟ عامر اقولك وعدني وتنازل عن القضية ! زرع فيني شمعة امل و كب عليها نهر لاجل تطفئ ! ماراح اثق فيه ولا اسمح لك تآمرني فاهم ! "
ليكون الرفض من عامر باصرار : سلمان انا ما اقبل فيه
نطقت بعدها : ولا انا بقبل بجيب غيره بس احلم يكون معاذ
قاطعها بغضب ونطق : انا ابي معاذ و اعرف كل شيء امور انتِ ما تعرفينها
ضحكت وهي تمسح وجهها بتعب : اخر مرة قلت لي انا ابي معاذ راح معاذ عند منصور يقول له مابي هالقضية تعبت منها ما منها حل ! لين متى بتصدقه ؟؟
وقبل ما ينطق بشيء قاطعته بإصرار : انا اللي اختار محاميك مو انت وانا اعرف وش الصح لك وايش الغلط
واخذت شنطتها وهي تطلع تاركته
تنهد وهو يناظر للحارس بترجي : يمديني اتصل ؟ ماراح أتأخر بس خمس دقايق
تنهد الحارس وهو يردف : علشان معاذ بس بخليك تتصل
اشار راسه بالايجاب بتكرار واتصل على معاذ وهو يردف : معاذ تكفى بعلمها انه هددك
ليكون الرفض من مُعاذ باصرار : لا تعلمها ولاشي واتركها تسوي اللي تبي انا اعرف كيف استرد القضية و اطلعك بعدها تقدر تقول وانت خارج السجن اللي تبيه ..