៥ឆ្នាំកន្លងផុតទៅ
ធ្មិចបើកៗរយ:ពេល៥ឆ្នាំក៏កន្លងផុតទៅដោយរលូន អ្វីៗគ្រប់យ៉ាងក៏ប្រែប្រួលទៅតាមពេលវេលាផងដែរមិនថាតែធម្មជាតិ ឬ ចិត្តរបស់មនុស្សឡើយ។ បើងាកមកមើលឆាកជីវិតរបស់កម្លោះតូចជីមីនឯណេះវិញ ក្នុងកំឡុងពេល៥ឆ្នាំមកនេះគេរស់ទាំងលំបាកលំបិន នាយត្រូវរកប្រាក់មើលជម្ងឺ បង់ថ្លៃសាលាឲ្យប្អូនប្រុសតែម្នាក់ឯង ដោយឃើញថាជីវភាពរបស់ខ្លួនរាល់ថ្ងៃនេះលំបាកខ្លាំងពេក ទើបនាយក៏សម្រេចចិត្តប្រើសម្លេងដ៏សែនពិរោះរណ្ដំេរបស់ខ្លួនទៅច្រៀងតាមហាងឬភោជនីយដ្ឋានផ្សេងៗ គ្រាន់បានមកចិញ្ចឹមក្រពះ និង រំដោះភ័យមួយពេលៗប៉ុណ្ណោះ ប៉ុន្តែអ្នកណាទៅដឹងមុនថាវាសនាមនុស្សវាយ៉ាងណានោះ នៅសុខៗជីមីនក៏បានក្លាយទៅជាតារាចម្រៀងមួយរូបដែលល្បីលំដាប់ប្រទេសដោយផុស video ច្រៀងត្រឹមតែមួយឃ្លីបប៉ុណ្ណោះ ចាប់ពីពេលនោះមកជីមីនក៏បានប្ដូរនាមរបស់ខ្លួនទៅជាមួយភាពល្បីល្បាញផងដែរ។
HST Group
HST គឺជាផលិតកម្មតូចមួយដែលល្បីគួរសមនៅក្នុងប្រទេស ហើយវាត្រូវបានកាន់កាប់ដោយគ្រួសារត្រកូល ម៉ា ផលិតកម្មនេះអាចល្បីល្បាញហើយរកចំណូលបានច្រើនគឺដោយសាតែជីមីន បានចូលមកបម្រើកាងារនៅទីនេះ។
« លោក ហូម៉ាជី មកដល់ហើយ.... » សម្លេងស្រែកមិនទាន់នឹងចប់ឃ្លាប្រយោគស្រួលបួលផង ក៏មានអ្នកកាសែតជាច្រើនរត់ប្រមូលផ្ដុំ ដណ្ដើមផ្លូវគ្នាប្រញ៉ាយចូលមករកកម្លោះតូចរាងស្ដើង ដែលទើបតែដើរចុះពីឡាន។
« អាយ៎...ស្រស់ស្អាតណាស់ ហូម៉ាជីៗ » ពួកស្រី/ប្រុសឈរជុំវិញផ្លូវស្រែកហ៊ោកញ្ជ្រាវឡើងបន្ទាប់ពីបាននាយកម្លោះដើរចូលទៅក្នុងក្រុមហ៊ុនដោយបែរទៅញញឹមដាក់ពួកគេ។
« អរគុណអ្នកទាំងអស់គ្នាដែលស្រឡាញ់គាំទ្រខ្ញុំកន្លងមក » រាងស្ដើងដើរដល់មុខទ្វាចូលក្រុមហ៊ុនក៏ងាកមករកអ្នកគាំទ្រទាំងជំហូរ រួចឱនលំទោនដាក់មុននឹងដើរចូលទៅក្នុង ធ្វើឲ្យអ្នកនៅខាងក្រៅទាំងអម្បាលម៉ានក៏បានត្រឹមតែសប្បាយរំភើបនឹងសកម្មភាពដែលអាយដលធ្វើដាក់ខ្លួនតែប៉ុណ្ណោះ។
« ជីមីន... លោកប្រធានចង់ជួប » កាយតូចដើរចូលមកក្នុងក្រុមហ៊ុនមិនទាន់ទាំងដល់តុធ្វើការផង ត្រចៀកក៏បានឮជំនួយការហៅឈ្មោះដើមរបស់ខ្លួនពេញៗមាត់ធ្វើឲ្យគេមានការមិនពេញចិត្តជាខ្លាំងទើបតបទៅវិញទាំងកំហឹង÷
