ماهويت مـن الهوى واهل الهوى الا وليفٍ

البارت ١٥

...........••.............

حطت كفهآ بكتفه العريضِ وابتسم شبه ابتسامه مميله ثغره وألتفت لهآ

تَبسام جلست على الكنبه بهدوء وهي مضايقة

جرهّد ناظرهآ وتنهد بحرقه:ادري جايه

توصليلي العلم أنها رفضتني مالها خاطر فينيِ ابتسم بضيق وحزن وكمل يقول ، كنت متوقع وكيف ترضى واخيش الفاغر جرحهآ؟؟.

تَبسام بضيق من اخيها اللي يحب بنت خالته ومايهمه عيبها:الزواج قسمة ونصيب خذ غيرهآ دامك لك خاطر في الزواج والله ان الزين وأجد

شرايك تتزوج مهاايف بنت خاله ماسه.

جرهّد ناظرها بعصبيه: احبها والحب ؟ شيٍ مقدّر لا تقولين الزين واجد هذي فرق

‏هذي لا طبت كرنفال يتصدر تحرق بطلتها كروت البني حرق تفهمين ، ومب انتي اللي تدليني دربها انا لو ابغاها كان خذيتها ولا فكرت بجَذل لكن هالقلب متعلق ببنت خلف كيف اقنعه بغيرها

ابتسم بهزء وقال ، لو حن المحبين نقدر نتحكم بمشاعرنا لدرجة نوصل من رفض أي طارئ .. أو صد أي مجهول يشاغب على جدران القلب ..ولا نقبل بأي حب ثاني ، كان ماكان حال المغُرمين كذا وتلاقينه مخبول وداخل مستشفى وفاقد عقله لجل يتعالج من مرض الحُب

تَبسام بلعت ريقها من نظراته اللي اول مره

تشوفهم وحكاى: ادري القلب يحب مره وحده

يدق لشخص واحد بس قمين يصل بك العمر ماوصل وقلبك مادق لاحد الا باخرعمرك ليه قلبك توه يحب بعد ايش حبيتها بالوقت الغلط بوقت هي بنفسها ضائعه ، اول مره قلبك يحب حتى وصل حبه العظم حد النخاع بس وش عقبه وش الفائده زين بنت خلف رفضت نحن وش بيدنا نسويه ونت بنفسك تدري ان غزوان جرحها وطعنها علقها به من كانت صغيره ورجع من السفر وحاله قلب فوق تحت وقال مايبغى يتزوجها وقال عنها كلأم شين يسم البدن ولا حد يرضاه ينقال لعدوه وذلحين انت تبغى تاخذهآ وتآخذ مكانه بإي منطق عايشين به ، انت ليه من اول ماتكلمت وقلت بتزوجها ليه ذلحين يوم قال غزوان مايبغاها ، البنت مب لعبه ياجرهّد عندها إحساس ومشاعر وتحس مب جدار..

جرهّد بعصبيه كالاعصار:منطق العادات تفهمين

مب اذا الحيوان اخيش رفضها وجرحها تحط في بالها ان انا اشبه انا مااشبه احد انا ابغاها بكُل عيوبها قلبي اللي يحبهآ ونا قلت ابغاها مب لجل العب بقلبها انا ماطقيت الصدر لجل اصير مثل اخيش انا جرهّد مانيب غزوان انا رجال وشهم مانحطت بدقني هالشوارب لجل أتسلى بقلبهآ لا بالله انا شاريها مب مرخصهآ قدرها محشوم وفوق هالراس ، حشى واللي رفع سبع ونزّل سبع تحت الأرض مانيب لاعِب عليهآ مهوب انا اللي ينزل بـ هالمستوى من القداره داري صعب عليهآ تتقبل الزواج مني خصوصًا بعد إللي صارلها لكن لا تقارني به وتشوف تصرفات غزوان في جرهّد اللي شاريهآ ونا واعد نفسي مستحيل ما أوفي وأرد ألدين..