ماهويت مـن الهوى واهل الهوى الا وليفٍ

الـبارت ١٧

،انفجعت من منظرهآ وهي منهاره في الأرض

تقدمت منهآ بخوف وقيدت كفوفهآ: وشفيش جَذل بسم الله الرحمن الرحيم عليش

اذكري ربش لا تسوين في نفسش كذا؟؟؟

جَذل بدموع وصرخه:مبغى أتزوج جرهّد ولا غيرة ، يبغى يتمشت فينيِ صحيح.'

جسمي شكلي محدن بيرضى به انا مب حلوه صحيح ، شوفي شكلي ناظري فينيِ

ذرىَ حضنتها بقوة وتمسح بشعرها:تكفين اذكري ربش ، مب متزوجته ال جرهّد بس انتي هذي نفسش ، ولا تقولين عن نفسش كذا ، قسم بالله مليون واحد يبيش ومتقبل فيش لا ترمين لذاتش سلبيات جارحه اذا انتي تقولين عن نفسش كذا وش خليتي للقريب والعابر ، جَذول ابيش تفكري بنفسش حرام هالعمر يمر. وانتي مانبسطتي بجمالش خلي عندش اهداف لما تحطمين نفسش ماراح تستفيدي ولا شي وحتى كلام الناس عمره ماراح يفيد لازم تحبي نفسش كلام الناس ارميه وراء ظهرش اذا بتنحفي انحفي لنفسش مثل ماتقولين اول ولصحتش واللي يحبش يقبلش بكل مافيش لا تحطين يدش في خدش وتجرين الحزن على نفسش توش صغيره والعمر قدامش لا تقضي عمر بالهم والنكد مب فايدش بشيء ونتي حلوه جسمش مب ناقصش بشي ولا زايدش شيء. ..

حبي نفسش ودلعيهآ وأتقبليها وش ما كان لجل تشوفين إللي بداخلش ينعكس على إللي حولش قولي لنفسش كل يوم أنا ملكة أنا جميلة أنا أستحق كل شيء جميل بالحياة أنا مب ناقصني شيء أنا ربي عطاني نعم ماعطاها غيري

الحمدلله عندي نعمة البصر ، نعمة السمع ، واقدر اتكلم أهلي يحبوني مب كارهيني  ، املي حالش بدي الكلمات الإيجابية اشحني طاقتش وحالش فيهم واللي يحبش لو انش طريحه الفراش ياخذش ، وتدرين ذا حبّ القلبُ ، ما تُبصر بِه العينُ عيب لأن رؤية القلب تختلف عن رؤية العين فعلًا الواحد لا حُب ما يتحكم بالشكل ويشوف أنش ملكه جمال ولأن السمنة مب عيب ولا أعاقه به رجاجيل يحبون الزوجة السمينة ويعشقونهآ ويبدونهآ على الرشيقة ونا ما استنقص منهم، بس اقولش لجل تحطيهآ في بالش  الجمال جمال الروح والباقي كماليات والرشاقه ما عمرها كانت أساس الجمال أبدا والسِّمنة جمال من يحدد معايير الجمال في الجسم وهو مختل عقلي وضروري يتعالج من عقدته ومرضه ، انتي لا تحطين عقلش الرزين بعقولهم الصغيره والله انهم متخلفات أي احد يفكر بالجمال قبل الروح حرفيًا مب صاحي ، والله ودي اصفع الشكليات المختله فكريًا اللي تقول ، السمّينات قبيحات والله انكم تنحطون على الجرح يبرى يكفي خفه دمكم وجمالكم ولطافتكم وأبتسامتكم اللي تشرح الصدر وتطيب الخاطر وطيبه قلبكم انفذاش ، مسكت كفوفها وتمسح عليهم وهي موسعه ثغرهآ ومبينه صفوف أسنانها البيضاء مثل الؤلؤه ، أبيش تتأكدين انش جميلة في كل حالاتش وان جمال الانسان في اخلاقه مب بشكله ومثل ما قلتلش لازم تقتنعين بشكلش وتتقبليه زي ماهو ولا تخلين كلمه سلبيه تأثر عليش وعلى حياتش كفايه انعزالش للمناسبات والجمعات ، وخوفش مع أختلاط الناس وعادش تبغين تكملين حياتش بحكي المتنمرين اللي همهم في الحياه النقد وكانهم هم كاملين الاوصاف خلقًا وأخلاقاً وهم من الداخل والخارج مليانين عيوب لا تعدد ولأ تحصى ، بس هم فالحين يتكلمون ويلحقون عيوب الناس وهم من يعانون من نقص يحاولون ان يدارونه بكلامهم عن عيوب غيرهم ، ويحاولون ان يعطون صورة أنهم مثالين وكاملين ولا عيب عندهم وهم بالأصل عقولهم ناقصه وفارغه ، ما يدرون ان كلنا خلقت ربي والله خلقنا بأحسن صورة وحن علينا ان نحمد ربنا ونقول "الحمدالله" تنهدت بقوة ورجعت تكمل فلسفتها ، وتذكري يا جَذل ان الحياة ماتوقفت على فقدان رجل صفعات الحياة ماتنتهي عيشي حياتش والخير جايش ثقي بربش من ثقه به ماخاب. وان شاء الله ربي بيعوضش بااحسن منه اللي ينسيش حتى اسمش تفائلي دوم واحسني الظن بالله واعرفي كل امر المؤمن خيرا له واحنا بدنياا راحله ، زين جَذول وذلحين يالله امسحي هالدموع وخلينا ننزل نجهز القهوة والحلا ،،