ماهويت مـن الهوى واهل الهوى الا وليفٍ

البآرت ٢٦

............•••..........

جالس فوق سريره الوسيع وهو مرجع كفوفه ورا رأسه ومتكي ظهره على السرير وعيونه معلقه على الثرايا الكبيره وتفكيره كله متوجهه عند مُلهمتة تنهد بحُب وقلبه يستشعر ان يوجعه من كثر ما يعشقهآ ، توسع ثغره تذكر أخر لقاء بينهم وكيف شتمته ، همس بخفوت جمالهآ يشفعلها باشياء وأجد صحيح أسلوبها خشن لكن جمالها يشفع هي تجنن واجد ونا متخبل فيهآ أحبها أعشقها ، مااقدر اصبر كل سنه تمر ونا اقول اللي قبلها بملك كل سنه لي متى يا حريث لي متى ونت قادر عمرك وصل ال٢٥سنه ونت عادك مقيد يدينك انا خلاص حزمت بكلم الغاليه لجل انهي الموضوع وتكون تحت عيوني وبين أحضاني دايم ، اليوم بكلمهآ ، همس بجنون وتمني ودي زواجي يكون بنفس يوم زواج خليل روحي ، فز كأنه مقروص ووقف من على السرير ولبس نعاله ( يكرم القارىء) وفتح الباب وخرج وقفله وراه ومشى ونزل من الدرج بخطوات سريعه ولقى أخيه مسهَاج جالس ويتذمر وأمه تهديه ، سلم عليهم وقبل براس امه وابيه  وجلس على الكنبه، خير شقومك مارحت الجامعه ؟

مسهَاج بقرف وعصبيه من حالته:طفشت انا دايم موتري القرمبع عطلان ولا حتى مصروف مثل الاودام مامعي عيشتي تقرف وهذا حن فلوسنا تغطي عين الشمس

حريث بملل منه دايم نفس الموال:احمد ربك غيرك مب لاقي موتر يمشي حاله فيهآ وبخصوص المصروف امس محولينك ٣الف وين وديتها شفطها؟

ابو هجّان بعدم اهتمام :يظن حاله نشتغل عشانه

مايحس بالمسؤولية لا عنده لا ذمه ولا ضمير يصرف ولا مهتم ثم يعود يمدّ يده

مسهَاج بقهر من كلامه:أبي انا قلت لك الفلوس راحت على الموتر تغير الزيت واعبي البانزين يومياً والأشياء ذي شلون ودك تبقى الفلوس بيدي وها شف بعيونك صافطهآ القرمبع اللي مآ بهآ منفعه عطلانه قلت لك اشتريلي وحده جديده افضل من ذي لجل ارتآح وأريحكم معي منت براضي تحبون الخساير وبعدها تلوموني بعدم المسؤولية ونا دايم مكروف معهآ وساحب على محاضراتي

ام هجّان تايده:صحيح حكاه يا أشهب خذله موتر أزين من ذي اللي معه ولا يخسر دراسته مب زين

مسهَاج يهز برأسه بتوسل:اي تكفين يالغاليه اقنعيه والله اني تعبت معهآ دايم كذا اذا ما تعطلت هنيأ تتعطل بوسط الطريق وصفطها وروح الجامعه بمشوار إذا اخوياي دخلوا الكورس ، آو إتصل على هِباب ولو انه في اخر الدنيا يجيني يامه بالله ذي حاله

حريث بملل :امداك تقول ل هجّان يوصلك بدال ما تغني هنيا

مسهَاج كشر بقرف:أعوذ بالله من هالاسم والله افضل اغيب ولا اقوله النفسيه المعقد المريض مغرور، المهم يابه تكفى ارضى ترا تعبت حيل والله تعبت تراني رجال مب غرير يعني يكفي آخذ

المصروف منكم والله انه حازه بخاطري..

ابو هجّان يقوم من على الكنبه:لا صرت رجال وشهم وصار عندك ضمير وحس بالمسؤولية بعدها بأذن الله باخذلك اخر موديل لكن ذلحين مستحيل ، مشى عنه ..