ماهويت مـن الهوى واهل الهوى الا وليفٍ

الـبارت ١٠

............••..........

جالس على الكنبه وهو يهز برجله من كلام أمه

اللي شحن عصبيته وقام من الكنبه ونطق بصراخ:كنت ابغاها وميت فيهآ لكن ذالحين مب بخاطري ، رص باسنانه بسخريه وكمل بنطق خليها تشوف من الغبي اللي بياخذها هي وقرفها وجسمها المليان الضخم ، وصلي الكلام لختش ، قولي لها يقولش غزوان لا تناظرين غزوان على انه ياخذ بنتش وعاده له خاطر فيهآ لا خاطري فيهآ ذبل ولا عاد ابغاها مثل أول انا أبغي وحده جسمها هزيل حيل وفيهآ كل الجمال اللي توصفه ابيات القصيده ، نطق وهو يكمل يفجر القنبله اللي محتضنه لسانه الحقير ، هالقلب ناوي ببنت هاله بنت ضحيان ماغيرها يامه ابغاش تخطبيها لي. خاطري تكون ام لطفالي دِروب جسمها زين ويناسب لي حيل مهوب بنت اختش اتزوجها اروح معها السوق يقولون هذي أمي مب زوجـ

ام غزوان بعصبيه كتمته بكف انخرس:صدق انك منت برجال تمشي وراء الأجسام ياقليل الأدب والنخوه ونت اللي قلت جَذل تبغاها حسبي الله عليك فضحتني وش أقول لشيمه ولدي ماعاد له خاطر ببنتش ، قال يبغى يتزوج وحده جسم هزيل هذا مبرر ونت اللي علقتها فيك من كانت صغيره وذلحين بكل برود تسحب نفسك والكل يدري إنها لك وذا الشهر ملكتكم

غزوان بقهر:كان ماضي وراح ذلحين في

الحاضر ونا فكرت شفت ماتناسبني ولا حبيت

جسمها يامه القلب الوكاد تعلق ببنت ضحيان

دِروب خطبيها لي الخاطر يبغاها

جرهّد نازل من الدرج وسمع اخر كلام قاله ونطق:صاحي انت ولا شارب ولا وش علتك تضن بنات الناس لعبه بين يدينك تعلق البنت فيك وتقول اخطبيلي بنت ضحيان ، لااا الأكيد انهبلت تحط خطبه فوق خطبه مهبول،،

غزوان التفت له:هالقلب معد راضي فيهآ اجبر نفسي عشان ما تزعلون ، ونا جَذل وصلت لها الكلام بالحرف الواحد اذا جسمها كذا مليان مهوب مآخذها جاها العلم اذا نحفت تبشر بي

بجي لحد باب البيت ونملك

جرهّد سحبه من ياقته بقهر:من متى حن نهتم بالشكل من متى يجذبنا الشكل ومانهتم بالروح وطيبه قلبه واسلوبه الزينه ولا انت المانيا اللي جيت منهآ ضربت عقلك ولا محاسب بكلامك"

غزوان دفه بعصبيه:احترمني اخيك الكبير انا شايفني اصغر عيالك عشان تمد يدك وترى مايحتاج تضخم الموضوع عادك عندك وقت فكر به وخذ وقتك إذا استخرت وارتحت توكل على الله وخذها وغطي علي ، "ونا الأكيد زوجتي المستقبلية أبغاها تكون مرسومه رسم ، قهق بقوة ، بس ما تناسبك جسمها مليان حيل مدري كيف بترضى تتزوج سمينة مترهله ونت جسمك رياضي ، تقدم منه ورفع كفه وثبته بذراعه بجديه ويناظره بتفحص، ونت كذا جسمك زين وعضلاتك مفتوله وأجد

هي يناسبها واحد بنفس جسمها حرام تظلم حالك معها منت بمجبور تأخذ شي مالك نيه به

ام غزوان بصراخ عليه:غزووووووان؟؟. وش