1. Sold to CEO (R-18)

2

Unedited...

Binuksan ni Chris ang pinto saka pumasok. Nilingon niya si Anika na nakatayo lang sa harap sa pintuan.

"Come in." Saka lang tila nagising ang dalaga at pumasok bitbit ang ilang mahalagang gamit.

"Sana hindi ka na nagdala ng gamit."

"Mahalagang bagay ang laman ng bag ko," sagot niya. Halos lahat ay alaala sa kanyang ina kagaya ng litrato at ilang damit na gawa ng kanyang ina. Napalingon siya nang marinig ang pagsara ng pinto.

"Ito ang condo unit ko. Madalas akong nandito lalo na kapag ayaw kong ma-stress sa bahay. Ito ang sala, may TV naman kung gusto mo at ayun ang kusina, feel free kapag gusto mong magluto."
Sumunod si Anika kay Chris sa kwarto. "This is your room. May sariling banyo ka sa loob, closet at kumpleto naman sa gamit. Yung isang cabinet para sa 'yo 'yan."

Namangha siya sa ganda ng kwarto at halatang mamahalin ang gamit.

"Pwede mo nang ayusin ang mga gamit mo," ani Chris. "Nag-order ako ng pagkain. After thirty minutes pa raw idadalhin dito."

"Saan ka matutulog?" nahihiyang tanong niya kaya tinitigan siya ng binata mula ulo hanggang paa.

"Sa tingin mo?"

"H—Hindi ko alam," sagot ng dalaga saka yumuko pero hinawakan ni Chris ang kanyang baba para magkasalubong ang kanilang paningin.

"Iisa lang ang kwarto, Anika. Sa tingin mo, saan ako matutulog?"

"S—Sa sala na lang ako matulog, okay lang. Sanay naman ako," ani Anika.

"Dito ka matulog katabi ko."

"P—Pero sir—"

"Hindi pa ba maliwanag ang lahat, Anika?"

"H—Hindi ko ho kayo maintindihan."

"Sa tingin mo, binili kita para lang hayaan akong matulog dito nang mag-isa?"

"Seryoso ka ba talaga sa pagbili mo sa akin?"

"Am I joking?"

"But why?" hindi makapaniwalang tanong niya.

"Kasi may utang ang tatay mo sa kompanya ko na kailangan mong bayaran. Pasalamat pa nga sila at may isang milyon pa silang nakuha."

"P—Pwede namang si Ana na lang ang binili mo."

Nakita niya ang pagguhit ng inis sa mukha ng binata.

"Ako ang bibili kaya ako ang mamili ng produktong gusto ko."

"Okay lang, maglilinis na lang ako ng buong bahay mo pero sa labas na lang ako." Sabi niya saka tumalikod pero mabilis na napigilan siya ng binata sa kanang braso at hinatak palapit sa katawan nito.

"Do whatever you want, Anika," bulong ni Chris sabay pulupot ng kamay sa bewang ni Anika. "I'll do mine."

"S—Sir..." naiilang siya sa posisyon nila pero naguguluhan din ang utang sa kung ano man ang dahilan ng pagbili nito sa kanya. Napapikit siya nang maramdaman ang matigas na bagay sa pagitan ng hita ng binata.

"Hindi ba't dapat magpasalamat ka sa akin at itinakas na kita sa bahay ninyo?"

Tiningala niya ang binata sa nagtatanong na mga mata.

"You were bullied, right? Hindi maganda ang trato ng pamilya mo sa 'yo at hindi pantay ang pagtrato ng ama mo sa 'yo. Nakikita ko iyon."

"Bahay ko pa rin iyon."