សំណព្វចិត្តអ្នកអង្គម្ចាស់ហេលី⚝ ( HJ )

EP1 : ក្មេងឆ្កួត!!

នគរចនលីម៉ាឌ្រីដ :

ទឹកដីនគរមួយដែលស្ថិតក្នុងភូមិភាគល្អថ្លៃថ្លាធ្វើអោយនគរនេះទទួលបាននូវភាពរីកចម្រេីនក្រៃលែងរហូតដល់ក្លាយជានគរដ៏មានអំណាចក្រោមការដឹកនាំរបស់ព្រះមហាក្សត្រចនលីម៉ាឌ្រីដ ប្រជាជនរស់នៅសម្បូរសប្បាយប្រកបរបររកស៊ីតាមចំណង់ពួកគេប៉ុន្តែនគរមួយនេះក៏មានច្បាប់តឹងរឹងនិងមានសង្គ្រាមញឹកញាប់ទៀតផង ។

បុត្រច្បងមាននាមថា ហេខេយ៍ ចនលីម៉ាឌ្រីដ អ្នកអង្គម្ចាស់រូបសង្ហាដែលត្រូវស្នងតំណែងបន្តពីព្រះរាជបិតា មានព្រះជន្មច្រេីនសមគួរ ទោះបីជាមានរូបសង្ហាតែម្យ៉ាងក៏ដោយ អ្នកអង្គម្ចាស់រូបនេះក៏មានសមត្ថភាពយ៉ាងខ្លាំងខ្លាចេះក្បាច់គុណគ្រប់សព្វបែបយ៉ាងតែម្ដងហើយទ្រង់ពុំទាន់មានហេសីឡើយគឺមានតែស្នំដែលផ្សំផ្គុំដោយបិតាមាតាតែប៉ុណ្ណោះ ។

បុត្រាពៅមាននាមថា ហេលី ចនលីម៉ាឌ្រីដ ( សំណព្វចិត្តអេដមីន ) អ្នកអង្គម្ចាស់រូបនេះជាបុត្រាពៅដែលមានពហុជំនាញ រូបសម្រស់សង្ហាល្អឯក ថែមទាំងត្រូវបានគេប្រសិទ្ធនាមអោយថា " អធិរាជនៃសង្គ្រាម " ព្រោះទ្រង់តែងដឹកនាំទ័ពចេញច្បាំងនិងសត្រូវហេីយត្រឡប់មកវិញយកភាពជោគជ័យជូនជាតិធ្វេីអោយប្រជាជនគោរពកោតខ្លាចទ្រង់យ៉ាងខ្លាំង ហើយទ្រង់ក៏ជាមនុស្សដែលចេះយុទ្ធសិល្ប៍ខ្លាំងពូកែតាមការបង្វឹករបស់គ្រូ ចេះលេងស្នៀតដាវឥតស្រមោល ចេះគ្រប់បែបយ៉ាងតែមិនចេះយកកែវភ្នែកក្រឡេកមេីលនារីណាឡេីយ ។

[ ដំណាក់ហេខេយ៍ ]

ដំណាក់នេះស្ថិតនៅភាគខាងកេីតនៃរាជវាំងជាដំណាក់របស់បុត្រាច្បងដែលមានភាពទូលំទូលាយល្អថែមទាំងតុបតែងយ៉ាងប្រណីតព្រមទាំងមានបរិវាបម្រើសម្អាតគ្រប់សព្វបែបយ៉ាង សាកសមជាកន្លែងរបស់ហេខេយ៍ចនលីម៉ាឌ្រីដពិតៗ ។

« លឿនឡើងណាជេគ!! ប្រយ័ត្នធ្លាក់ណា!! » សម្លេងស្រួយខ្ញាកតាមដោយម្ចាស់ម្លេងមានរូបរាងតូចច្រឡឹងរង្វង់មុខភក្ត្រាស្អាតដូចស្ត្រី នេះគឺជា គីម ថេយ៉ុងនោះអី គេកំពុងធ្វើការស្រែកប្រាប់ទៅកាន់ប្អូនប្រុសដែលឈរកាន់កម្រងផ្កានៅខាងក្រោយគេ ពេលនេះកំពុងធ្វើដំណើរសម្ដៅទៅរកនរណាម្នាក់ហើយទេីបទឹកមុខថេយ៉ុងដូចសប្បាយចិត្តយ៉ាងនេះ