« ម្ចាស់បង » ហេលី ស្រដីហៅម្ចាស់បងពីក្រោយខ្នង ចិញ្ចើមផ្ដើមជ្រួញចូលគ្នា ពេលដំណើរនាំមកដល់ក្នុងបន្ទប់ជំនុំជម្រះក្ដី កែវភ្នែកអ្នកអង្គម្ចាស់ក្រឡេកឃើញថេយ៉ុងអង្គុយលុតជង្គង់ មានក្រណាត់រុំគ្របក្បាល ហេតុអីម្ចាស់បងគេចិត្តដាច់ទ្រាំមើលទៅរួចទាំងដែលទ្រង់ស្រឡាញ់ថេយ៉ុងណាស់?
« អាក្មេងម្នាក់ហ្នឹងលួចរបស់របរមហេសីយើង គួរដឹងស្រាប់ហើយថាទោសចនលីម៉ាឌ្រីដ អ្នកលួចត្រូវស្លាប់ទាំងគ្រួសារ ដូចច្នេះហើយ ឯងមិនអាចការពារគេបានទេ គ្រួសារគេត្រូវផ្ដាច់ជីវិតទាំងអស់ » ហេខេយ៍ ដើរទៅអង្គុយនៅលើកៅអី ទាញពែងស្រាមកផឹក បញ្ចេញឃ្លាមួយប្រយោគធ្វើអោយបេះដូងអ្នកជាប្អូនធ្លាក់ដល់ចុងជើង
« មានភស្ដុតាងឯណាបានថាគេលួចរបស់របរនាង? ថេយ៉ុងនៅទីនេះច្រើនឆ្នាំហើយ មិនដែលលួចរបស់អ្នកណាទេ » ហេលី ស្មានដឹងថាមានអ្វីមិនប្រក្រតីចំពោះម្ចាស់បងគេប្រាកដណាស់ ហេខេយ៍ស្គាល់គេច្បាស់ជាងទ្រង់ទៅទៀត ហេតុអីថ្ងៃនេះ ទ្រង់ជាមនុស្សតែម្នាក់គត់ដែលត្រូវមកចេញការពារគេ?
« នៅច្រើនឆ្នាំតើវាយ៉ាងម៉េច? របស់របរបាត់ រកឃើញនៅក្នុងបន្ទប់របស់គេ រឺឯងគិតថាវាមានជើងចេះដើរទៅខ្លួនឯង? »
« ម្ចាស់បងកំពុងកាត់ទោសមិនសមហេតុផលហើយ ខ្ញុំមិនឯកភាពនោះទេ! »
« ឯងចង់ការពារចោរហ្អេស៎? »
« ខ្ញុំមិនបានការពារចោរហើយរឹតតែមិនគាំទ្រទង្វើឆក់ប្លន់ តែម្ចាស់បងគួរតែជ្រាបថាអ្នកផ្សេងដែលមិនពាក់ព័ន្ធក្នុងរឿងនេះ គួរនៅដោយឡែក បើគេលួច គេត្រូវទទួលទោសតែម្នាក់ឯង » ទ្រង់មិនបានដឹងថាមានរឿងអីកើតឡើង? ថេយ៉ុងលួចរបស់ពិតមែនរឺអត់តែច្បាប់ប្រហារជីវិតនោះ មានតាំងពីដើមមកម្លេស ពេលនេះអាសន្នធ្ងន់លើជេយ៉ុនម្នាក់ទៀត អ្នកអង្គម្ចាស់មិនអាចទ្រាំមើលគេស្លាប់ទាំងគេគ្មានកំហុសបានឡើយ...!
« អ្នកផ្សេងពីមុនធ្លាប់ទទួលទោសនេះច្រើនដងហើយ ហេតុអីយើងមិនដែលឃើញឯងចេញមកការពារពួកមនុស្សទាំងនោះ???? »
« ពីមុនពួកចោរទាំងនោះជាពួកហុងចូវផាក តែពេលនេះ គេជាមនុស្សចនលីម៉ាឌ្រីដ មិនមែនជាមនុស្សរបស់ពួកហុងចូវផាកនោះទេ បើគេជាមនុស្សហុងចូវផាក សាកសមណាស់ផ្ដាច់ជីវិតទាំងគ្រួសារ ព្រោះពួកហុងចូវផាកជាពួកសត្រូវ »
YOU ARE READING
សំណព្វចិត្តអ្នកអង្គម្ចាស់ហេលី⚝ ( HJ )
Romanceអតីតកាលជាមនុស្សមិនប្រក្រតី បច្ចុប្បន្នវិវត្តន៍ខ្លួនថ្មីព្រោះភ័ព្វព្រេងវាសនាអូសទាញអោយទៅរកអ្នកអង្គម្ចាស់បណ្ដូលចិត្ត គេសូមស្ម័គ្រខ្លួនថានឹងនៅជាមួយអ្នកអង្គម្ចាស់ហេលីរហូត គឺរស់នៅយ៉ាងពេញសិទ្ធិក្នុងនាមជា " សំណព្វចិត្តរបស់អ្នកអង្គម្ចាស់ហេលី " ។ Main charac...
