အမုန်း-အတ္တကြားမှ ပေါက်ဖွားလာသော နှလုံးသားတစ်စုံ [ Complete ]

🍋8🍋 💜 Zawgyi 💜

- Dr.လျှို က မိဘမဲ့ မဟုတ်ဘူးလား။

- မသိဘူး။ အခုက Dr.လျှို ရဲ့ မားမားလို့ ပြောတာပဲ။

- ထူးဆန်းတယ်။ ကိုယ်ရေးအကျဥ်းမှာတောင် မိဘနှစ်ပါးလုံး မရှိဆိုပြီး ရေးထားတာ ဘယ်က အမေ က ပေါ်လာတာလဲ။

- မွေးစားအမေလား

ကျိုးချန် - ဘာတွေ ပြောနေကြတာလဲ။

ဒီနေ့ ဟိုက်ခွမ်း က မနက်အစော ခွဲခန်း၀င်စရာ ရှိလို့ မနက် ၆နာရီကတည်းက ဆေးရုံရောက်နေတာ ဖြစ်သည်။ ကျိုးချန် ကတော့ ၉နာရီခွဲမှ ဆေးရုံကို ရောက်လာခဲ့သည်။ အကြောင်းမှာ အိပ်ယာထ နောက်ကျနေသော ကြောင့် ဖြစ်သည်။ 

- အာ Dr.ကျိုးချန် လာပြီလား။

ကျိုးချန် - အင်း ဘာဖြစ်နေတာလဲ။

- Dr.လျှို မှာ မိဘတွေ ရှိတာ Dr.ကျိုးချန် သိလား။

ကျိုးချန် - ဟင် ကိုကို က မိဘမဲ့ မဟုတ်ဘူးလား။

- လျှိုဟိုက်ခွမ်း!!! မင်း ဘာအချိုး ချိုးနေတာလဲ ဟမ်။

ကျိုးချန် မျက်လုံးပြူးစွာ မေးခွန်းမေးလာသူတွေကို ပြန်မေးလိုက်တော့ တစ်ဖက်ကလည်း အံ့သြစွာ ပြန်ကြည့်လာသည်။ သူတို့အားလုံး ​ဘာမှ မပြောနိုင် ဖြစ်နေကြတုန်း ဟိုက်ခွမ်းရဲ့ ရုံးခန်းအတွင်းမှ ကျယ်လောင်သော  အသံတွေ ထွက်ပေါ်လာသည်။

ဟိုက်ခွမ်း - ဒါက ဆေးရုံ!! စကားပြောတာ ဆင်ခြင်ပေးပါ။

- မင်း အခု တွဲနေတဲ့ ကောင်လေး နဲ့ အဆက်ဖြတ်ရင် ဖြတ် မဖြတ်ရင် ငါ့အကြောင်း သိစေရမယ်။

ဟိုက်ခွမ်း - သူ့ကို ထိခိုက်အောင် လုပ်ရင် ကျွန်တော် ကလည်း အားနာမှာ မဟုတ်ဘူး။

- ဘာ!!!

ဟိုက်ခွမ်း - ကျွန်တော် Round လှည့်ရမှာမို့ ပြန်တော့။

- ညနေ အိမ်မှာ ထမင်းလာစား။

လီဝေယန်း စားပွဲခုံမှာ တင်ထားသော မိချောင်းသားရေနဲ့ ချုပ်လုပ်ထားသော Branded အိတ်ကို လက်မှာ ချိတ်လိုက်ပြီး အခန်းထဲမှ ထွက်လာခဲ့သည်။

ထိုအမျိုးသမီး ထွက်သွားမှ ကျိုးချန် ဟိုက်ခွမ်း ရှိရာ ကို အမြန်ပြေးသွားလိုက်သည်။ သူ သိချင်တာတွေ အများကြီး ရှိနေပြီမို့