اشتريتلي ملابس غريبة شوي ونقال ايفون صيني يعني شكل ايفون بس محرك صرصور ، جبتلي نركيلة الكترونية ولبست محبس ابو حسين فهد اللي كتلني من تعاركت ويا هنودة بس غريب هل المحبس حسيت لبهه طاقة غريبة واشتريت سبحة مرتبة وساعة ذكية هاي كلهن شالهن باسم النذل مادري بيه عنده هلكد فلوس ، صار حسابنه 250 الف دين ... فوك المليونين اليطلبنياهن باسم ...
باسم راح يستقبل الحلوات بساحة سعد واني رحت سبحت تعطرت بعطر خليجي شيشة بالف ولبست وكشخت باسم رمش علي معناتهه وصل للبيت ، اني خليت البشت وباقي الغراض بعلاكة ورحت لبيته وبباب البيت رجعت لبستهن ، زحمة من الناس افتر ببشت فرو ... المهم دكيت الباب فتحلي باسم...عشت الحالة رفعت خشمي ونفخت بوجهة دخنة جبيرة ...
شفتهن كاعدات ... عل الكرويته ... مصطفى ماكو ... من شفتهن راسا عرفتهن نسخة طبق الاصل من الصورة بس اكيد الصور بيهن فلاتر فالخشم بالطبيعة شوي اكبر والشفايف ازغر والعيون ازغر بس بعدهن كلش حلوات...الجكمة شما تخلي فلاتر صعب تحسن من قيافتهه ولو السناب بهل الوكت كالب الخلق كلاب ... المهم مديت ايدي يم حلك باسم
باسم لزم ايدي يسلم ...
همستله : ولك بوس المحبس...
باسم: مابوس ... مخبل انته
كتله : ولك اني الشيخ غير شيخ
باسم خزرني وباس المحبس وكال اهلا اهلا وسهلا سيد نورتنه يا مرحبا يا هلا ...
اعرفك بصديقاتي السولفتلك عنهن عسل وشهد...
تقربت يم عسولة شفايف نفخ خشم زغير عيون ملونة شعر اشقر فاتح والجسم ضيم من اكول ضيم ضيم مثل الفشنستات اللي يطلعن بالانستا بس فرق الوحيد هو العنوان الوظيفي ، ذيج تعرض جسمهه عل العام هاي تعرضهه عل الخاص ، لابسة بدي اسود ضيق ربع ردن وياهه ستريج بنفس اللون بس شوي شفاف وضيق زيادة عن اللزوم بحيث تفاصيلها الخاصة اكثر من واضحة وصريحة ...
هم مديت ايدي قريب عله حلكهه هي لزمت ايدي بكل حنية وقربتهه من شفايفهه الصارخة الحمر وباست المحبس كالت خدامتك عسل... المعنى الحرفي وطريقة كلامهه جانت جدا مثيرة يعني حسن اختيار للكلمات التي خلقت الف خيال قبل لا حتى المسهه ، جان ممكن تكول مرحبا اهلا اني عسل بس كالت خدامتك عسل
شوي ضغطي صعد بس ما حجيت شي ولا بينت عله روحي وتقربت لشهد اللي ما جانت مهتمة بنفس القدر ظلت كاعدة عل الكرويته ورافعة رجليهه عل القنفة ومتكورة ولازمة النقال صافنه بيه من وصلت يمهه بس باوعتلي ورجعت تباوع بنقالهه ، اني لازم اتصرف علمود احافظ على هويتي الجديدة ، البسهه ؟ ابين ضعيف ، اصيح؟ اضيع هيبة الشخصية لان الكل يهاب الرجل حتى يتكلم ، بقيت واكف بمكاني واباوع شلون ضوه الشاشة منعكس على وجهه الشرقي ، شرقية من كل النواحي عيون سود شفايف كبار حواجب طويلة شعر اسود طويل جميلة الى درجة غريبة خليط من الانوثة والعراقة ، باوعتلي مرة ثانية وهلمرة رفعت راسهه وكالت "شعدك واكف فوك راسي" ومدت ايدهه بطريقة استهجان ، لزمت ايدهه وصافحتهه وعصرت ايدهه بكل قوتي خليتهه تكوم من مكانهه وتوكف على حيلهه ، وطيحت النقال وباوعتلي بنظرات كلهه استغراب ، جنت خازرهه بالبداية بس من صارت عينهه بعيني ابتسمت ابتسامة خفيفة ورفعت ايديهه وقربتهن لشفايفي وبستهن ، كتلهه " الخيال والواقع شيئين مختلفتين تماما" وهي نظرات الاستغراب مالية عيونهه.
أنت تقرأ
الخذلان +21
Horrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
