الخذلان +21

الفصل السابع عشر

في الاجزاء السابقة
من استلمت السيارة وصلحتهه بديت اراسل اصحاب الطلبيات الباقيات بسيارتي وحدة لحت علي اسمهه اسراء ورحتلهه بالليل وصار اللي صار ، ولان رجلهه على جية وجسمهه كله اثار عض وضرب اقترحت اني اشد ايديهه ورجليهه ونسوي كانما عملية اغتصاب وسرقة  طشيت ملابس الكنتور ..  وزعبلت الغرفة...خذيت القاصة وقبل لا اطلع باوعت لاسراء مرة اخيرة...جانت عيونهه تستغيث...كانما تباوع لوحش بافلام الرعب ... مرعوبة ومصدومة...شلون وصلت الامور لهل المواصيل...كتلهه ، بس تستقر الامور راسليني...بس جذب جنت ماسح رقمي من نقالهه وماسح الدردشات...
لبست هدومي وطلعت.. صعدت بسيارتي..وبوجهي للبيت الساعة خمسة الا شوي...والشمس ستوهه طالعة...وصلت للبيت وبدون ما اسبح طبيت نمت...من التعب والارهاق..اخيرا الدنيا ابتسمتلي...وغفيت

كعدت الدنيا ظلمة...بس ضوة خافت من برة غرفتي تنعكس جوة...اريد اكوم ماكدر، فجأت خيال من ورا الكنتور يطلع...عيون حمر ووجه وجسد مشوه...ما يمشي كانه يطفوا اسنان صفر طوال بدا يتقربلي لحدما وجهه صاؤ مقابل وجهي ، اريد اتحرك اريد اكوم اريد اصرخ ماكدر بس عيوني تتحرك...جسمي كله مشلول وبصوت نسائي همس...
الكيان: كاظم اسميك لو كامل...متونس؟ اخيرا الحياة ابتسمتلك؟ هذه كله بفضلي...واذا تبقه هيج حباب ( بدا يلمس وجهي ) راح اعيشك احله عيشة...بس تسمع كلامي...واذا ما سمعت كلامي...(لزم ايدي وقربه لحلكه وعض صبعي وبترهه) راح ازعل...اريد اصرخ اريد احجي ماكو جسمي كله مشلول...الدم بدا يسيح لحدما فجاة...فزيت
باوعت لايدي..كلشي بمكانه...شهل الكابوس الخايس...جسمي بعده يرعش...طبيت للحمام سبحت وباوعت عل الطلبيات اللي باقيات...تعاجزت اوصلهن...شفت القاصة حاولت افتحهه شكم مرة ماكو ... فتحت نقالي ... مسجات من الزبائن...لازم اخلص منهن بس ما بيه حيل...
رحت لبيت باسم ...
باسم: شلونك كاظم...
كاظم: هلو بسوم...
باسم: محتاجلي شكم فلس..
كاظم: بعدني مفلس ...بس اذا توصل ذن الطلبيات اخذ الاجره مالتهن بيهن ٣٥ الف كروة تمشي امورك...
باسم: بيمن اوصلهه؟
كاظم: صلحت الجي كلاس مالتي...
باسم مد راسه من البلكونه وشافهه...وصوفر
باسم: طالعه لوز المطعطعه...
كاظم: ارجوك لا تجرح مشاعرهه...ها شكلت اخذ السيارة وهاك نقالي بيهه اسماء وعناوين وارقامهم...البوكسات يمك بكشن الورا...وهاك السنوية واجازة سياقتي خاف السيطرات يحقرون هم تساعد اخوك ااتعبان وهم محصللك شكم فلس .. ها شكلت..
باسم: انطيني السويج...
كاظم: سويج الجي كلاص..
باسم: جي نعل ... اوصلك بدربي...؟
كاظم: ياريت...
صدك وصلني باسم...طبيت للبيت..بقت بس طلبية وحدة بوكس بدون اسم ولا عنوان...جابني الفضول شنو بداخلهه...جيس محكم ملفوف لف...بسجينة فتحتهه...والمفاجأة الكبرى...٣ شدات فلوس...
فلوس فلوس...ااااخ بعمري وحياتي مشايف هلكد فلوس...منين ذن؟ المن ذن؟ مال شنو؟؟؟ المهم صارن من نصيبي...هلا هلا سعادة ولا قبلهه ولا بعدهي سعادة...

بقت القاصة...حاولت ارقام هواي ماكو فايدة...بالاخير انتبهت اكو باتريات جوة...شلعتهن ورجعت شكلتهن ودست اربع صفارة وجان تنفتح القاصة...والمفاجئة ...ما مصدك عيوني..