شهد - الفصل الثالث
مريم: ولا بسبوسه ، انجبي مالج علاقة اني اصلح غلطة مصعب ، واخليه غصبا ما عليه يتزوجج لا تضوجين حبيبي اهمشي سبحي ورتبي روحج باجر نروح للطبيب وهوه مضمون هواي صديقاتي رايحات مسويات العملية عنده سهلة وما تخوف...
الباب اندكبابا: هلو مريوم شلونج اعتذر مادري بيج هنا ، هلو بابا شهودة شلونج...
مريم: هلو خالو شلونك شخبارك ، بس جنت جاية اتطمن عله شهد شوي تعبانه هل اليومين حسيتهه ، شهودة باجر الصبح اجي اخذج
شهد: لا مريم ما روح...
بابا: ليش حبيبتي
مريم بدلع: عمو تقبلهه اريد اطلعهه افرفرهه شوي تغير جو الدراسة خالتهه كئيبة وصارلي ساعة اتوسل وماتقبل
بابا: ليش حبيبتي روحي غيري جو ، ادري بروحي مقصر وياكم وماجاي اطلعكم واسفركم بس وملتهي بهل العيشة
مريم: سمعي كلام خالوا ... يلا باي
بابا: ها حبيبتي شبيج؟ تعاي بحضني
نمت بحضنه وبديت ابجي وابجي وابجي وهوه يلعب بشعري ، وين جنت بابا هل الشهرين الفاتن ، بنتك البريئة تحولت الى ساقطة من ورا مصعب ومريم ... وين جنت بابا يبوس براسي ويلعب بشعري بس ما حجه ولا كلمة وبقيت هيج بحضنه ساعات لحدما غفيت ، من كعدت لكيت الساعة ب2 وبابا بعده كاعد يلعب بشعري...وخرت عنه كتله اسفه مادريت بروحي ونمت
بابا: نوم العوافي...حبيبتي لا تتاسفين بالعكس صار هواي منايمة بحضني ومشتاق لهذه الاحساس بابا بس عندي سؤال
شهد: تفضل بابا
بابا: شنو الخانكج هيج؟
ردت اكله بكل اللي بداخلي بس تراجعت... خفت ماكو شي بابا ...
بابا: بنيتي شهودة ، كلشي ينحل لا تشيلين هم الدنيا واي شي يضايقج مهما كان كليلياه اني اصلحه او عل الاقل اخفف عنج بس احجي اذا ما تحجين ماكدر اساعدج ، ادري بيج صار شكم يوم مو عله بعضج كلما ارجع للبيت اسال عليج يكلولي بغرفتهه يهل الغرفة الماتشبيعن منهه ، عفتلج مساحتج بس صارلج هواي...صاير شي بابا؟ اكو شي؟ احد مأذيج؟
حسيت شفايفي مخيطات، شكله ؟ بنتك اغتصبهه مصعب؟ بنتك جانت يوميه تروح لبيته وتزني وياه؟ شكله ليلية جنت ادز لمصعب صور لجسمي ؟
شهد: مابيه شي بابا...
بقينه نحجي شوي وحاولت بكل طريقة ابين روحي اني ما بيه شي ، وقررت من تجي مريم ونسوي العملية واتزوج مصعب واتطلك منه واعوف كلشي اسمه مصعب ومريم كرهتهم من داخلي ... راح اصلح الغلط بغلط...
صار الصبح وغير هل الشكم ساعة اللي نمتهن بحضن بابا ماكدرت انام افكر بالعملية ، سبحت وبدلت وانتظرت مريم على احر من الجمر ، الساعة ب9 الصبح اجت مريم ... لوحدهه
أنت تقرأ
الخذلان +21
Horrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
