شهد - الفصل الرابع
الباب يندك بكل قوة وصوت زلم ورة الباب يحاولون يكسرونه...لبست هدومي وختلت ورا تعلاكة الهدوم غطيت وجهي لحد يشوفني... انكسر الباب واثنين زلم طبوا للبيت ... عيونهم اسمرت على الدم اللي مطشر من راس مصعب...مثل التماثيل ظلوا واكفين ... استغليت انشغالهم وعبرت من وراهم ... وصلت للمصعد دست الدكمة ...جان اسمع صوت يصيح علي...
انتي تعاي هنا...
ادوس بدكمة المصعد بسرعة ولك افتح
يا بنية ... انتي جنتي بهل البيت...
حته ما التفتت بس بديت اسمع صوت خطوات رجل تتقربلي
ادوس ادوس والدمعة بعيني اريد الباب ينفتح ولك افتح ... المصعد يقترب والخطوات تقترب
احاجيج ...بنية...احجي وياج
صوته بده يعله وخطواته تصير اسرع لحدما الباب انفتح...راسا طبيت ودست الدكمة للطابق الارضي
لا تسدين الباب ... لا تسدينه احجي وياج...
والخطوات تحولت الى صوت هرولة ... الباب ما يرضى ينسد...الخطوات اقرب
لحدما بدا الباب ينسد شوي شوي من داخلي ميته من الخوف اريد الكابوس بس ينتهي...لحدما شفت خيال بدا يتقرب وصوت الخطوات صارت اعله ... ووجه صار كدامي بس البيبان انسدن...
جريت نفسي كانما صارلي سنين ما متنفسه ... ظل يدك الباب ويرفس وماكو المصعد بدا ينزل... وينزل لحدما وصل للطابق الارضي
بسرعة بسرعة ... طلعت بره وبديت اركض واتلفت وراي ماكو شي ...
ابتعدت عن العمارة ... بس ماكو اي تكسي بالشارع...سمعت صوت من بعيد يصيح...تعاي ولج ... وين رايحة ... بديت اركض اركض اركض بكل سرعتي ... شفت ابو دراجة طلبات ... جلبت بيه كتله دخيل بختك ... ساعدني
ابو الدلفري: خير شبيج...
شهد: اثنين لاحكيني مادري شيردون مني يصيحون وراي بداعة امك اخذني لاهلي
ابو الدلفري: بكيفهم يتحرشون ببنات العالم...
شهد: مو وكت بطولات ا*** يخليك الواحد منهم عدالك مرتين ، بس اخذني منا
لبس خوذته صعد الدراجة وصعدت وراه وانطلق بيه...
شبكته بكل قوتي وكلما يبتعد عن المكان ... كلما راحتي النفسية تزيد...
لحدما وصل لمنطقة تجارية كتله نزلني هنا السافل لطش الا ياخذ رقمي ، يوصلني ... ماكو حلاوة ... مابقه شريف بهل الكون؟ تعاي عندي مكان يكلي...حته الزين السويته راح بول بشط...المهم تيهته بالسوك وصعدت تكسي ورجعت للبيت...واول ما وصلت لغرفتي وبديت اتقيأ اتقيأ ... لوني انخطف ... اخاف افتح الباب ... حضرت جنطتي وخليت بيهه ملابس مادري وين اروح...شوكت يدكون الباب علي...يسالون علي...سبحت وردت القذارة العلي تطيح وماكو...سبحت سبحت سبحت ومن طلعت لكيت الدنيا عصر
أنت تقرأ
الخذلان +21
Horrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
