هيام هذه الجرذ تعرفينه؟
اني هواي واصفيني باوصاف غريبة ، اثول غبي ، وصخ ... بس الجرذ اول مرة اسمعهه ، كلمة حقيرة لان الجرذ يعيش بالمجاري ويقتات على الزبالة ، بس من باوعت لنفسي اله حق ... بملابسي هاي بهذه المكان بهل الساعة ... فعلا جرذ جنت
وليش يصيح لهنادي هيام؟
هنادي: بدت تبجي؟ لا ما اعرفه ؟ اجه يبوك فلوسي... وابتسامة شيطانية بينت عله وجهه من هذه الضخم اللي شايلني بالسما دار وجهة علي ... وشمرني بالكاع وبدت البوكسات والصوابات تجيني من كل ناحية وصوب...
وما اكتفي بهذه الشي ، مرغلني بالطين وخله رجله عله راسي...شهم فديته يخاف عله شرف هنادي...
فتش جيوبي وطلع السويج من جيبي وراح عله سيارتي الكراون المطعطعة ، صح مطعطعه ومزنجرة وتعبانه بس اني عايش عل هل السيارة ، اوصل طلبات واشتغل تكسي ، ماعندي مصدر دخل ثاني رغم اني خريج معهد كهرباء بس ما كعد حضي بالوظايف الحكومية ما بقه مكان ما قدمت عليه ، حاولت اكوم بس ماكدرت ، جسمي مفلش ، وصل للسيارة شغلهه واني اصيح ابوس رجلك عوف السيارة ... ابوس ايدك عوفهه بيهه غراض مال العالم ... وفعلا عندي شكم طلبية بالسيارة ما وصلتهن لاصحابهن بعدني لان نقالي باكته الكلبة هنادي ... صعد بالسيارة شغلهه وخذه طابوكه خلاهه عل دوسة البانزين ونزل والسيارة بدت تمشي لوحدهه لحد ما طاحت بالخيس ... اني صرخت لاااااااااا ولك شسويت لااااااااااااا
ولك لو تدري شكد اشتغلت عماله عله ما لميتهن ، شكد تحملت نفسيات ، من الاسطات من العمال الباقين من ابو البيت ، اشتغلت بمطاعم عامل تنظيف لو كابتن ، ولك سنين اتعب علمودهه وانته بهل البساطه تذبهه الي بالخيس...
رجع علي هل المرة باوعتله عدل رجال خمسيني ضخم ساعة ذهب محابس تارسه ايده وعطره يدك بالخشم ، كمت من الطيانة وكفت بوجهه وهجمت عليه جان يدفرني بصدري ، وطحت والدنيا ظلمت
وبديت اسمع صدى هنادي تكله فديت فهودي النمر فديت ابو حسين
من فتحت عيني لكيت الشمس بنص السما حاركتني حرك ، ميت من العطش وجسمي كله مطين ملابسي مطينه ومشككه وتكرمون جلب نايم بصفي ، وساقطات ام هنادي ولا كانما ينركلن ويشتغلن وعايفاتني بمكاني الساعة 12 الظهر سيارتي طالعة منهه دخان وبالخيس طامس نصهه ، ولا وحدة تعبت روحهه تواعيني او تغطيني الذبان ملتهم عله وجهي وشفايفي يابسات وريحة بول على جسمي كله ومحبس غريب جبير بيدي ، اظن من تعاركت ويا فهودي النمر ابو حسين الذهب خمطتهه من ايده ... تقربت لام هنادي اللي كاعدة تنركل وخاله رجل عله رجل...جان تمد ايدهه بالكاع وتشيل حصوة وتشمرهه علي...
وخر منا قشمر ، حرامي...والنسوان اللي وياهه هم كامن يشمرن شكو شي يصير كدامهن
ولجن براب*ك بس اريد حسوه ماي ، ميت عطش ... ماكو
أنت تقرأ
الخذلان +21
Terrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
