ولك بويسم ماهن فلوسي؟ خرب بس لا هنودة خمطتهن؟ شسوي هسه؟
باسم: وشبيك مخترع هسه اخابرهه ونشوف شنو الموضوع
باسم خابر مرة ومرتين وثلاث جهازهه مغلق
كللي يلا نبدل ونروحلهه للبيت
صدك بسرعة بدلنه وصعدنه بسيارتي وانطلقنه لخمسة ميل
خمسة ميل منطقة شعبية ، الخدمات بيهه تعبانه والوضع المعيشي أسوأ من السيئ ، وخاصة المكان اللي احنه رايحيله
ماتوقعت هذه الجمال كله ممكن يعيش بهل الاجواء الخايسة ، نهر متروس زبالة والريحة تخنك مثل ريحة بيض فاسد
وبيوت حواسم بلوك وخيرهم سكف بيته سندوج بنل الاغلبية مسكفين بيتهم جينكو ، واذا قارئي او قارئتي العزيزة ما تعرف شنو هو الجينكو معناتهه رب العالمين ناعم عليك وباعدك عن هذه العالم الغريب المحبط...
وصلنه لعمارة مفلشة بس مسكونة الملابس مشرورات بره ، شكلهه دائرة او مركز مستحلينه الجماعة بس الغريب المكان بس نسوان واطفال ، والعرض واحد كلهن بدشاديش البيت يفترن اللي تخبز واللي تنظف واللي كاعدات ينركلن بهل الظهرية وصوت الضحكات تتعالي من كل مكان ، باسم نزل واستقبلنه استقبال الابطال...ماعرف شلون يحبنه هيج...شنو المميز بيه
اشرلي باسم وهو يحجي ويا وحدة ثلاثينية صاكة بدشداشة بيت كاعدة عله قنفة كامز دين دينهه وتنركل ، الكال مطين والحشرات بكل مكان اسراب من الذبان ...
بس تقربت صوفرت وغمزتلي كالت منو هذه الحلو...
باسم ابتسم: هذه صديقي كوكو ، كوكو اعرفك بام هنادي...
ام هنادي الوصف الوحيد البليغ اللي ممكن اوصفهه بيهه انهه ترفة حلوة بيضة طبعا مو بجمال هنودة بس البيئة العايشة بيهه مأثرة عليهه هواي ، طريقة حجيهه ونظافتهه العامة ولبسهه
ام هنادي بنتج بايكة مني فلوس ونقال...
ام هنادي: احترم نفسك ولك شنو بايكه مو عيب عليك تحجي عليهه هيج؟
شترديني اكلج مستلفة مني سبع ورقات والنقال؟
ام هنادي: امشي اطلع بره ... خايس
ولج اني خايس؟
باسم : استهدوا بالرحمن ، يجوز بالغلط خذت النقال والفلوس من جيبه ام هنادي على كيفج ويا الولد ، قابل شكال
ام هنادي: يا بعد روح ام هنادي ، شكد ماخذه هاي الساقطة؟
كاظم: سبع ورقات ونقالي يسواله 250 الف
ام هنادي: من ترجع اسولف وياهه ، بس لخاطر البطل اللي وياك
عافت النركيلة وكامت عله حيلهه ، اوووف جسمهه تفليش ، ايجه بكل معنى الكلمة ، من بدت تمشي خلفيتهه كانه كيان ثاني ، يتحرك عكس جسمهه ، بيه هزة ورجة كيان ثاني منفصل عن جسدهه ... ووصلت يم وحدة من البيبان وكالت
أنت تقرأ
الخذلان +21
Terrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
