شكر موصول ل"المستبدة" على مساعدتهه باختيار شخصيات هذه البارت ، انسانة راقية وتستاهل الشكر
واللي يخافون من اجواء الرعب ... انصحكم تقروهه باجر الصبح...
تحياتي ج جمال
----------------------------------------------------------------
جثة باسم متفحمة وعليهه اثار رصاص والسيارة لكيتهه مزرفة ومحتركة واكتشفت ان ولد باسم اللي طول عمري حسبالي انه حمودي واكتشفت قبل ايام قليلة انهه بنية...باسم عنده بنية اسمهه مريم ...بس ليش جان ضام الموضوع عن الكل؟
خذيتهه وياي للبيت الجديد ومرور الايام ماخلاهه تطلع من القوقعة اللي هيه بيهه ، ابد ما تحجي ما تاكل الا بالتواسيل اصفر وجهه...اريدهه بس تحجي اشجعهه بس المشكلة من اشوفهه بهيج حالة قلبي ينفطر عليهه ... واروح لغرفتي وابجي
كمت ما استقبل احد وطول الوقت مهتم بمريم وصيت البنات الاعرفهن يجيبنلهه ملابس بيت ضعفت كلش مريم وبدت تبين عليهه الانوثة اكثر وصدك واخيرا اقتنعت انهه مريم مو حمودي
سمعت مسوين فاتحة باسمي ...مو باسمي بأسم كاظم اللي هو باسم بس الغريب محد سال على باسم..مجان عنده احد يسال عليه طليقاته اللي ما يجرعنه ولا الك*اب اللي جان يصرف عليهن راتبه ، بس ابو الايجار ...لاكاني صدفة ودفعتله ايجار شكم شهر مقدم على ما اشوف حل للموضوع...
ومريم ماكله قلبي ، ما تتحرك ولا تحجي...
يومي صاير عبارة عن سكر ، اكعد اشرب اتريك اشرب بين الريوك والغدا اشرب بس اريد اطلع صورة باسم من جان بالثلاجة ... وريحة الشعواط ريحة الحريق ريحة المكان شكل الضابط السيارة المزرفة ... اريد انسى كلشي ...بس ليش قتلوه بهاي الطريقة الوحشية؟ مطلعين الجوزدان من جيبة مشمرين هوياته وعايفين الفلوس بيهه...مو حرامية ولا سلابة لان السيارة دين دينهه كامز بالكوة تمشي...ومو بس قاتلينه وحاركين السيارة؟ ليش شنو منو ممكن هيج يسوي؟ ولو عنده علاقات ويا متزوجات كلت يجوز جريمة شرف بس ابد مبطل هاي السالفة من سنين وسنين ... يطلع بناته بالفلوس وخوش يدفع واصلا يحبنه... مستحيل وحدة منهن تاذيه...الافكار تاخذني وتوديني
صار الليل وشطوله الليل ما يخلص ... مريت عله مريم لكيتهه نايمة والمخدة مبلله من البجي ... خذيت بطلي وطبيت سبحت ... بالبانيو كعدت اشرب ... واشرب...طلعت نشفت روحي لفيت الخاولي على خصري وطلعت...لكيت قطرات ماي بالكاع...
معقولة مريم؟ تتبعت القطرات ، بدت تتقرب لغرفتي ... شفت خيال على الحايط واحد يتحرك بغرفتي...مريم؟ شعدهه بغرفتي...تقربت اكثر...الباب نص مفتوح دفعته على كيف...جان الكه مرة ثلاثينية واكفة كبال المراية وتمشط بشعرهه الاحمر ، لابسه فستان احمر طويل مفتوح من الاجناب ...وفوكاتهه كورست اسود..بخيوط مثل القيطان..وحذاء كعب من هذه المبوز طولة شبرين يجوز اسود يلمع لمع وجسم كيرفي خيالي ... ثلاثينية تموت...انوثتهه طاغية بالاماكن الصح والخصر يامحلا الخصر...بس...منو هاي؟ شعدهه هنا...اول فكرة جت ببالي الوسكي المعتق الجنت اشربه جنه مغشوش الا داكين بيه حبوب ... فتحت الباب للاخير وطلع صوت..جان تلتفت علي...بابتسامة ساحرة ...عيون كبار حمر مثل الجمر يوجن وج...فركت عيني...مرة ومرتين...لا فعلا موجودة
أنت تقرأ
الخذلان +21
Horrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
