اجتني شهد وعيونهه حمر ودخلتهه البيت ، وكعدتهه بالصالة ، مبين عليهه الخوف والقلق كلشوي تباوع بنقالهه ملابسهه غريبة اول مرة اشوفهه بهيج ملابس ... رحت جبتلهه ماي وقهوة وكعدت يمهه واتقمصت شخصية الشيخ كامل مادري هاي هي شخصيتي الحقيقية وصاير اتقمص دور كاظم ويا مريم ، ما اعرف
كامل: شبيج شهد سولفي شبيج؟عسل بيهه شي؟
شهد: عسل؟ عسل من يوم اللي رجعنه من يمكم لبغداد اتغيرت...الطريق كله صافنه وبس وصلنه للشقة لبست عباية وشال وكالت راح اروح ازور الامام ... مخنوكة... ونص الليل رجعت ، دكيت عليهه الباب كتلهه رايحين للملهى ما قبلت تجي ، وكل صبح تلبس العباية والشال وتروح ماترجع الا بالليل وراهه باسبوعين تقريبا اجتني للغرفة شبكتني وكالت شهد اني بعد مراح ارجع...وجهه متغير لا مكياج لا اهتمام لبسهه غير ... كلش تغيرت ... وراهه التهيت وانقطعت اخبارهه...
كامل: لعد شبيج؟
شهد: ما...مادري...احس روحي بخطر
كامل: ليش؟
شهد: قبل يومين جنت بالملهى نص الليل اركص ويكتون علي الفلوس سكرانه ومتونسة لحدما قبل لا تخلص السهرة بنص ساعة اشرتلي العمة ، رحت يمهه كالت اكو زباين اثنين يردونج تكعدين يمهم ، وهذه الشي عادي بين يوم ويوم يجون زباين جدد لو يسألون عل السعر لو يحبون يكشخون بيه ... بعد انته اعرف شيخنة...
كامل: اي كملي...
شهد: رحت كعدت يمهم ، شوي سكرانه بوقتهه والمكان اظلم ، بس اظوية الملونة للديسكو ... بدوا يحجون ويتغزلون ويلمسوني...
كامل: اي شنو الغريب...
شهد: الغريب ذول عرفتهم ، ذول نفسهم ... اللي..
وبدت تبجي ، تبجي بحركة ، شبكتهه وبديت العب بشعرهه ... وفجأة ظهرت امامي صورة ثلاث يعتدون على شهد بوحشية ووحدة واكفه فوك راسهم تغلط عليهه وتهينهه فجأة يدخل شخص يرمي بالسما...وتذكرت القصة السولفتلياه عسل عن شهد...
كامل: عرفتيهم؟
شهد بس هزت راسهه وهي تبجي
كامل: وهمه عرفوج؟
شهد مسحت دموعهه: ماجنت متأكدة اذا عرفوني بس اعتقد يعرفوني...
كامل: شسويتي...
شهد: من كلولي تعاي باتي يمنه انطيتهم رقم عالي مستحيل انسان يعقلهه ... بس رغم هذه وافقوا...مبين مريشين مدكدكين وضخام وماخذين عل المكان...كتلهم ثلاثين ورقة...وهمه عادي وكانما طالبة منهم ربع دينار... وبدوا يلمسوني اكثر واكثر كدام الناس... لحدما بالاخير كتلهم اروح ابدل واجيكم...رحت لبست هدومي وركاض ركاض طلعت من القاعة من الباب الورة الساعة بثلاثة الفجر ماكو واحد صاحي بالشارع ، بس صوت صياح وعرك وغلط من بعيد وبطاله كزاز تتشمر وشباب يزوعون عل الرصيف... اتمشى لراس الشارع اريد سيارة ماكو...فجأة ثلاث سيارات رياضية بصوت اكزوز عالي خطفن من يمي ... وداسن بريك ورجعن كالباك...ووكفوا يم الرصيف نزل الجامات السيارة الاخيرة ... وكال صعدي شهد...عرفته هذه محمد صديق مريم ...سويت روحي مااعرفه...كتله يا شهد اني مو شهد...كللي
أنت تقرأ
الخذلان +21
Horrorقصة للبالغين فقط باللهجة العراقية تقدم هذه القصة رؤية معقدة للاخلاق والتضاربات الانسانية ، وتجعل القارئ يتسائل عن معنى النجاح وثمن النجاح والفشل في ضوء ظروف صعبة ، تروي قصة رجل واجهته صعوبات الحياة حتى خسر كل شيئ ، بدلا من الاستسلام يلجأ الى طرق مل...
