الخذلان +21

الفصل الثالث والعشرون

اعزائي المتابعين والمتابعات

يجوز صار لغط بالجزء اللي فات

نشرت حساباتي الخاصة للي يحبون يطلعون على الاحداث المحذوفة من الجزء الفات والاجزاء الجاية

الاحداث اللي احذفهه تكون وصف للعلاقات او مثلما اسميهه "المشاهد" وما تأثر على احداث القصة باي طريقة من الطرق

فللي يحب يطلع على المشاهد المحذوفة ممكن يراسلني على حساباتي واكون اكثر من سعيد اشاركهه وياكم

////////////////////////////////////////////////////////////////////////

كامل: زين ... شنو رايج باجر هم ابقه...

رواء ابتسمت ابتسامة شيطانية...ليش تكدر؟

كامل: انتي زوجتي ، اكدر ابقه شكد ما يعجبني...

رواء: بس فهد...راح يزعل...

كامل: بعد احسن...خليه يزعل...

شبكتهه من ورا ونمنه اثنينه.

كعدت لكيت رواء نايمه ... تعبان ومصدع...الساعة ب8 هيج ميت من الجوع فتحت الثلاجة فارغة ...  كلت انزل اشوفلي شي اكله...

نزلت جوه هل المرة بالدرج مريت عله غرفة حنان تصنتت ماكو حس جوه...

نزلت للطابق الارضي المكان هدوء ماكو احد لا تلفزيون شغال لا شي ... بس شفت واحد خاتل ورا حايط وجاي يباوع جوه المطبخ (بعدين عرفت هذه مطبخ) تدنيت شوي شوي لحدما صرت وراه ، جاي يباوع جوه المطبخ ، اظن هاي حنان جسمهه كيرفي بدشداشة بيت شكدما جانت عريضة.. بس شعده هذه يتلصص مثل الحرامي... وصلت يمه كحيت ... بس يابه مو كمز من مكانه طاااار ... طفرله مترتين ... ولد شاب عشريني لحية خفيفه شعره شوي خفيف من النص بس مغطيهه بشعر طويل من الصفاح لابس بيجامه بيت لماعية بجامة وقميص نفس اللون ... فاك حلكة ظل صافن بوجهي...

الشاب: ااا...اااا...اااا

كامل: شعدك هنا ولك...

الشاب: أأأأ....أأأني؟

كامل: لا خيالك...احجي ولك شعدك واكف هنا

الشاب...ولا...ولا شي اني...انته منو؟

كامل: تاج راسك شيخ كامل 

بهل الاثناء حنان اجت ومدت راسهه من ورا الحايط ولكتنه نسولف بحدية...

حنان: اهلا شيخ كامل شلونك...

كامل: اهلا ام حسين شلونج...

حنان: ماما موسى سلم على عمك...

موسى: عمي؟

كامل: ابنج هذه؟

حنان: اي بزر الكعده هذه موسى

كامل: اي حبيبي عمك...رجل مرة ابوك اني...

حنان كتمت الضحكة...