උදේම තමංගෙං බැනුම් අහපු පොඩි කෙල්ල පොතක් කියවන හැටි චානක්‍යා දුරට වෙලා බලං හිටියා...අර කොට කොණ්ඩ කෑලි මූණට වට්ටං තනියම පොත අස්සෙ ගිලිලා ඉන්න හැටි චානක්‍යා හොරෙම්ම අධ්‍යයනය කලා...
මේ ඉස්කෝලෙට ආව දවසෙ ඉඳලම චානක්‍යා ගෙ ඇස් වලට අහුවුන දේ තමයි ඒ අමුතු පොඩි කෙල්ල වැඩිපුර තනියම කාලෙ ගෙවන එක...සෙව්මිණි නැති දවසට යාලුවො නැතුව හුදකලා වෙලා ඉන්න එක...ඒ හුදකලාව නිසාමද මන්දා චානක්‍යා ගෙ ඇස් වලට එයාව අහු වුනෙත්...මේ වයසෙ ළමයෙක් හුදෙකලා වෙලා ඉන්න එක හොඳ නෑ කියලමයි චානක්‍යා ගෙ හිත කියන්නෙ...මොකද ඉස්කෝලෙ යන වයස තමයි යාලුවො ආශ්‍රෙ කරන්න තියන,අලුත් දේවල් ඉගන ගන්න තියන,නටලා කෑ ගහලා ඉන්න තියන වයස....ඒත් එහෙමයි කියලා ඒ පොඩි කෙල්ලගෙ කිට්ටුවට යන්න චානක්‍යා උත්සහ කරෙත් නෑ...උත්සාහ කරත් දැම්ම නං බෑ,ඒ ළමයා වුණත් බලයි ඇයි කියලා.....
"පෙරී මේසන්..."
චානක්‍යා බලං ඉද්දිම එතන ඉස්සරහට ගිය තව පිරිමි ළමයෙක් කතා කරද්දි චානක්‍යා බලාගෙන සංසාරා නපුරු මූණකින් ඒ කොල්ලා දිහා බලං හිටිය හැටි... චානක්‍යා ගෙ මුවට නිරායාසයෙන්ම හිනාවක් ආවා....
"මේ කෙල්ල නං..."
සංසාරා pov_>>>>>>>>>>>>
"මොකද...?"
උසම උස සුදුම සුදු මැත්ස් එකේ කොල්ලෙක් මගෙ පොත දිහා බලං පෙරී මේසන් කියලා මුමුණද්දි මට අහේතුක කේන්තියක් ආවා...ඌට මොකටද මගේ පොත...කේන්තියෙන් ඇස් වපර කරන් මං ඌ දිහා බලං හිටියා.,
"හපො සොරි සොරි ඉතිං..ලස්සන වුණාට සැර..."
හැච හැච තමයි බූරුවා...මං ඌට ඇද කරා..මගේ මූඩ් එක එහෙම් පිටිම්ම කෑවා...මං ඌට හිතිං බැන බැන පොත දිහා බැලුවත් අහම්බෙන් මගෙ ඇස් වලට අහු වුනෙ මං දිහා බලලා හිනා වෙච්ච කෝච් හාමිනෙ..මේකි මොකෝ මේ...මෙතනත් පුපුරන්න ආවොත් නං ගහනවා මේ පොතෙම්ම....හිතං හිටියත් එයා ආවෙ නෑ ඉතිං...
මං හවස ගෙදර ආවා....කාලා නාලා පාඩං කරා....අම්මා අද රෑ වෙනකන් ටියුශන් කරන දවසක්....තාත්තාට පොලිසියෙ වැඩ කිව්වම කොහොමත් රැයක් දවාලක් නෑ.... මං අපේ ගෙදර වැඩට ඉන්න මාලි ඇන්ටිට කියලා චොක්ලට් ශේක් එකකුත් හදවං අපේ රතු බබා එක්ක කාටුන් බලන්න වාඩි වුනා..රතු බබා මීන්ස් අපෙ ගෙදර ඉන්න පොල් සම්බල් පාට පූස් තඩියා....මහ කම්මැලි ගුහාවක්...දැනුත් මගෙ අස්සට වෙලා නිදි...බෝල ගෙඩිය වගේ ගුලිවෙලා නිදන්න තියෙ නං ඒකට වෙන මුකුත් ඕන් නෑ....
YOU ARE READING
Once(Completed)
Non-Fictionලස්සනම කතාව වුණත් එක තැනක් දුකින් ලියවුණා... පරිච්ජේද ගණනාවක්ම ලියවෙන්න තිබ්බත් මේ කතාවෙ , තවත් පරිච්ජේදයක් ගැන හිතන්න හිතක් නෑ... දුක හිතෙන කතා වලට කවුරුත් කැමති නැති නිසා.... ඉතින් යන්න කලින් එක පාරක් කියන්න, ආදරෙයි නේද?.... ⭕මෙම නිර්මාණය උපුටා...
