(edited)
සලාං...
"දෙයියනේ බබී..."
අනූ ඇන්ටිගෙ කටහඬ කම්පා වෙලා වගේ ඇහෙද්දි රුෂි අක්කගෙ බය වුන කේන්ති ගිය කටහඬත් මට පහලින් ඇහුනා..
"චූටි ගෙට දුවපිය...ඕයි කකුල කැපෙයි...ඔය අණ්ඩ අහකට ගනිං බල්ලො...චූටී..අල්ලනො ඔය පැත්තෙං.."
මහ සද්ද ගොඩක් ඇහෙද්දි මං කාමරෙන් එළියට දුවන් ආවෙ මොනවා වෙනවද බලන්න පහළ...
"මේකිව පොලිසියෙන් ඇල්ලුවෙ නැනෙ අම්මපා... ඔන්න වැටෙයි....ගොං උට්ටා උඹ කරටි කැඩෙන්න ගහලා මෙතන ...කොහෙද යන්නෙ පකෝ මෙහෙ වර මේ පැත්තෙන්...ඔය මොකද්ද- චඃ...කපා ගනිං කෝම හරි ඉතුරු අණ්ඩත් බූරුවා..."
අනු ඇන්ටි කම්මුලෙ අත ගහන් බලං ඉන්නවා පේද්දි,මං පඩිපෙල මැද නතර වුනා...රුෂි අක්කා, සෙව්වත් එක්ක අක්කගෙ පලු අරින ගමන් අක්කව ගෙයි ඇතුලට කර තියන් ආවා...අක්කා හොඳටෝම බීලා...බයික් එක පෙල්ලගෙනද මන්දා අත පයත් ලෙලි ගිහින්....මං ඉතුරු පඩ් ටික අඩියට දෙකට බැහැලා අක්කා ගාවට දිව්වා....
"සුදු අර දෙහි බෑයක් අරං වරෙං බං...මුගෙ වෙරි හින්දන්න...ශික්...මෙච්චර ගසලා එන්න මූ මොන ඒසිගෙ පුතෙක් බලන්න ගිහින්ද මන් දන් නෑ..."
අක්කගෙ වෙරි හිඳෙන්න දෙහිත් උලලා එයාව සෝෆාවෙම ඇල කරලා තිව්වා අපි....මං එළියට ගිහින් බලද්දි බයික් එක පෙල්ලිලා...වැරැන්ඩා එක හැම තැනම ඇල්කොහොල් ගඳයි..අක්කා ගෙනාව බෝතලයක් කුඩු වෙලා මං හිතන්නෙ..
"මොකද වුනෙ සෙව්..."
මං දන් නෑ මට දැනෙන හැඟීම..අක්කට ලොකු අවුලක් වගේ...මං අච්චර යන්නෙපා කියද්දි එයා ගියෙ..එයාව නවත්ත ගන්න බැරි වුනාට දැං මට තියෙන්නෙ පසුතැවීමක්...
"ගෙදරට එනකන් අවුලක් නැතුව ඇවිත් බයික් එක ස්ටෑන්ඩ් කරද්දි බැලන්ස් නැතුව වැටුනා ඕයි....බිබී ආවෙ බෝතලේ අතේ අරං...ඔය කුඩු වුනේ ඒක..."
සෙව් මගෙ උරහිසට බර වෙලා කියවං ගිහින් මොප් එක අරං එන්න ඇතුලට ගියා...මං බිම වාඩි වෙලා වීදුරු කටු එකතු කරා...
"ඕවා තියලා තමුසෙ යනො සුදු...අත කැපෙයි..මං අස් කරන්නං..."
රුෂි අක්කගෙ කටහඬ ඇහෙද්දි මගෙ පිටිපස්සෙන් මං කර කර හිටපු වැඩෙ නතර කරා....
YOU ARE READING
Once(Completed)
Non-Fictionලස්සනම කතාව වුණත් එක තැනක් දුකින් ලියවුණා... පරිච්ජේද ගණනාවක්ම ලියවෙන්න තිබ්බත් මේ කතාවෙ , තවත් පරිච්ජේදයක් ගැන හිතන්න හිතක් නෑ... දුක හිතෙන කතා වලට කවුරුත් කැමති නැති නිසා.... ඉතින් යන්න කලින් එක පාරක් කියන්න, ආදරෙයි නේද?.... ⭕මෙම නිර්මාණය උපුටා...
