သစ်လွင်သောဆူး
အပိုင်း (၂၁)
#သစ်လွင်သောဆူး
09121126
“တီ…တီ…တီ….”
ညို အပြင်မှာ တစ်ယောက်တည်း ခြေထောက်နာနေတယ်လို့ သတိထားပေမဲ့လည်း သောမတ်စ် အိပ်ပျော်သွားခဲ့သည်။
ဖုန်းသံကြောင့် နိုးလာပြီး ဖုန်းကို မြန်မြန် ကောက်ကိုင်လိုက်ချိန် ညို့အော်သံကြားရလို့ ကပျာကယာ ထ ပြေးသွားရသည်။
“ညို…ညို..ဘာဖြစ်တာလဲ…”
ပြတင်းပေါက်လေးက ငုံ့ကြည့်ရင်တောင် အောက်ဘက်ကို သေချာ မမြင်နိုင်တာကို ခြင်ထောင်ပါ ကွယ်နေတော့ သောမတ် ငုံ့၍သာ ခေါ်နေရသည်။
“သော…သောမတ်….ငါ …ငါ့ခြေထောက်ကို လာဆွဲတယ်…”
“ဟင်…မီးထွန်းကြည့်လေ..မြွေလား…”
“မဟုတ်ဘူး…မီးက မရတော့ဘူး…ခြေထောက်ကလည်း လှုပ်လို့မရဘူး…အီး…”
ညို က တော်ရုံ မငိုတက်တာ သိပြီးသားမို့ သောမတ်စ် ဘာလုပ်ရမှန်း မသိ ဖြစ်သွားသည်။
သူ့ကို ဆွဲတင်ဖို့လည်း မဖြစ်နိုင်သလို ဆင်းခေါ်ဖို့လည်း အဆင်မပြေ..။
သောမတ်စ် တံခါးဖြုတ်ဖို့ တစ်ခုခု လိုက်ရှာပေမဲ့လည်း ဘာမှ မတွေ့လို့ ညကတည်းက လက်လျော့ထားခဲ့ရတာ..။
အိမ်ကို မသိတဲ့ သူစိမ်းခေါ်လို့ အဆင်မပြေသလို အခုလို မိန်းကလေး တစ်ယောက်ခေါ်ထားတာလည်း မသိစေချင်..။
လီလီ မသိအောင် ၀န်ထမ်းထဲက ယုံကြည်ရတဲ့ လူကို ခေါ်ပြီး ခိုင်းဖို့ဆိုရင်လည်း မနက်အထိ စောင့်မှ အဆင်ပြေလိမ့်မည်။
“အား…သောမတ်…သောမတ်…တကယ်…တကယ်…တစ်ယောက်ယောက် ရှိတယ်နော်….လုပ်…လုပ်ဦး…ဘယ်သူလဲလို့…”
ညို က အော်နေတော့ သောမတ် ပြတင်းပေါက်ကနေ ထွက်ဖို့ ကြိုးစားသည်။
ခြေထောက်ကို ပြတင်းပေါက် အပြင် အရင်ထုတ်ချပြီး လက်က တံခါးဘောင်အပေါ်ကို ကိုင်ကာ ဆင်းကြည့်ဖို့ ကြိုးစားသည်။
ခြေထောက်လည်း အဆင်ပြေသွားပေမဲ့ ခါးနေရာ ထစ်နေတော့ တော်တော် အခြေအနေ ဆိုးပါသည်။
YOU ARE READING
သစ်လွင်သောဆူး
Randomသစ်လွင်သောဆူး "ဒီမှာ...ရှင် လူကြီး လူကောင်း မဟုတ်ဘူးလား...ညီမနဲ့ လက်ထပ်ထားပြီး သူ့အစ်မကို ကိုယ်အစ်မလို သဘောထားရမှာ မသိဘူးလား.." "မသိဘူး..." "ရှင်..ဘာဖြစ်ချင်တာလဲ..." "ညို့ကို ချစ်တာ..." "ရူးနေလား.." ညို အသံကုန် အော်ပစ်လိုက်တော့ သူက သက်ပြင်း တစ်ချက်...
