دقت كفوفي
واعلنت دفوفي صوت الجنون
الحانه تطرب
واللهو على انغامه موجب
اصابع تلحن
واصوات الفرح تترنح على مسامعي
لم يكسر لي قلب
ولن تهزم لي حرب
كــ لبؤه مفترسه
وانثى شرسـه
انيابي ناعمه وحاده
الاصرار هويتي
والقرار عزيمتي
أكــون او لآ اكــون
لا مكان للسكــون
الف الصلاه والسلام
على المختار وال بيته الاطهار
صلووواتتت
اعتلت اصوات الحاضرين بالصلاه عالنبي
عدلت جنطتي وكعدتي بيدي الدف
وعايده تعدل سماعتهه وتحضر اغاني الحنه
بديت ادك خفيف عالدف
وصوت عايده يدوي بكل الصاله
زفـــوهه بامان الله
امــان الله
تلــكاهه رسول الله
رســـول الله
حــور العين جابوهه
بالامـــلاك زفوهه
جــلينـاهه
حلوه جلوه الزهره
جـــليناهه
بديت اعلي ايقاع الدف وكملت عايده
الجلوه
والحفله كملت اخذنه العشى واخذنه فلوسنه وطلعنه
رجعنه للبيت تعبانين الحنه جانت اربع ساعات واحنه ندك ونغني
بس تعلمنه هاي شغلتنه
اني ومرت ابويه عايده علمتني عليه
وصارت تطلعني وياهه حفلات
وتعلمت على الشغله هايه
معروفات عد هواي عالم ومرات يقبط الحجز مانكدر نستلم
صوت عايده يخبل بيه بحه
واني هم عندي صوت بس ماغني هواي
شغلتي ادك عالدف
هواي اكو ملات حفلات استخدمن الدي جي
والايقاع للحفلات
بس احنه نحب الدفوف وهواي عالم تحبهم
تحس بالحفلات الحنه الاصيله وصوت الدف يرن وي هز اقدام الحاضرين
سبحت وحمت عايده العشه واكلنه
افرك بايدي سالتني عايده
-باجر وين الموعد
-طلعت تلفوني اشوف شنو نضام باجر
عدنه حفله بالزعفرانيه ب5
والجمعه حفله بس طهور يعنه حنه طهور
اردفت وهي تشرب بالجاي
الله كريم وكامت لغرفتهه ترتاح
اني هم ذبيت فراش الي وتمددت يم اخويه
من ابويه محمد
ابن عايده
تزوج ابويه عايده واني عمري 5سنوات
جانت امي متوفيه واني بيت جدي عايشه باطراف بغداد
ماتت امي وره ولادتي بساعات تعبت بالمستشفى وطلع عدهه بالقلب مشكله وماتت من تعب الطلوك
ابويه جان يشتغل ببغداد عنده محل مال ذهب بالكاضميه المحل يرجع لابوه فه يجي كل فتره يشوفني ويرجع لشغله
جنه كاعدين احنه باطراف بغداد بعيدين عالمدينه
أنت تقرأ
عندما تنطق الدفوف
Romanceانثى ترفض الهزيمه يجبرها الواقع على العيش مع رجل جدرانه تروي حكايه الماضي يرفض التخطي فهل سيكون لها حكايه جديده ام للقدر حكم اخر
