عندما تنطق الدفوف

البارت-24-

شحبيتي بيه؟
انطاچ مِن العذاب أشكال
وانتِ بيچ من الجمال سِنين
وهوَشعِنده بطرگ گلبة
وقصايد مو الچ مكتوبة
خاف تقريها وتتوهمين
شلچ بي؟
يالمتعوده تبتَسمين..

••••••••••
لا تنسون التصويت والتعليق بين الفقرات

••••••••
سكتت بحيره وتعب
منين مالتفت تكفخني دنياي
كل ما اكول اتنفست تخنكني
بكل لحضه اكول فرجت تلجمني

الحيره اكلت كلبي شسوي ويين اروح
لا اكدر اجيبه ولا اعوفه وحده

بيت خالي غربه عليه اذا اني اتحملوني لان بنت اختهم
ميتحملون اخويه وراح يستثقلو
وماكدر اكمل وابقه وادري هو وحده
بيت عمي صح يحبو بس هو مامتعود عليهم
وراح يحس بغربه
اخاف عليه من كل شيء عزيز روحي هذا
ادري محتاجني

بلحضته ضعفت وبجيت حيل بجيت
ماجانت دموعي بكاء فراق
ولا بكاء حزن
دموعي جانت حيره وحاجه
صدك حسيت بالضياع بذيج الساعه
حسيت ماكدر اوكف بوجه الوكت بعد
اعلنت استسلامي وانتصار القدر عليه

اول مره هلكد كلبي يتعب

ثاني يوم بطريق الرجعه صاعده بالسياره وراسي على الجام
شكد خسرت شكد حاربت شكد تعبت
وبكل مره اطلع مهزومه مو هاي الحياه الي اتمنيته
والله الحيل باد وما بيه اوكف بعد

اسوء سنه مرت عليه تعبت بيهه كلش

رجعت بعد ماقررت ارجع لاخويه وافتهم شنو امه تزوجت وليش عاف البيت

بليلته لميت هدومي وكلت لخالي رايحه وهذا ضرفي خابر على صديقه هو دائما يسافر وياه واجرته وطلعت الفجر
وصلت ب1ضهر نزلت وسحبت الجنطه

فتحت الباب وتمشيت بالكراج
عفيه بيت كل ما اطلع منك ترجعني الك
طبيت من المطبخ جان صوت مواعين بالصاله وقت غده

ذبيت جنطتي وطبيت عليهم
ديحضرون بالسفره الكل التفت عليه بصدمه
سلمن البنات عليه وبيبي وعمتي وعمو

رحت بسرعه لاخويه واخذته بحضني حبيبي بطولي صاير

بسرعه بجه بحضني واني ماتحمل دموعه
بجيت بقهر علي وعليه

سكتنه وسألوني شجابج
حجيت الهم سبب جيتي

-عمو ليش ما كلتي ادزلج واحد من الولد

-ماتحملت انتضر جان كلبي نار على اخويه واجيت وي سايق دائما ياجره عمو ثقه يعني

-شبيه اخوج سبع ورجال