عندما تنطق الدفوف

البارت-20-

لازم يصير العكس ويضيع تعبي
علمتني الدنيا من أرتاح أحط ايدي اعلى گلبي
••••••••
لا تنسون التصويت'
لا تنسون التعليق بين الفقرات '
•••••

••••••••

لاول مره الخوف يتملكني لهل درجه
قطعه من روحي راح تنشال من احشائي
والمصير مجهول

دخلت لصاله العمليات والرجفه اعتلت جسمي
احس روحي راح تطلع عيوني بسبب الدموع اشوف غواش

حاولو يهدون من روعي وخوفي
انطوني المخدر واني غبت بعد

صحيت بالم ببطني وحسيت تقيئت

احس بروحي اصيح واسولف بس مادري شنو ومداركز على روحي شاحجي

ضربات على خدي ووجع بطني ورجعت نمت

حسيت ممر دامشي بيه واضائه بعيني واصوات وضجيج

وين يلا كعدت فتحت عيوني بتعب وحركه
جانت يمي نيران ومرتضى

-نيران نيران

-هااا هيلي حبيبتي الحمد لله على سلامتج

-بنتي وين جبت اني

-يي جبتي حبيبتي بخير وسلامه

-وينهه

-نقلوهه لغير مستشفى

-ليش شبيهه خاف ماتت عليج الله كليلي

-والله ما ماتت بس وضعه يراد عنايه وزغيره كلش ولج بكد الجف مال ايد باهر وامي يمهه

-اخ بطني توجعني

شوي واجت الدكتوره صحتني وانطتني مسكن الالم وتريد امشي واني ماكدر كلش
متاذايه واخاف

وره مده طبت عمتي وباهر بوستني وتحمدتلي واني متلهفه اريد بنتي اريد اعرف شبيهه

-اتقرب باهر يمي

لا تخافين والله الدكاتره كالو هواي يجون بالسادس ويعيشون طبيعي

-باهر خو ما بيهه شيء شفتهه انت

-ابتسم بقهر يطمن بيه
طلع تلفونه وشوفني صوره

قطعه حمره وبكد كف الايد
حيل زغيره حجمهه يخوف شعر اسود بوجهه
وصوندات ملفلفه تلفلف