عندما تنطق الدفوف

البارت-21-

: شهالضياع الماله تالي ؟
انا من يا وكت صاير لا ابُالي
اول تالي افز ماعندي غالي
هذا من يمته البرود بروحي صاير ؟
شغيرج ياروحي شجرالي !!
•••••••••
لا تنسون التصويت
والتعليق بين الفقرات ...
••••••••

كل شيء اله نهايه

وهاي جانت نهايتنه القاسيه
لحكايه ما ابتدت من الاساس
كلشي جان بلاتفاق بالشروط
وانتهت اللعبه والخاسر اني

فتره مرت حيل قاسيه على كلبي من كل الجوانب
بقيت كاعده بيت خالتي وهي مامقصره وزوجهه كذلك انسان من اهل الله كلش
محاولات عمو مستمره واني ارفض رفض قطعي
قراري اخذته وركبت راسي الف سيف

وره فتره قررنه بعد نطلق هاهيه
طبينه للشيخ اني وزوج خالتي وباهر وعمو
جنت طبيعيه كلش رغم الحطام الي بداخلي
بس مابينت ابد
طبعا هم مسهلين كلشي وشارحين كلشي للشيخ
مجرد بس ندخل ونتطلك
وبدت مراسيم الطلاق وتطلقنه وانتهى كل حلم

طلعت وسلمت عليهم عادي
جانت عيون عمو وملامحه يكسوهه الحزن والفشله

بوسته ووكفت كدام باهر

-راح تبقين بنيه عمي واني بضهرج شتحتاجين

-حاللني وواهبني واستر ماشفت مني
وان شاء الله نضل اهل ودم واحد

رحت وي زوج خالتي رجعت للبيت وحاوطني
الحزن والخوف مرحله جديده حياه جديده شلون راح اكدر ارجع

اتهربت بالنوم واتخذته وسيله اخلص من التفكير والقهر

للمغرب واجه عمو وبيبي واستقبلناهم

-طلع عمو فلوس وعلبه ذهبي

-هذا حقج عمو وصوغتج وغايبج

جان جايب ذهبي العفته وفلوس
10مليون كال ذني الج

ماقبلت اخذهن بس بيبي كالت غايبج هذا
ومصروفج يجي كل شهر الج

دمعت عيوني على معاملتهم الي وطيبتهم

كعدت بالبيت واعتزلت كل الدنيا
جنت متابعه فيديوهات على الاضافر وبنائهن والاكرلك كلش حبيت الفكره

وكعدت ادور على دورات تعليم لكيت دوره وسعره مناسب استفسرت وبعدين فاتت فتره شهر على طلاقي
اشتركت بيهه
خليت خط زوج خالتي ياخذني ويجيبني عالوقت

بديت اتعلم واني لان متابعه فيديوات هواي بسرعه اخذت الحرفه

احترفت الشغله وقررت اشتري المواد الاصليه واشتغل اني