عندما تنطق الدفوف

البارت-16-

ليّش ما مليت منهُم؟
وليش ما مات الحنين
شعاجبك باقي بدربهُم
عاجبّك هذا الونيّن؟
عِيش يا گلبي مِثلهُم
هُمّ،طين وأنتَ، طين .
•••••••••
لا تنسون التصويت والتعليق بين الفقرات..

•••••

••••••••••

كمت بعد مارجعت قويت نفسي وردت اثبت لروحي اني مو ضعيفه ابد ولا ممكن اخلي كلبي يجرف بيه لطريق نهايته وحده .

طبيت اخذت دوش وطلعت سويت عنايه
شوي ارتاحت نفسيتي وتغيرت

نزلت جان الوضع هدوء الكل ملتهي الي بغرفته والي نايم

رجعت صعدت ملل عندي قوي
خابرت اخويه وحجت وياه كتله تعال اريد اشوفك

-امي متقبل

-شتريد امك شنو تحرمك مني

-تعاركت وياهه البارحه متقبل اجي واشوفج

-مو بكيفهه اشوفك غصبا عنهه بس خل يصير زين باهر واني اجي عليك تمام حبيبي

سديته منه وكمت سرحت شعري ورتبت وجهي نزلت يم البنات شويه وسوينه شاميه وحب وببسي وكعدنه نتابع فلم

صار الليل وسوينه عشه خفايف اكلنه شوي ورجعنه توزعنه بغرفنه

صعدت اتمددت شوي داغفه وحسيت الباب انفتح فتحت عيني شفته طب للغرفه
فاتح الشاش من راسه بس مخلين لزكه على الجرح رجعت غمضت عيني وهو يتحرك بالغرفه وبعدين صارت سنطه وضوه اتقلل
عرفت تمدد بفراشه
بس تلفون صوته شغال يعني كاعد ويكنك

طارت نومه عيني وشلت تلفوني راسلت نيران

-كاعده

-يي كاعدين اني ونور

-نازله يمكم

كمت من فراشي وطلعت روب لبسته ونزلت
كعدت يم البنات شفت نيران عينهه عالتلفون

-شبيج نيران متوتره وعينج على شاشه تلفونج منتضره شيء

-دنكت راسهه لا مابيه شيء
حجتهه واختنكت بصوتهه مثل الخانكه عبرتهه بصدرهه وتحاول متبكي

رحت كعدت يمهه شبيج نيران حبيبتي

استسلمت لدموعهه واطلقت الهن العنان ينزلن على خدهه
شهكت بصوت واعتلت نبره بكائهه

استغربت وضعهه

-شبيج ولج شكو هالبجي شنو احمد دازلج بعد شيء

تهز راسهه بلا وتشهك رفعت تلفونه وطلعت النه اخر رساله من عاصم جان كاتب الهه

(تجين وتفتحين جروح احاول اروفهن
وبكل برود تلجميهن وتمشين
مشكوره ماقصرتي )

مافهمت ليش هيج كاتب الهه سالتهه

-شنو الصاير بينكم وهيج كاتب الج شسويتيله انتي