عندما تنطق الدفوف

البارت-2-

لا سرك مثل يُوسف
واشمرة بّبير
ولا أگدر اضم
اليحترك بية
حُبك وين تالية؟

________<<<<>>>>__________

يضل الاب اب غالي
لو مهما عمل وفعل

صح علاقتي بيه مو قويه گـ أب وبنته
بس ابويه اضل احتمي بيه واختل بسده
وجوده جان كافي انو اتقوى اكو اب بضهري
محد يكسرني محد يجبرني
هو يحبني بس اني داخلي احس هو السبب
حرمني من الحضن الدافي

جابني بمكان مو مكاني
بيئه ماانتمي الهه باي صله كانت

اتعايشت وي الوضع بس بداخلي فرااااغ جبير
محد يكدر يسده محد يكدر يعوضني

الخبر كسرنه حيل وفاه ابويه صاعقه
هزت كل كياني
ازاحت كل الجليد الي على كلبي وهشمته

سرعان ما انتشر الخبر واجت العالم
خابرت عايده على اهلهه يرحون لولد عمه وينطون خبر الهم

مرت ساعه واثنين ونهار نصه طار وجابو التابوت سيارات ترست شارعنه
موقف يرعب الناس ملتمه

اباوع نزلت من سياره عاليه
هي وعصاتهه
لازمتهه وحده نفس ذيج الملامح الحلوه
نفس النضره الحنينه نفس شكلهه بس التجاعيد مضافه لذيج الحنيه
نفس اللهفه

اتقربت عليهم بذهول واني احاول اصدك شفتهم
بعد كل هالسنين

-بييبي

عاطت وسحبتني حيل لحضنهه ثنينه بالشارع كعدنه واحنه نبجي

شفتهه وشفت وجهه الحلو
حنيتهه وحضنهه الحنين
اشوف دموعهه ونحيبهه على ابويه
الي جان رافض يصاالحهم
شكد حاولت ودزت علمود تشوفه بكل مره جان يدز خبر لا اريدهم ولا اريد شوفتهم
مادام اكلو حقي ماعترف بيهم اعتبرهم ماتو

الحجي جان من عايده هي الي تحش براسه وزرعت الحقد بكلب ابويه على كل اهله

ورغم هذا اجو وسوو تشييع هز الدنياا

سيارات ترست الشارع والناس التمت جدتي لامتني بحضنهه وتنحب واني انحب وياهه
ابوس بيهه واشم بيهه والتفت لخاله لطيفه
اشمر روحي بحضنهه
التهيت بريحتهم الحنينه
شكد جنت مفتقده هاي الحنيه طببو التابوت وشمرنه رواحنه عليه كوه دفعوني وطلعو ماقبلو ولا مره تطلع وياهم وكالو الفاتحه هناك

صارت مشكله بين عايده وبيت عمامي
تريد اله هنا تكول ماعتب ولا اروح اذا عدكم
وفاتحته تنصب هنا ماسمعو الهه واخذوني وياهم ورحنه لفاتحه ابوي الي جانو ينصبون بيهه

طبيت غريبه عليهم
استحي من الناس الربوني
من اهلي ودمي ولحمي

طبيت البيت جان جبير بس حديث كلش مستغلي بناء مو نفس البيت ذاك مغيرين المنطقه وكاعدين بمنطقه حديثه ببغداد
طبيت وشربت مي وبدت الناس تجي
كاعده ومحنيه الضهر وعيوني تصب دمع