عندما تنطق الدفوف

البارت-13-

المثلي فرصة تجي !
چا وين تلكاهم؟؟
ارهم العينك ضوة
ورهم الجرحك دوة
وتگلي ما راهم ؟
احجيها بلمختصر مَيزتك على البشر ساويتني وياهم!
••••••••••••••••••••••••••

لا تنسون التصويت ....

لا تنسون التعليق بين الفقرات....

كبرنه سوه وتربيته سوه ماجنت اشوفه غير اخويه حاله حال باهر ومرتضى

من فتحت تلفوني وشفت مضمون الرساله
انصدمت ماتوقعت عاصم يكن الي مشاعر بداخله

جان كاتب بالرساله
شوكت تحسين بمشاعري

مشاعر شنو شدايحجي
اترددت اجاوب لو لا سديت التلفون وكمت
حضرنه ريوك العرسان بس هم ماكو نايمين
خابرت وكالت هيلين نايمه

بيبي ضحكت وكالت خليهم نايمين خطيه ماشبعانين نوم

-ضحكت عليهه اعرف شتقصد
مر وقت ونزل باهر وامي وبيبي تلكو بالهلاهل سلمنه عليه باركناله جانت ملامحه بارده ماكو شبح ابتسامه على حلكه

كعد وراد جاي كالتله بيبي

-انطر مريتك تنزل وتريكو سوه

-ماجوعان

-لازم متريك خوش ريوك

-ماجاوب سكت بس مرتضى جاوب بمكانه

-شبيج من الصبح لحد هسه حجيج بس عالعرس وكلسع تردين تنزلين عالترابي ونكضج غرتي لازم

-امم حجه ابو حجلك الاعوج
منين اغار شني مامعرسه لو ماشايفه الرجل

-لا شايفه بس سوالج خدمه باي باي وراح وضليتي انتي

-ييي اليسمعك يكول جنت كاتله روحي

-لا هسه كاتله روحج

-انجب ابو الوصخ شواربك وانت جنك ابو الزمير

-ضحكنه عليهم وعلى مناكرهم المتعودين عليه
مرتضى يضل بتحارش بيهه لحد ما تغلط عليه ويرجعون يتراضون
نزلت خطواتهه من الدرج تنزل بهدوء
عيوني صارت عليهه تخبل طالعه لابسه ثوب اوف وايت قديفه خفيف وبيه تطريز بالردان وشعره المسرح والمعالج لايك عليهه احلى من الكسره الجانت بيه

خطواتهه صارت باتجاه بيبي كعدت يمهه وباسته

-هاا هيله اليوم غاطه بنومج شنو مسنحه جنتي

-بيبي شبيج حبيبتي

-هيج الحضن دافي جان وطولتي بنومج

-بيبي كايمه منج احسلي

-اوكفي تعاي كليلي شصار امس

-شصار

-كضه الشغله باهر لو شلعتي كلبه