عندما تنطق الدفوف

البارت-4-

وهسه تفكيري اختلف
راحة البال من انعزل
وانساها للحنية واسراري اخليهن الي
ماريد اي واحد بعد يعرف شصاير بيه.

_________<<<<>>>>_________
رغم اصرارهم وتعالي وراح اندزلح مرتضى ونشوفج
جنت يوميه اختلق الاعذار

لحد ما كالن البنات بيبي مريضه وتريد تشوفج كطعت روحهه عليج بس تسأل

اني هم لبست ورحت الهم طبيت وتلكوني بذاك السلام والهلا طبيت على بيبي

اول ماشافتني كامت تعتب عليه وزعلانه
تعلمت عليه وتكول شوفتج تخليني احس اشوف ابني الانحرمت منه

كومتهه وكعدته يمنه بالهول وهي لازمه بايدي تمسح عليهه بحنان  طب باهر واني درت وجهي
والصدفه طب وراه عاصم

اختنكت واحس ايدي رجفت والله احس اريد اكله باسناني
شوفته تقبض روحي

درت وجهي وكال عاصم

-ياابه ترا السلام لالله شدعواج مو بشر كدامج ليش شايله خشمج

-درت عيني عليه
بشرر!!
منو بشر!!بس لا انت ناسب روحك ويانه

-شقصدج ولج احترمي نفسج

-لا تكول وللججج واتجنبني دتشوف بشر لابسك ليش تصير مداس للرجلين احفظ الباقي من ماي وجهك عاد لخاطر الشوارب الحاطهن

-وكف بعصبيه وباهر كاله عااصم شبيك اهدئ مو هيج
هاي اني اعرف علتهه

نوب زفر نفس بغضب وكال
يلا باهر نتشاوف عود بالليل اني اترخص

-جاوبته بكل برود واني دايره وجهي

هو انت رخيص انوب تترخص شتصير ثلاثه بربع

التفت باهر فاتح عينه وطلع عاصم متعصب

كال باهر انتي شنو من مله يا بشر
ليش تشترين المشاكل شرايه عيب
اعقلي ميصير هيج السانج هذا كلش فالت
اخلاقج مدتعجب

-شنوو احد داس على ذيلك !!

-لجج قندره اخلي النعال بحلكج ادبسززز
ممتربايه وحده بت شارع

-انتفضت ووكفت بوجهه

رافعه اصبعي بس البركان الي بدالي اذا نفجر ينصهرون

تربيتي واخلاقي تنحط على روسكم ياعارات
انت وابن عمك
اشرفكم واحد واحد هنااا خوووش

التفتت على بيبي بعد لا تطلبين مني اجي
لهنا وبعد هالبيت ماعتب بابه

تشتاقيلي تجين ببيتي اخليج فوك راسي بس لا تطلبون مني اجي هنااا
اني كلشي ولا ينداس على طرفي

ضلت بيبي وخاله يهدون بيه ويبوسون
ختنكت والدمعه ماخليهه تنزل ابد
وخرت منهم
وهو واكف بكل حقد ينضرلي بنضرات كانو ديشوف شيء بشع ومقرف كدامه
هالشخص يكرهني ماعرف ليش
ابد مااحتكيت بيه بيوم ولا الي علاقه بيه
بس احسه يضوج من وجودي بينهم