عندما تنطق الدفوف

البارت-6-

عزت نفسي اهم من كلبي بهواي.
وكسرت خاطري تسواك كلك.
اطخلك راس انا النخل حدري.
ياحب ياغزل عذري.
من تدوس كلبي اغفرلك يجوز.
بس يم الكرامه تكفه شري

________<<<<>>>>__________
مر يوم ويومين واني معتزله كلشي
مو اني الاتهرب واضعف بس هضيمتي جبيره
حقدت على ابويه اكثر من حقدي على عايده
هو السبب بالصار كله

حته الاسود نزعته عليه
حابسه روحي شكد حاولو يطلعوني من الاني بيه بس احس عقلي ميتحمل هوسه وكلام
باقيه على نقطه معينه

افكر ليش هيج سوه
شلون يسجله باسمهه وبدون ميفكر بيه اني

شلون راح اقبل ابقه هيج يمهم عايشه
احس روحي عاله عليهم
اخاف من شعور الثقل

صعبه على الي نفسه دوم عزيزه
هيج يصير بيه

واني هيلين الي الهوا يخاف يلعب بكذلتي
تالي انذل وانطرد

بقه ملازمني شعور الذل والخيبه
كلش تعبت نفسيتي واثر بروحي القهر

البنات كومني كووه يردني اكعد يمهم
واني طلعت وياهم يجرن بيه جر

كعدت يمهن بالحديقه وهن يسولفن
اشارك بكلمه وحده وارجع التزم الصمت

طب عمي وياه باهر وفرح من شافني عمو كاعده يم البنات
وكعد يسال شلوني وخاف محتاجه شيء

منزله راسي واحجي وياه وكتله اني ممحتاجه شيء الي هنا كلهم منقصرين وياي
وفعلا كلهم جانو كلش مريحيني وممحسسيني غير انو هذا بيتي واني بنتهم

كعدنه بعد ماطب عمي جوه شوي ورجع طلع باهر وهو يخابر وكف ليغاد من عدنه يم السيارات
كمل اتصاله واجه باتجاهنه

اشر للبنات بايده وميل راسه بمعنى ادخلو جوه
كامن هن واني داكوم وياهن ووكفني صوته وهو يكلي اكفي عندي حجي وياج

التفتت مستغربه المن يقصد

-وياي

-يي وياج
يحجي وعيونه ثابته للامام وايده بجيبه

وين رحتي ذاك اليوم!

-يايوم قصدك

-من ختفيتي وبعدين جبناج من الكاضميه

-وين تريد توصل بسؤالك

-الج

-شنوو

-ييي اريد اوصل الج
اريد اعرفج شنوو ووين جنتي بذاك اليوم

-شبيك انت دتحجي صدوك مو انت بنفسك جبتني وي عموو
وين تريد توصل بسوالك
انت دتشكك بيه شنو.

-بالضبط اوو مو اشكك بس اريد اعرف حقيقتج الصراحه مارتاحلج حيل
طلعتج بالليل وفرفرتج بالشارع بدون متكولين وين وليش
او جان اجيتي هنا جان خابرتي علينه
شمعنى فضلتي السكوت وتفترين وحدج
هاي الهه تفسير ثاني