عندما تنطق الدفوف

الاخير

لابد يردون باجر
سوي نفسك ماشفتهم
بالك يحسون انته تذكرتهم
اثكل شوية يكلبي
مَـرّھٌ خليهم محطة وانته سافر
ادري بيك تريد تبجي..
ابجي وحدك اني ساكت!
•••••••••••
لا تنسون التصويت والتعليق بين الفقرات

••••••••••

كل الدروب التي سلكتها أعادتني اليٍ
وكأنني لم أكن يومأ سوى رساله الى نفسيِ

كملت تعزيل وطبيت سبحت
بدلت وعدلت وجهي حابه التغيير السويته
حسيته جمل ملامحي اكثر
اباع بالمرايه على الفلر الي بشفايفي
وتعديلات بسيطه للملامح

عدلت روحي ونزلت احمد جان يلعب بلي
خليت يمه عصير وفاكهه وكيكه وصيته ينتبه لروحه وطلعت
اجاني الخط
وصلت لشغلي وبلشت استلم الشغل عليه لود جان

احتريت وفتحت التكييف شهر السابع جان
وباقي للعيد اربع ايام تقريبا
والمركز صاير زحمه كلش

وكفت اشرب مي واجت وحده من العاملات الي باستعلامات البره

-اكو وحده تريد حجز مستعجل تكول باجر الحنه مالتهه وجايه مستعجله

-ادري وين جانت غير تحجز قبل وقت

-تكول اتحدد العرس البارحه

-وهسه شلون

-هذيج هي بره شوفيهه

طلعت عليهه

-عزيزتي غير تحجزين قبل وقت
شلون اني خوما العب بالحجوزات وانطيج سراهم

-والله البارحه تحدد العرس لان عمته لخطيبي موزينه بالمستشفى وهسه جيتي من البدلات والصالون فدوه دبريني

-والله مو بأيدي شوفي الحجوزات

-الله يوفقج بداعه عزيز كلبج لا تفشليني

-وداعتج الموضوع مو يمي منوو يقبل ينطي موعده الج وادللي

-محد يقبل اكيد

-شوفي مو بايدي والله

-ضاجت ورادت تطلع وصحت عليهه

تعالي انتضري شيء ساعه وراح اشتغلج واسويلج جلسه تنضيف بشره هديه عرسج

فرحت وكعدت تنتضر

اني ضهري نكسر من الكعده وبعد عندي كومه وماكدر ااجلهم على باجر لان باجر والبعده الحجوزات بعد اكثر يعني لازم باجر اجي صبح