عندما تنطق الدفوف

البارت-5-

: هَليِ شافوني ما أنفع
شني مَن المغرب اتوجع¡
صرِت ماي ببلم
وتخيل شمكروه
عليه تكابلوِ
رادوني بَس اطلع

________<<<<>>>>_________

وكفتهم بباب بيتي وهم متحزمين ودمهم حامي
خلت روحي ترجف من هيبتهم
طببتهم بسرعه وبدون وعي مني شمرت روحي بحضن عمو واني اشكيله

اجاني صوته وهو يكول
اله اطلع حليب امه من خشمه بس سويلنه طريق

مسحت دمعتي واني اباع العاصم

شكد صارتلي مشاكل وياه وشلون ماطيقه بس اول ماحتاجيتهم اول واحد اجه

ايقنت هنا الاضفر بعمره ميتبره من اللحم
والدم ابد ميصير مي

كالو سويلنه طريق
وي مالتفتت اريد اطب اصيحه
جان تطلع عايده لابسه حجاب ولافه روحهه بيه وياهه ايمن

جرو عاصم بنصهم واستلمو ومرتضى وياهم وهو بنصهم يتلوا يريد يخلص روحه ويحاول يضربهم بس ميكدر

عايده تلطم وتصيح وتريد تجر بيه من بينهم متكدر صايرين عليه شده
كامت تجر بيهم بس هيهات ينزاحون
وصياحهم وغلطهم عليه وهو ميسكت بس يصيح مثل النسوان

خلو وجهه مينعرف
وعمي كاله عوفو كافي اتادب
هاي كرصه اذن اله حته يعرف منو وره هيلين
خاف عباله ماوراهه احد بعد صار عنده علم
هيلين وراهه وحوش تاكل بشر

التفت عمي وكال امشي بابا ويانه

-لا عمو بيتي هذا وبيت ابويه شلون اعوفه
كلما تصير شغله اعوف البيت قابل

الولد جرو ايمن برا البيت وشمرو بالشارع
وعايده تركض وراهم وتعيط وتحسب

طبو وهي بقت برا يمه

دنكت راسي كدامهم وكلت بفخر

-مشكورين ياا عزوتي

-حضن اكتافي عمي وباس راسي وهو يطمني بنضراته
طبت عايده من برا

-شعدكم ببيتي طلعوووو منه طلعو من بيتي
ساعه السوده المات بيهه جعفر ورجعكم لحياتنه الله اكبر عليكم الله ليوفقكم

-انتفض باهر ويريد يجاوبه لزمه من معصم ايده عمي ووكفه وعمي جاوبهه

-اخر مره اسمح هيلين ينداس على طرفهه
خل يكون بعلمج
خاف هالمره جم ضربه ومشيناهه
مره ثانيه الحساب يصير ثكيل

-تهددنييي ببيتي والله اخيسكم بالسجون بس صبرولي

-مره مالنه كلمه وياج يلا بويه مشينه نروح

-وكفت وكالت ووكفووو
تاخذون بتكم وياكم اني ماعايزه علل على كلبي

-انتي بااي حق تطلعيني من بيتي والقران اذبحج هناا

-اسكتي عمو بيتج هذا محد يطلعج منه
وانتي كصري الشر ترا احنه نسكت لخاطر اخونه ولخاطر بزرته بس اي شغله تصير بعد
راح يصير النه غير حجي ويه جبيركم