عندما تنطق الدفوف

البارت-15-

اكتب بيَت وأمسَح بيَت
هجّمت بيوّت
وما طلعِّت الِبگلبي
••••••••

•••••••
لا تنسون التصويت والتعليق بين الفقرات

••••••••
اقسمت بكبريائي وعزه نفسي الي مارخصه اله اخلي يجي بنفسه

مشيت الامور عادي كلش ولا كانوً اكو شيء
بس صرت اتصرف وي باهر بطريقه هو استغربهه وانزعج منهه

اسولف وياه كدام اهله وابين كلشي طبيعي
هوًهنا ينجبر يرد ويمشي الوضع

نيران انتبهت لتصرفاتي واجت عليه

-هيلي شنو الصاير

-شصاير

-تصرفاتج متغيره وي باهر

-متغيره شلون!!

-هيلين لا تحاولين تغشمين روحج
ماجان يدور بينكم اي حديث جوه وكلنه جنه منتبهين وهسه تسالي وتضحكين تسولفين شنو اكو تطورات يعني علاقتكم متحسنه

-ليش هو مو زوجي قابل عدوي وماحجي وياه ليش تصعبون الامور ترا عادي

-هيلين شنو يدور بعقلج

-كل الخير بعقلي

-اخاف من تفكيرج

-ضحكت عليهه انتي ما خايفه من تفكيري
خايفه من الطريقه الراح اخذ حقي بيهه

عفتهه ورحت كعدت يم بيبي

-شلونهه الحلوه مالتنه

-صجيجه يا حلوه وانتو عايفيني بحجرتي
محد يطلعني ويفرفرني

-تردين طلعه حبوبه الدنيا مكلوبه فايروس
ديضرب العجايز والشياب ويموتهم وانتي حايره بطلعه وخواره

-انعل حته اصلج شمالح مفاوله عليه
بطلت ماريد حته طلعه خليني كاعده

-هاا خفتي لازم

-جا هي الروح عزيزه والي يكلج ترخص الروح جذب

-لعد ذولي الي يدعون على روحهم بالموت شنو

-ضعيفين ايمان ووسوسه شيطان
يخليهم يدعون على روحهم
بس بني ادم ضعيف حيل من توصل للصدك
نخاف من الصخونه الي تجيس جسمه

-صدك بيبي والله هاي فايروس انتشر
خلينه رواحنه بنص شيشه

-يايمه هي بيد الخالقهه شوكت مايامرهه تصعدله محد يكدر يوكف ويعارض

-الله يطول بعمرج بيبي حبيبتي تعالي اطلعج بره الجو حلو ديدفى

اخذته ومشيتهه للحديقه كعدنه وسالتني

-شلونج بيبي

-زينه الحمد لله

-مرتاحه وي باهر

-صفنت بهالكلمه مرتااحه لا والله مارتاح اله اخذ حق كلبي
جاوبته الحمد لله زينين

-ماشوف بعيونج هالشيء احجيلي ماذيج هو اشلع شعراته من راسه وافرك اذانه