عندما تنطق الدفوف

البارت -10-

اخر ليله الي وياك
و اول يوم من دونك
رجعت من الحرب خسران
راحه بالي وعيونك.....!

_________<<<<>>>>_________

يقول الامام علي عليه السلام

لو رأيت الفضيحة بأم عيني لسترتها بردائي، فإن مذيع الفاحشة كفاعله

جنت دائما اسمعهه من بيبي من ينطرق موضوع على شخص او شغله صايره تمس السمعه
دائما تكول لا تفضحون بشر ولا توصلون يم السمعه والشرف
كله يرجع اضعاف عليكم اذا مو بيكم بباولادكم واحفادكم

واحنه ناسنه تتسابق بنقل النفاق والنميمه
وتحب تأويل القصص وتألف الاكاذيب
بدون لا مخافه من الله ولا ذمه ولا ضمير

كثرت الاقاويل وصار اسمي الدارج برأس كل جمعه وكل كلام

هيلين بينهه وبين باهر شيء وهالشيء جبير
وبيت جابر مسدسدين عالسالفه

سيرتي صارت السن الكرايب
وعمي واكف سيف ودركه وهو يرد كل شخص يحجي بسيرتي

بس جم لسان يردع واحد ثنين عشره !!

الموضوع صار يخنكني وسمعتي صارت بين اليسوى والما يسوى
بسبب وحده تافهه الفت السالفه بكيفهه ومن لسان للسان ينضاف الهه وتكبر

قررت اطلع من بيت عمي واسد السالفه
بس ماقبل واني اصريت اطلع منهم
رحت كعدت يم خالتي وجانت تصبر بيه
وتكول
تدور ياماما وياخذ كل حق حقه
الي مس سمعتج يجي يوم
والي طعنج هم يجي يوم
مدامج كدام الله واثقه بروحج خل الحجي يعبر تاليتهم يملون ويسكتون بس الله ماراح ينسى ويترس حجار بنص حلوكهم

ماجان عندي غير السكوت والصبر وانتضار عدل رب العالمين

صارلي شهر ببيت خالتي وجانت شايلتتي بالصلاوات
وزوجهه هم كلش فقير
عنده تقاعد ومفتح محل مال مخضر
حالتهم يادوب مكفيتهم بس بيتهم جان ملكهم الحمد لله
جانو راضين وقانعين وكلش بسيطين

عمو اجه كم مره بريدني ارجع
بس ماجنت اكدر
اذا رجعت راح ترجع السالفه تنفتح وهي توهه بدت تقل السوالف عليه

بس ماقصر ويايه وخلاني بحاجه شيء ابد
مادام اني بيت خالتي مصرف وزايدتي وناقصه كله يجي بدون ماطلب
حته اللحم والدجاج السمج يجيبه كلما يجي عليه يشوفني

وره مده خابرتني نيران تبجي وتشكي
هم شايفه خيانه جديده لخطيبهه وهالمره وصلت الحجي لاهلهه وكالتلهم طلكوني منه

انقهرت عليهه ماشفت روحي اله ابدل واخابر مرتضى يجي عليه

سوده عليه صاير سايق مالتي يودي ويجيب

صعدت بالسياره هلا بالسايق مالتي

-راح ادفرج من الجامه ام الكلك