عندما تنطق الدفوف

البارت-14-

.:ضَاگت حَيِل لا صُبح اليِحَلها ولا يحَلها الليل.:

•••••••
لا تنسون التصويت والتعليق بين الفقرات
•••••••••••••

جانت واكفه مصدومه ممستوعبه الي سمعته
رحت عليهه بسرعه

نيران الي سمعتي ميطلع سمعتي ميطلعع

-شدتحجين هيلين شنو اتفاق شنو طلاك
شكو تزوجتو لعد هو لعب لو شنوو

-اشششش نصي صوتج نصي
وتعالي ويايه
سحبتهه فوك بسرعه وطببته لغرفته جانت نور ماكو همزين

-نيران اسمعي هالزواج جان اتفاق
واله نهايه ولحد ميجي هذاك اليوم
اريد السر ينضم ميطلع

-ليشش ولج ليشش لعد هالعرس والهوسه شنوو

-كله تمثيل كله جذب

-زين فهميني شنو السبب

-ابوج

-ابوي

-ضغط علينه وتعب وباهر ميكدر يفرط بابوه
وحجي الناس كثر لازم ينسد
جان لازم نشوف حل ومالكينه غير هالحل حته ابوج يرتاح لان اخر فتره تعب بسبب باهر

-واذا انتو هيجً تخافون عليه مافكرتو بيه من تنفصلون

-لحد ذاك الوكت تنحل نمشي كم شهر ونكول ماتوالمنه وننفصل

-ولج ليش انحسب عليج زواااج

-عالاقل نكول تزوجنه وماتراهمنه
ولا يبقون يالفون قصص علينه وتبقه سيرتي على السنتهم

-انتو ضحكتو علينه هيلي

-ماماذين احد واذا ناذي فه بس نفسنه

-عبالي راح تكدرين تنسين فرح من باهر
وترجعي مثل قبل

-هه شدتحجين نيران شدتحجييين
فرح مزروعه بباهر وجذورهه تمشي وي عروكه شلون اقتلع جذورهه لازم اقلع باهر وياهه
فهمتي هسه شنوو من المستحيل باهر يترك او يتناسى ولو ذكرى لفرح

-ليش تحجين هيج شنو عاجزه تغيري حاولي زين وجربي

-وليش اجرب احد كالج اني رايدته لو طالبته
اني وياه مثل النار والبانزين صعب ننجمع
واذا انجمعنه ناكل بعضنه وناذي الي حوالينه

-بس انجمعو وهاي خطوه جديده

-شكليات شكليات نيران 
اني وياه متفقين وماشيه الامور ماله داعي هالكلام كله بس كل الاريده منج
ميطلع الموضوع ابدد كدام اي بشر حته وياي

-ماراح احجي مو علمودج لو علمود باهر
بس لخاطر ابويه المستغفلي وخادعي

ماجاوبتهه طلعت من غرفتهم وصعدت لغرفتي
طاقتي تمر بانهيار
اهواي عليه العشته والحجي السمعته بذيج الفتره جان لازم اسكتهم حتى لو بعدين العواقب تكون اكبر
مرات اصفن واكول لو ماقابله
وما مورطه نفسي بهيج سالفه ومرات اصفن شلون راح نواجه عمو والكل علمود ننفصل
بس اكيد نلكه حل وعذر مقنع علمود المقابل يكون مقتنع
بس تناقضات عقلي تعبتني
هروبي كان النوم كلما احس التفكير اخذ مساحته بعقلي اطرد التفكير والافكار بالنوم
ساعات طويله انام بيومهه مانزلت ومن صاحوني عالعشه كتلهم ماريد تعبانه