عندما تنطق الدفوف

البارت-11-

تعال ارجع
بعد مابيه حيل اصفن ع صورك
واضل اليليه اتلوع
تعال بداعت اليل السهرته وياي
ترى الفكره غيابك ماكدرت اقنع
اريدك مره وحده وبيها اشوفك جاي
_________<<<<>>>>___________

أحيانآ تجبرنا الدنيا على طريق لازم نسير اله مسيرين وليس مخيرين
نحاول نرسم طريق ثاني وسرعان ما عاصفه تجي وتمحي اثر الي رسمناه

هالطريق الي نرسمه هو احلامنه الي نسعى الهه ونجاهد لتحقيقه
بس يكون للقدر كلمه اخرى ...

داخلي منهار واعصابي كأنو اعصار وانجن
بس لساني اتربط وماعندي كلام اكوله
للي سألوني شنو كالج  عمج

عيوني على باهر منهار ومتعصب
كتله واني اوكف كدامه

-شوف حل

-ماحجه بس نضرلي نضره وبعدهه دخل على ابوه

عفتهم وصعدت للغرفه اتزاحمت الافكار براسي
بس قراري جان الرفض .
مستحيل اربط نفسي بشخص ماينضر الي غير نضره الكره .داخله من ناحيتي عكر
مايشوفني هيلين البنت النقيه الشريفه
نضرته الي تشرح شعور ثاني
يشوفني بنيه مو راحه مو مؤدبه
ام الدفوف يعيوني ام الدك والركص

مستحيل اتقبل هيج شيء اني
هالمهزله انهيهه ماسمح لعمو يفرض عليه القرار
بالتالي القرار الي وحياتي هاي
مو لأن عايشه يمهم ومالي احد يفرض عليه عيشتي
افضل الموت ولا هالوضعيه هاي

شوي وسمعت اصوات بس ماتحركت من مكاني
صعدتلي نيران وهي تحاول تخفف عني وتصبر بيه بس ماجنت ارد او اكدر انطق كلمه
على الرغم من السوالف هوااي بيه
بس محبوسات بداخل حنجرتي يخنكن بيه
كالت نيران رجع باهر يحجي وي بابا بهالقرار وبابا مصر على رأيه وباهر مصر ميرضى

لليل بقيت فوك وصاحوني مانزلت
ونوب كالو عمو طالبني

نزلت وكعدت كدامه جنت مقرره ارفض رفض قطعي
رجع فتح الموضوع وانعادت نفس المبررات

-اني علمودج عمو ماريد اضرج

-بس انت راح تضرني هيج

-اني شلوون يا حبيبتي انتي بنتي اكو احد يضر بنته

-من تقرر تزوجني لباهر مو بس تضرني
توديني بايدك للجحيم

-لهل درجه تشوفين باهر سيء

-مو سيء بس نضرته سيئه عليه
شلون اقبل برجل جان يقذف بحقي اوسخ الكلام وشكك بسمعتي ويشوفني شيء ميشرف العائله الكريمه وانت جنت شاهد على كلشي صح لو غلطانه !

-المايعرفك مايثمنك وهو جان ميعرفج
وهسه عاشرج وعرفج اكيد تغيرت نضرته عليج وعرف انتي شنو معدنج الحقيقي

-بس اني ماريد عمي لان اعرف باهر ديتعذب على فرح باهر ضال منه رماد وبقايا ذكريات لمحبوبته عايش على ذكراهن
اذا بتفكيرك تزوجه حته تداوي كلبه 
هالشيء غلط هيج راح تزيد وجعه وتعذبه اكثر