عندما تنطق الدفوف

البارت-23-

: مكتوب دوم الها الحزن
هي الدموع بلاوعي
تنزل تنام بخدها
شنسوي قسمتها بعد
جا همه كالوها كبل
كل حلوه حظ ماعدها

••••••••

لا تنسون التصويت والتعليق بين الفقرات

••••••••••

سحبني بسرعه واني اجر بروحي والرجال يجر بيه ابو التكسي طبكت السيارات

والناس تحاول تتدخل
واني اصرخ خل يعوفني بسرعه وهو مجلب واله يصعدني بالسياره اباوع عليه

اتحول انسان ثاني مو طارق جان نار وتحرك كل الحوليه

صارت ناس بيناتنه تحاول تخلصني اجت دوريه شرطه وهم يستفسرون

-زوجتي هي ومشاكل عائليه

-لا مو زوجي خطيبي وديلاحكني ويريد ياذيني

-هيلييين

-سيدي خل يروح ويعوفني اهلي جايين

-الشرطه دفعو طارق ويردون يبعدو اتقربت يم التكسي الجنت صاعده بيه واسمع تلفوني يدك اخذته من السياره وشفت باهر

جاوبته بسرعه

-انتي ويييين

-باهر اني تورطت تعال اني يم تقاطع ميسلون

سديته بسرعه
وكعدت بالسياره جسمي يرجف

مصدومه من الصار كله ومن اللقطه الي نطبعت بعقلي
بساعته محسيت اله اتصل بباهر
لان حسيت بحجم المشكله الاني بيهه والورطه بسبب ملاحقته الي

ماجان بعقلي غير باهر ولا اذكرت غيره بعقلي

دوريه الشرطه بقت موجوده لحد ما اجو باهر وعاصم من شفتهم كلبي طار بسرعه نزلت من السياره بسرعه ولزمني باهر يتاكد مابيه شيء اهز براسي بااي مابيه شيء

صعدني بالسياره وبقو هم يتفاهمون وي الشرطه وكالو قدمو بلاغ بالمركز انو هو ديتعرض الهه حته تضمنون سلامتهه

صعد عاصم يسوق وباهر كعد كدام صاير بركان

-هااااااا هيلين شحجينه شكلت اني
كتلج الولد عنده سوالف ضحكتي عليه هاي تاليته ارتاحيتي