من مشيت
الناس صارت كلها بعيوني غريبة
الصورة ماتروي وإذا جانت قريبة
هوا بس وجهك يخلي الدنيا حلوة
منين اجيبه
________<<<<>>>>__________
لا تنسون التصويت ...
التعليق بين الفقرات ...
________
اليوم اربعينهه
واحنه قبل يوم حضرنه كل شيء
من اكل وشرب والناس تجي بالليل نتحضر الفجر نطلع
باهر طالع من الضهر هناك سبقنه
وماقبل احد يروح وياه
صعدنه بالمنشأه ساعه 3الفجر وجايين ولد العمام والخوال والعمات كلهه واكو صعدو بسياراتهم الخاصه وطلعو ويانه
الطريق جان مشغل قصيده ياابو فاضل طيحه ايدك مو وكتهه
الكل جانت دموعه تنزل على القصيده وكلماتهه الي تلامس الكلب
خلص طريق اربع ساعات
بلهفه وشوك للمحبوبه النايمه
الي تنتضرنه هي وحبيبهه الي ساد عليهه لهفه انتضارهه النه
وصلنه ساعه 7وجان البرد يكص العضم
نزلنه وتمشينه وام عاصم متمشي وانما كانت تركض تريد توصل لبنتهه
مشينه وعبرنه بين الافرع وبين القبور
شفنه باهر من بعيد واكف
جان ينتضرنه بس ياحال كلبه
منتهي قميصه الاسود متحول الى تراب
شعره ملابسه جان بحال كلش صعب
صوته مختفي وعيونه بلون الدم وكوه يفتحهن
وصلنه وبدات نوبه البكاء العاليه
اتجددت الاحزان وانفطرت القلوب
عيوننه متتحمل المنضر محفور اسمهه على صخره
امهه بكائهه جان يفطر الكلب
-ولج يااام ملكى الحلو وينج ووين ملكاج
طلعي وهلي بينه ورحبي
وج يممه مشتاقه لضحكتج الحلوه
ارجعيلي يمممه فرح
مو الج النومه يابعد امج مو الج
متلوكلج بين التربان ممطوله
طولج الحلو تلوكله الهلهوله
عيونج حلوه لو خربت معانيهه
يا بعد المشو والضلو يمممه
ابوهه كام يشيل تراب ويخلي على راسه
اخوهه عصام يبجي تالي ركع راسه حيل عالقبر وانشك راسه وطشر دمه
واحنه نعاتب بيهه كطعت بينه وخلت مكانهه فارغ مايملي كل شيء
كلنه نبجي ونحجي ونلطم
باهر واكف مقابيل القبر بمسافه وصافن
بس حيله مهدود
شكد شابع بجي من البارحه لليوم
شكد سولفت وعاتبت وشكيت حالك
بقينه مايقارب 3ساعات يمهه احنه
وعمي كال ميصير بعد حرام الداتسوو
امشو نزور وندعيلهه هذا الدنسوي كله اذيه الهه
طلعنه كوه من عدهه وعمو يجر بباهر جر ويطلعه منهه
طبينه للامام غسلنه بالاول وعدلنه هدومنه وطلعنه
الي يزور والي يصلي والكاعد
كعدنه بالصحن كلنه جانت مو كلش ازدحام لان ايام عاديه مو جمعه
أنت تقرأ
عندما تنطق الدفوف
Romanceانثى ترفض الهزيمه يجبرها الواقع على العيش مع رجل جدرانه تروي حكايه الماضي يرفض التخطي فهل سيكون لها حكايه جديده ام للقدر حكم اخر
