عندما تنطق الدفوف

البارت-3-

اني التوگف الدنيا عَليه
وخَسران السِحَب إيده مِن أديه

_______<<<<<>>>>>_________

مرت على وفاه ابويه اربع اشهر
خسرت ابويه بس كسبت اهل وعزوه
ناس تحبني حضنوني واحتووني حسسوني
بالسند شنو

بيوم جنت كاعده ودز رقم الي رساله

شلونج هيلين

-دزيتله منوو

-اني واحد

-عكدت حواجبي شيريد هذا
تفضل شرايد يالواحد

-ضحك وكال اعصابج ياحلوه شبيج هيج خشمج يابس

اكلك نعل لا تاكل تحجي انت منو لا وحق الله اراويك الما شايفه

-ههههه اعصابج شبيج داتشاقه
اني عصام

-عصااام انت متستحي هيج تحجي وياي باي حق جاي تراسل اصلا بلا تربيه فعلا

-لج احترمي نفسج حقيره شكد مستهتره صبريلي اذا مااكسر خشمج

-اكل تبن ماغيرك انت الحقير مو انت تعلمني الاحترام
ورقمي تمسحه من تلفونك لا ودين النبي اخليك دواسه للباب

-اهووو شتغلت الشرفيات براسي

-مو كال هيج دزيتله بصمه بكل انواع الغلط بكل العالم ماخليت غلطه تعتب عليه

وما كتفيت من دزلي بسيطه اله اخليج تتندمين وتمشين وتتلفتين

دزيتله بصمه بيهه زيج طوييل

-هيج كافي لو تريد بعد ياعار يا زباله الجلاب

خابرت على عمي وكتله كال اله اطيح حضه ادبسز هذا اخلي يبوس راسج وهو الممنون

بيومهه داز عليه عمي جابر ودز مرتضى يجي ياخذني ديفتهم الصاير

طبيت سلمت جان تطب ايناس ورجلهه وابنهه واكيد فرح لازم تنبص علمود تشوف باهر

كاعده وكعدو هم صاحني عمي سلمت عليه بس هو وكعدت

-سالني عمو جابر شصاير
حجيتله شلون دزلي وشلون يكلي تبيعين شرفيات براسي

جانو كاعدين كلهم
وهو يبرر ويطلع البصمات ملاتي وشلون اغلط عليه

الحقير حرجني كدامهم فشلت ومرتضى مختنك والبنات يضحكن عالصامت

نوب طلع البصمه مال زيج مالتي ومعلي تلفونه بكل علو وكلهه ساكته تستمع
بحيث الزيج طيرهم من قوته

هنا الولد نفجرو ضحك والبنات انهزمن من الضحك

عمي جان مدنك راسه ويهز باكتافه
رفع راسه عليه

-والله انج وحده ذيبه وسباعيه

-كالت بيبي ييي تذكرني بشبابي هيج جنت مثلهه مهيوبه وماسكت على حكي
معدله يهيله