((((((مفيش رحمه ٢)))))))
#لولو_محمد
الحلقه ١٩
امل / عندنا كل البيبان بيفتحوا بنفس المفتاح
امينه / طب هاتى اما افتحلها
امل / لا عماد قال محدش يفتح
عبير / امينه ابوس ايدك افتحيلى عماد اتجن و هيقتلنى انا معملتش حاجه
امل / عماد فعلا شكله اتجن احنا لازم نخرجها من هنا
امينه / انا هفتحلها
امل / لا انا هنادى لطنط زينب تفتح عماد عمره مهيهب فامه و بعدين انا و انتى مينفعش نفتحلها احنا محدش هيقفلنا قدام عماد لو اتنرفز علينا انا هنزل لطنط
.........................
رحمه / طنط مش تحت طنط فى اسكندريه مع عموا
امينه / اخ نسيت فعلا بابا فى اسكندريه
امل / يعنى هنعمل ايه هنستنى اما عماد يجى و يعمل مصيبه و يروح فداهيه لازم نتصرف انزل انادى حد مالعمال يكسر الباب يعنى
رحمه / لا هاتى المفتاح انا هفتحلها
عبير / ابوس ايديكوا حد يفتحلى ابوس ايديكوا
رحمه تفتح الباب عبير تطلع تاخد الواد بالحضن و هى شايله شنطه كبيره على كتفها
رحمه / هو ايه اللى حصل يا عبير
عبير / معرفش فجاه قامت قيامته و قعد يصرخ و يكسر معرفش فى ايه معرفش انا هروح لماما لازم امشى من هنا سلام
عبير تجرى و هما واقفين
امل / رحمه انزلى بيتك و لا كانك عملتى حاجه عماد ممكن يتجن عليكى
امينه / و احنا كمان يا امل ملناش دعوه هما فى بعضيهم يسطفوا تعالى نطلع
الكل يمشى
.....................
فى العربيه بتركن قدام العياده
رحيم / هو فى ايه يابنى تعبتنى
عماد ينزل مالعربيه و رحيم ينزل يجرى وراه عماد يدخل العياده
عماد / طارق جوه
الممرضه / ايوه الدكتور موجود فى حجز
عماد يفتح باب الاوضه و يدخل طارق بيكشف على طفل و امه جنبه رحيم يدخل وراه
طارق / استاذ عماد خير محمود فيه حاجه
عماد / لو خايفه على ابنك اطلعى بره
طارق يبصلها / انا اسف
الست تاخد الواد و تطلع تجرى عماد يقفل الاوضه بالمفتاح
طارق / هو فى ايه يا استاذ عماد شكلك عصبى اوى
عماد يبص على المكتب يلاقى الموبايل يتصل برقم عبير يطلع البشمهندسه عبير يشوف السجل يلاقى مكالمات كتير جدا
عماد / انت بتتصل بمراتى بعد نص الليل بمناسبه ايه
طارق / انا هشرحلك
عماد يضربه بالكوع فوشه يتنطر على رحيم يديله بالركبه فوشه يقع عالارض
عماد/ انت لسه هتشرح دانت هتتشرح
عماد ينزل فوقيه بالونيات و الرجول يظبطه عماد يشد السماعه من على سرير الكشف و يلفها حوالين رقبه طارق و يخنقه
رحيم / اعقل يا عماد هيموت فى ايدك
عماد / متخافش انا مش عاوزه يموت انا عاوزه يعيش عشان يشوف اللى هعمله
عماد يسيب السماعه و يرميها على اخر دراعه
طارق / كح كح انت فاهم غلط انا مفيش اى حاجه بينى و بينها
عماد / و انا مصدقك
عماد يشيل كرسى و يحدفه فى الشباك يكسره و يفتح الباب و يطلع
عماد / الراجل اللى جوه ده مش محترم متكشفوش عنده تانى
عماد يشيل شاشه الكومبيوتر من على مكتب الحجز و يحدفه على الازاز يكسره و الناس تطلع تجرى و هى بتصرخ عماد يشيل الكراسى يحدفها عالترابيزات يكسرها و طارق نايم فى الاوضه مش قادر يقوم عماد يبصله و رحيم بيحاول يشده بره
عماد / انا بقرص ودنك بس عشان العيب فى الاصل مش عليك العيب عالكلبه اللى اويها فى بيتى و بتبص لكلب زيك
عماد يمشى
......................
فى محل ملابس اطفال
هاله قاعده تليفونها يرن
هاله / الو
عبير / ايوه يا ماما عماد جالك
هاله / مال صوتك
عبير / مش وقته اطلعى الشقه هاتى دهبلك و الفلوس اللى تقدرى عليها و قابلينى فى المحطه لازم نروح لخالو حالا
هاله / انتى بتقولى ايه خير
عبير / عماد اتجنن اسمعى اللى بقولك عليه مش بعيد يكون فى الطريق ليكى بسرعه انا فى المحطه مستنياكى
هاله / حاضر حاضر سلام
هاله تقفل السكه و تفتح الدرج و تاخد كل الفلوس اللى فيه و تنادى البنت اللى واقفه
هاله /انا رايحه مشوار صغير وراجعه خلى بالك مالمكان
هاله تطلع تجيب شنطه و تحط فيها دهبها و الفلوس و تروح للبواب
هاله / انا مسافره كام يوم الغردقه لو حد سال عليا
البواب / حاضر يا ست هاله تيجى بالسلامه
................
فى المحطه
هاله / يعنى ايه اخد الواد و امشى و انتى
عبير / انا هتصرف لازم افضل عشان اشوف الوضع هيخلص على ايه
هاله / افرضى عمل فيكى حاجه اللى قولتيهولى صعب
عبير / يا ماما انتى كمان مفيش حاجه بنا احنا كنا بنتكلم اصدقاء مش اكتر هى امل اللى عملت كدا انا متاكده المهم محمود يبقى بعيد عن عماد عماد لو خده هيورينا ايام سوده
هاله / و خالك لو عرف هيورينا ايام اسود منها
عبير / خلاص متروحيش لخالى روحى لعمتى اقعدى عندها يومين عماد ميعرفش عنها حاجه اشتريلها هديه غاليه و روحيلها يومين بس لحد متلاقى شقه تقعدى فيها بعيد عن كل ده
هاله / انا مش عارفه هتودينى لفين
عبير / القطر جه اوعى عماد يوصل لمحمود مهما حصل
هاله / معاكى فلوس
عبير / اه معايا مع السلامه
.....................
فى بيت عماد
عماد طالع يجرى عالسلم و رحيم وراه
رحيم / طب يابنى اهدى كدا نتكلم
رحمه تفتح الباب و تطلع وراه عماد يدخل الشقه على الاوضه و عنيه كلها شرار يلاقى الباب مفتوح امل و امينه و اميره ينزلوا
عماد / هى راحت فين مين اللى فتحلها الباب
الكل ساكت
عماد بنرفزه و صوت عالى جدا
عماد / مين اللى فتح الباب
رحمه / انا
عماد يجرى عليها رحيم يقف بينهم و يزقه بعيد عنها
عماد / انتى مجنونه ازاى تعملى كدا
رحيم / اهدى يا عماد مش كدا
عماد / ازاى اهدى انا ازاى اهدى واحده زى دى تقرطسنى انا و تهرب كدا عادى
رحمه / انا خوفت عليك تتهور تروح فى داهيه
عماد / فين محمود
رحمه تبص لامل و تبص لعماد
عماد / محمود فين يا رحمه ابنى اللى امنتك عليه فين يا رحمه
رحمه تبص لرحيم / مامته خدته
عماد يجرى عالاوضه جوه يقلب فى الدولاب و يبعتر الهدوم فى الارض
رحيم / اهدى يا عماد
عماد / خدت دهبها و خدت ابنى و تقولى اهدى اهدى ازاى
رحيم / هتروح فين يعنى
عماد يطلع مالاوضه يبص لرحمه
عماد / لو ملقتهاش عمرى مهسامحك انك ضيعتى ابنى
رحيم يزقه للباب ينزلوا عالسلم رحمه تعيط و امل تحضنها
امينه / و هى رحمه ذنبها ايه شوفتى يا ماما قال هى اللى كانت بتدينا دروس فى الشرف و تتكلم عننا
اميره / عيب يا امينه انا اتصلت بمحمد و قولتله اللى حصل و هما فى الطريق تعالى يا بنتى عندنا لحد منشوف هيحصل ايه
امل / انا السبب فى كل ده انا قولتله ايه انا مش فاهمه حاجه
امينه / و انتى مالك هو انتى اللى كنتى خلتيها تتكلم مع اللى اسمه طارق ده
رحمه / طارق ده دكتور الاطفال اللى بنتابع معاه شخصيه محترمه و شاطر جدا و رخيص مستحيل يكون بينهم حاجه وحشه
امينه / والله انتى طيبه انا كلمت مصطفى على فكره جايين هما كمان فى السكه
رحمه / انا سايبه الشقه مفتوحه
امل / انا هاجى معاكى نقفلها قفلى هنا يا امينه
.................
فى بيت هاله
البواب / الست سافرت الغردقه
عماد / سافرت امتى
البواب / من يجى ساعه ساعه و نص
عماد / متاكد ان مفيش حد فوق عبير مجتش
البواب / لا والله انا متحركتش من مكانى من ساعه ممشيت مجتش
عماد يديله متين جنيه
عماد / لو جت كلمنى ضرورى اصلنا متخانقين و انا عاوز اصالحها
البواب / تؤمرنى يا عماد بيه منغير حاجه والله
عماد / لما اصالحها ليك الحلاوه الكبيره
البواب / تتصالحوا ان شاء الله
عماد يركب العربيه و يتكلم فى التليفون
................
قدام المحل بتاع هاله
عماد يدخل المحل
البنت / اهلا استاذ عماد
عماد / مدام هاله فين
البنت / جالها تليفون و مشيت من بدرى
عماد / طب خلاص روحى انتى النهرده باقى اليوم اجازه
البنت / ليه بس
عماد / عندنا حاله وفاه و هنسافر يومين البلد كلنا
البنت / البقاء لله فى مين
عماد / حد قريبنا من بعيد متاخديش فى بالك
عربيه نص نقل تركن قدام المحل و ينزل منها سيد
عماد / انا مش عاوز قصقوصه فى المحل لو تطول تخلع البلاط خلعه و غير القفل و حط اللى لميته فى المخزن
رحيم / انت بتعمل ايه
عماد / هروح المحله
رحيم / ماشى بس انا اللى هسوق
...............
فى العربيه فى الطريق
رحيم / انت كويس
عماد ميردش و يبص مالشباك
رحيم / هنلاقى محمود متخافش هى هتروح بيه فين
عماد / انت عبيط يا رحيم تغطس متقبش
رحيم / ازاى بس اكيد هتيجى الكليه الشغل او هتزور امها او خالها
عماد / امها معاها يا اهبل انت صدقت حكايه الغردقه دى
رحيم / طب متبلغ القسم
عماد / مش قبل اربعه و عشرين ساعه و هما مش هيدوروا عليها يا فالح مش هيبصوا فى عقود الايجار بتاعه الشقق اللى ممكن تكون باسم امها يبقى لحد متقدم فى ورق حكومى متسجل مش هلاقيها
رحيم / هتلاقيها متخافش هى هتروح فين بس
عماد / انا بس الاقيها
رحيم / ميمكن مظلومه يا عماد متهدى يابنى و اسمعها بالراحه
عماد / مسحه سجل المكالمات و البيه مكنش مسحه لو مكنتش لقيته على موبايله كنت اديتها فرصه تحكى لحد مروح اطلع سجل مكالماتها الشهر اللى فات
رحيم يتنهد
عماد / دانا استحملت بلاوى يا جدع بلاوى و فى الاخر تخونى و مع مين مع المعفن ده
رحيم / طب متطلقها و تريح دماغك
عماد / اخد ابنى الاول و بعدين نشوف هنتراضى ازاى
رحيم / هو ده الشارع
عماد/ اكسر يمين تالت عماره عالشمال
رحيم / بقولك ايه اهدى و بلاش انفعال احنا فارضهم
عماد / والله لو فبق السبع دا ابنى وسع
عماد ينزل و يطلع و رحيم وراه
......................
فى مصر
فى بيت اميره
محمد / طب هو فين دلوقت
رحمه / معرفش والله يا عموا حتى رحيم مبيردش
................................
محمد / هو البيت ده مينفعش يعدى عليه يوم هادى هتجيبوا اجلى
زينب / هو عماد عرف منين ان عبير بتخونه
رحمه / معرفش انا كنت لسه بحط الغدى سمعنا صوت زعيقه فوق طلعنا نجرى
زينب / اقطع دراعى من هناهو ان مكانش ده اسفين من ناس ولاد حرام بس و دينى مهتعدى على خير و بكره ربنا يظهر الحق
اميره / والله قولت كدا هو على الاقل كان سمع منها
زينب / اطلبه يا محمد شوفه وصل فين دلوقت
صوت عالسلم تحت
رحمه / جم جم
رحمه تنزل تجرى و الكل يجرى وراها يلاقوا عماد بيفتح الشقه و يدخل و يرزع باب اوضته وراه و يقفل بالمفتاح
رحمه / ملقيتهومش
رحيم / خالها مكلمهاش من فتره و اتصل على اخته التليفون مقفول و حكيناله على اللى حصل كلو قال انه لو لقاها هيقتلها بنفسه و سالناه ليها قرايب تانين و لا لا قال ان ليها عمه بس مقاطعين بعض من يوم وفاه ابوها عشان كان فى بنهم مشاكل عالورث
زينب / عمه ايه يا خويا الا حتى معزمتها عالفرح و لا سمعنا عنها
امينه تبص لامل و تلف الناحيه التانيه
زينب / العجل وقع و كترت سكاكينه ربنا يصبرك يابنى
زينب تخبط على عماد الاوضه
زينب / افتح يابنى انا امك افتح عاوزه اتكلم معاك كلمتين
عماد يفتح الباب و عنيه حمره دم و هدوم عبير فى الارض مقطعه كلها زينب تدخل و تقفل الباب
زينب/ احكيلى ايه اللى حصل مش عاوزه اسمع منهم
عماد / كانت بتكلم واحد طارق دكتور العيال
زينب / عرفت منين
عماد /كنت بتكلم انا و امل عن .....
زينب / كنت متاكده انا قلبى دليلى قالى ان الموضوع ده وراه بنت الكلب دى هى و بناتها عبير كان معاها حق لما مسكتها من شعرها
عماد/ و هى امل اللى كانت بتتصل من موبايل عبير بعد نص الليل بالخمسه و اربعين دقيقه يا ماما بيتكلموا فى ايه اكتر من خمسه و اربعين دقيقه
زينب / اهدى يابنى اهدى
عماد / ياريتنى كنت قتلتها كنت هديت انا كنت عاوز اتاكد الاول كنت خايف اكون ظالمها كان نفسى اكون ظالمها
زينب / طب تلاقيها مستخبيه هنا و لا هنا خايفه منك و بكره تبان و تفهم منها الحقيقه ميمكن الواد كان سخن و لا حاجه و فضل معاها عالتليفون
عماد / سخن مهو على يدك مكنش يعدى اسبوع الا لما تكون كاشفه عليه و اعاده و انا الاهبل كنت بسيبها تروح ميجيش فى دماغى اروح معاها مره ميجيش فى دماغى ان الواد مش عيان و مفيهوش هوا بتروح ليه تقولى الوقايه و كل مره حجه شكل و من خوفى على ابنى كنت بسبها تروح انا غبى انا غبى
زينب / اهدى يا حبيبى انا متاكده ان الموضوع مش زى مانت فاهم انا متاكده ان عبير مظلومه و ان فى حاجه غلط عبير بقالها كتير وسطينا مشوفناش منها حاجه وحشه يابنى
عماد / بقالها كتير بتستهفانى بقالها كتير و انا كنت باخد الواد و اسيبها و افضيلها الجو كنت بفضيلهم الجو انا مش مصدق انى كنت بالسزاجه دى قال ايه بتزاكر بتشتغل
زينب / يابنى اهدى و فكر بالعقل
عماد / هى خلت فيا عقل دانا مكنتش بتطلب منى حاجه الا لما اعملها عاوزه محل حاضر عاوزه دهب حاضر عاوز لبس و مكياج و كوافيره حاضر مهو على يدك مكنتش بكسر لنفسى قرش مرتبى و فلوسى اول باول عليها على يدك انا قصرت فى ايه مهو على يدك يا ماما
زينب / عارفه يا حبيبى والله عارفه اهدى بس
عماد/ خدت ابنى تاخده ازاى تربيه ازاى دى يا ماما اللى زى دى تربى ازاى تربى ابنى ازاى هتقوله عنى ايه هتقوله انى انا اللى ظلمتها هتكره فيا هتطلع نفسها خضره الشريفه لا ابدا انا بكره الصبح هروح الكليه و هفضحها
زينب تصرخ / لا
عماد يسكت
زينب / اوعى يا عماد كلو بالهدوء هيتحل انا هجيبلك الواد منها بس نلاقيها اسمع يابنى عيوب الناس بتتحفر عالنحاس و المزايا بتتكتب عالميه متفضحش ابنك بايدك محدش هينساهاله فكر فى بكره فكر فى اخوك و مراته اللى بيشتغلوا هناك فكر فى نفسك و بكره فكر فعيلتك
عماد / انتى بتقولى ايه
زينب / حقك هتاخده ابنك هتاخده و هى هتتربى و كفايه انها بقت فى الشارع و انا ليا صرفه تانيه معاها بس فضايح لا دا ابنك اول واحد هيتاذى
عماد / انا عاوز انام
زينب / عين العقل قوم الاول كلك لقمه انت متغديتش و بعدين نام
عماد / لا سبونى شويه لوحدى و بكره الصبح يحلها حلال
زينب / طب تعال نام عندى تحت هنام لوحدى
عماد / معلش يا ماما انا عاوز ابقى فى الشقه هنا لوحدى
زينب / طب قوم كلم ابوك الراجل مش قادر يقف من ساعه معرف اللى حصل
زينب تفتح الباب تلاقى الكل قاعد بره مستنى
زينب / مفيش حاجه يا جماعه مشكله و عدت كلو يروح بيته
رحمه تمسح دموعها / انا اسفه يا عماد
عماد يهز راسه و يطبطب عليها
رحيم / عاوزنى معاك
عماد / لا انا عاوز اقعد لوحدى هنا شويه معلش يا جماعه
اميره / يلا يا بنات
امل / انا اسفه يا عماد
عماد يهز راسه و الكل يطلع و يقفلوا الباب و عماد يدخل يحط راسه عالسرير و يبص للسقف
.....................
فى شقه زينب
رحمه / انا خوفت يعمل فيها حاجه مكنتش فاهمه فى ايه ففتحتلها
زينب / خير معملتى بس كان المفروض تتصلى بيا
رحمه / اعمل ايه بس انا كنت مفزوعه معرفتش اتصرف انا حتى اتصلت بمنه تيجى تاخد العيال
زينب / احنا ناقصين فضايح و قرف
رحيم / بكره مش هروح الكليه روحى انتى و لو جت كلمينى
زينب / مش هتروح هى مش هبله زى ممقدرتوش تلاقوها لا و هى ولا امها مش هتلاقوها
رحيم / مش هتعدى على خير
زينب / ياريت تتطعظى انتى كمان
رحمه / انا
زينب / اوعى تفتكرى انهم هيسيبوكى فى حالك و لا انتى فاكره ان الحكايه سايبه اللى معرفوش يبلفوها فى صفهم طيروها و بكره تشوفى
رحيم / ايه اللى بتقوليه ده يا ماما
زينب / الحقيقه اميره و بنتها هما السبب فى كل ده نصبوا الخيه صح لابوك و بكره تشوف اخوك و هما بيسحبوه
رحيم / دا على اساس ان عماد اهبل مثلا
زينب / بكره تقول امى قالت بس و الله مهسمحلهم دا على جثتى بنت الجزمه دى تقرب من ابنى
رحيم / نامى يا ماما انا هروح اجيب العيال من عند منه لو عاوزه تعالى باتى عندنا بدل متباتى لوحدك
زينب / لا انا مش هنام اصلا انا صاحيه اما اشوف اليوم ده هيخلص على ايه
صوت تكسير و صريخ عماد رحيم يجى يطلع امه تمسكه
زينب / سيبه يفش غله فى العفش خليه يفك عن نفسه شويه
رحيم / لا ممكن يعور نفسه انا طالعله رحمه كلمى مصطفى خليه يجيب هو العيال مش هيفع انزل
رحمه / حاضر
.....................
قدام شقه عماد
رحيم يخبط
عماد / قولت سبونى لوحدى
رحيم / طب افتحلى اكسر معاك طيب
عماد يفتحله بالفانله عالجينز رحيم يلاقى الارض كلها ازاز و كل الانتيكات مكسره و البرواز بتاع فرحهم مكسور و الصوره اللى جواه متقطعه و ايد عماد كلها دم عماد يبص لفوق يلاقى امل واقفه اول متشوفه تتدارى يدخل و يقفل الباب
رحيم / انت بتعمل ايه يابنى
عماد يمسك كرسى السفره يخبطه فى النيش ينزله كله فتافيت و هو بيصرخ
رحيم / بس بقى بس اهدى ورينى ايدك
عماد / انا كويس اوعى كدا ابعد عنى
رحيم / الحمد لله ان رحمه فتحت الباب و هربتها كان زمانك فى السجن دلوقت
عماد / بص حواليك هو ده مش سجن مش قبر هى عارفه ان ابنى هو ايدى اللى بتوجعنى و هتلويهالى لا انا هندمها والله لربيها
رحيم / ماشى بس تعال اغسل ايدك الاول
......................
