((((((مفيش رحمه ٢))))))
#لولو_محمد
الحلقه ٢٢
امل / لا هو لعب عيال تقصد ايه بانهى بحر هو فى كام بحر
عماد / انتى لسه بتدعى عليا يا امل
امل تنزل من عالكرسى و تمشى عماد ينط عندها
امل / انت بتعمل ايه افرض حد شافك هيقول ايه
عماد / جاوبى و انا همشى
امل / مانا قولتلك قبل كدا انى عمرى مدعيت عليك عمرى مقدرت ارتحت يلا اتفضل امشى
عماد / احلفى
امل / والله و رحمه بابا اللى مشوفتوش و حياه امى و غلاوه امينه حاجه تانى
عماد / تصبحى على خير
......................
تانى يوم
امينه / يا امل انتى ياختى اصحى انا سبتك للاخر الفطار اتحط قومى
امل / مش جعانه سبينى
امينه / هيروحوا البحر هتروحى طيب
امل / يووووه لا سبينى بقى
امينه / براحتك انا نازله
امينه تنزل تحت
رحيم / ايه مصحيتش برده
رحمه / امال لو مكانتش نايمه من بدرى
زينب / دا لو كانت نايمه بقى
عماد يدخل هو و مصطفى و ابراهيم و يقعدوا عالسفره
عماد / امال امل فين
امينه / نايمه و مش عاوزه تصحى
محمود / عاوز روح بحر
رحيم / داحنا هنبلبط لما نشبع انت لبست الميوه
محمود / اه
رحمه / طب ناكل بقى عشان نعرف نعوم
.....................
فى البحر
زينب و اميره قاعدين عالشط و ادم و محمود نايمين على رجليهم
زينب / طلعت بدرى ليه
عماد / الموج عالى فرهدنى
زينب / الله يرحم اما كنت بتقول البحر يعنى موج
عماد / هاتيه اما اروح احميه و ننام سوا شويه على متروحوا نقدر نكمل لبليل
اميره / لو جعان ابقى خلى امل تغرفلك هى عملت الغدى
عماد / شكرا
عماد يمشى و ياخد محمود على كتفه و يغطيه ببشكير
زينب / طب بزمتك متكسفتيش لو للحظه مالكلمه دى
اميره / كلمه ايه
زينب / ولا حاجه صحيح اللى اختشوا ماتوا
اميره / انتى بتقولى ايه يا زينب
زينب / مبقولش ياختى ميه مالحه ووشوش كالحه
اميره / هتفضلى تبرطمى بامثالك دى كتير بصى انتى لو كنتى عندك ذره جراءه كنتى كلمتنينى فوشى بس انتى هتفضلى طول عمرك تضربى من تحت لتحت و تستخبى
زينب / دى مين دى انا انا اللى بترمى عالرجاله و برمى بنتى على عيالهم انا خرابه البيوت انا
محمد و ابراهيم يطلعوا مالميه
محمد / الموج عالى جدا فعلا هو عماد روح و لا ايه
زينب / اه راح يقعد مع امل شويه
اميره/ انا مسمحلكيش بقى
محمد / زينب
زينب / خد ادم انا نازله الميه مع رحيم الشط خنيق
زينب تنزل
اميره / ينفع كدا
محمد / حقك عليا انا معلش انا ليا كلام تانى معاها
...................
فى الشقه
امل واقفه فى البلكونه تشوف عماد و محمود جايين تجرى تفتح باب الشقه و تستنى الاسانسير يطلع و يتفتح
امل / فى ايه روحتوا بدرى ليه ماله محمود
عماد / محمود كويس نايم انا هدخل احميه و انيمه
امل / لو جعان الاكل جاهز
عماد / ماشى تسلم ايدك
امل /لما تخلص رنلى اجيبهولك سخن
عماد / شكرا
...................
فى البلكونه بعد شويه كتبير
امل قاعده بتلعب فى الموبايل عماد يروح يقف فى البلكونه التانيه و فى ايده الشاى
عماد / تسلم ايدك
امل تقوم تقف قدامه
امل / الف هنا
عماد / مجيتيش ليه البحر
امل / انهى فيهم
عماد / هههههههههههههههههههههههههه هما كام بحر
امل / قولى انت
عماد / اللى قدامى اتنين
امل / اللى قدامى اتنين
عماد / طب البحر اللى هناك ده واحد و التانى ايه
امل / قول انت
عماد / لا مش هقول
امل / خلاص نبعتها رسايل عالموبايل ايه رايك
عماد / ماشى
عماد يطلع موبايله و يكتب و امل تكتب
عماد / ابعتى
امل / نبعت فى وقت واحد تلاته اتنين واحد دوس
عماد يدوس امل تدحك و متدوسش توصلها رساله
عماد / انتى بتخمى
امل تدخل تقرا الرساله
امل / عنيكى
امل تطلع تانى و تمسك الموبايل و توجهه لعماد يبتسم
عماد / انا مخاصمك
امل / هو انا مبصعبش عليك
عماد وشه يقلب جد
امل / بتعمل معايا كدا ليه يا عماد
عماد / بعمل ايه
امل / انت عارف اسلوبك ده نظرتك دى حركاتك دى
عماد / مالهم
امل / ملهمش عن اذنك
............................
عماد / استنى مالهم
امل تلفله / انت عاوز ايه عاوزنى احبك تانى عشان تجرحنى تانى شايف لسه فيا حمل لجرح
عماد / مش يمكن
امل / ميمكنش ارجوك يا عماد انا فضلت طول الليل سهرانه بسببك .....تانى..... مش عاوزه احبك تانى
عماد / ليه
امل / عشان هتجرحنى تانى عشان انت
عماد / انا قولت بحبك لبنتين فى حياتى و المرتين كنت فاهم مشاعرى غلط واحده الاتنين محبتهومش و الاتنين غالبا محبونيش بس احساسى نحيتك مختلف
امل تدمع
عماد / انا مش عارف هو حب و لا صداقه و لا ايه بس اللى اعرفه انك من يوم مرجعتى و فى حاجه مش مظبوطه جوايا مهتم بيكى بشكل مش عادى مش قادر اشيلك من دماغى حاجات وغلاوه ابنى اول مره احس بيها محستهاش قبل كدا حتى معاكى
امل / متعملش فيا كدا متقوليش كلام زى ده
عماد / انتى كمان محبتنيش انتى متعرفيش عماد الصياد انتى عرفتى عماد الصياد
امل تبص باستغراب
عماد / هههههههههههههه التانيه عماد اللى بيصطاد فهمتى
امل تهز راسها
عماد / عماد اللى الحقيقه مبذلش معاكى اى مجهود كان باين عليكى اوى انك معجبه بيا و انا وقتها كنت فاضى انا اسف انى بقول الكلام ده بس والله مش فخور بيه
امل تبتسم بسخريه
عماد / انتى متعرفيش عماد الحقيقى طول الوقت كنتى بتتكلمى عن عماد اللى فخيالك و انا بدحك لانى عارف انى مش كدا انا مش رومانسى بهبل و مش بعيط و انا بتفرج على فيلم حبيبى دائما و تيتانيك انا مش ده انتى رسمتى صوره و صدقتيها و لو كانت كملت كنتى هتفوقى على اصعب كابوس عشان كدا انا نهيتها لانى كنت بحس انك بتتكلمى عن واحد غيرى
امل تبص فى الارض
عماد / لو هتحبينى تانى يبقى على الاقل حبى عماد ده الواد اللى بيعشق القهوه و الكوره و بيشجع برشلونه مع انه بيكره ميسى اللى اغلى حاجه عنده بعد مكانت موبايله بقت ابنه متحبنيش عشان بعرف اقول كلام حلو و بسبل بعنيا حبينى عشان انا.....
امل / انت ايه
عماد / مش عارف
امل / جم مالبحر اسمع خلينا اصدقاء حاول تحافظ عالمسافه دى بينا لحد متعرف انت ايه و اشوف انا هحبك تانى و لا هحب ميسى
عماد يبتسم
.......................
فى شقه زينب فى مصر بعد فتره
عبير / انا تعبت اعمل ايه مانا رايحه جايه قدامك اهو و كل مره ادخل المعرض اسلم عليه يقابلنى بالوش الخشب و الاقى بنت الجزمه دى بتدحك معاه
زينب / انا هقولك ايه دانا طلعت روحى كل يوم اقوله تعالى اتغدى معايا يا عماد يقولى شبعان اتارى بنت الجزمه دى بتاخدله اكل فى المعرض تحت و امبارح خدها هى و محمود و عزمهم عالاكل بره انا عندى يتجوز عقربه و لا انه يتجوز البت دى
عبير / انا قولت محدش صدقنى انا قولت انها بترسم على ده فاكره
زينب / فاكره امها فاكره انها لما تجوز عماد لامل هتبت رجلها فى البيت اكتر
عبير / و العمل
زينب / معرفش انا مبشوفهمش سوا خالص فى البيت بس اهى قدامه طول الوقت فى المعرض و محمد لما بكلمه بيقولى انهم زمايل شغل و لما بقوله ازاى بتخرج معاهم يقولى سيبيه هو مش عيل
عبير / بس انا مش هسكت
زينب / هتعملى ايه
عبير / هتشوفى عن اذنك انا نازلاله
زينب / عبير
عبير / نعم
زينب / ابعديها عنه باى تمن
عبير تهز راسها و تنزل
............................
فى المعرض
امل / هههههههههههههههههههههههه و قومت مالنوم عادى
عماد / طبعا قومت جرى و فضلت اللعب معاه للصبح و هو نام تانى ههههههههههههههههههه نزلته لماما نايم
امل / ربنا يخليهولك
عماد / محمود ده روحى تخيلى كدا تصحى على دحكه حلوه اوى كدا عالصبح
امل تبص فى الارض
عماد / مالك يا بنتى فى ايه
امل / انا كل علاقتى بابويا صوره ليه معايا مشوفتوش حتى ماما عانتلى الصوره دى عشان اعرف شكله لما اكبر
عماد / الله يرحمه
امل / بس اكيد كان هيحبنى زى مبتحب محمود
عماد / اكيد
امل / ايه النكد ده بقولك ايه النهرده تعزمنى على ايسكريم
عماد / بس كدا هاخدك انتى و محمود و نروح الملاهى لو عاوزه ايه رايك بقى
امل / شكرا
عماد / على ايه
امل / ولا حاجه متاخدش فى بالك
عبير تفتح الباب و تدخل
امل / عن اذنكوا
عماد / خليكى
عبير / بجد لا برافو بالسرعه دى ماشى مش مشكله بص يا عماد انا حكايه انى اشوف ابنى فبيتكوا دى و فوجود مامتك مش عجبانى
عماد / و المطلوب
عبير / انا عاوزه الواد تلت ايام عندى و تلاته عندك و الجمعه اسبوع و اسبوع زى مباباك ممشيها مع مامتك
عماد / اسف انا مقدرش انام غير و هو فحضنى
عبير / خلاص انا اسفه يا عماد انا هطلع من هنا عالمحامى و ارفع قضيه و اخده منك بالقانون و خليك فاكر انى جيتلك بالزوق و انت رفضت
عماد / انتى اتجننتى و لا ايه واد مين ده اللى تاخديه دانا اولعها حريقه
عبير / هتعمل ايه قولى هتعمل ايه الواد تلت سنين و هاخده بالقانون هاخده انا عندى شقه و شغل و مش ناقصنى حاجه
عماد / لا يا شيخه بلاش تضطرينى اعمل معاكى حاجات مش كويسه هتندمى
عبير / متهددنيش يا عماد انت متقدرش تعملى حاجه هتقول ايه كنت بتكلم مع حد فى التليفون اثبت معاك قايمه بالمكالمات اللى كنت عملاها معاك اى دليل
عماد يتعدل فوقفته و يرفع حاجبه
عبير / الناس كلها هتقول انك بتشوه صورتى و بعدين مكفايه عليك امل مهى معاك طول الوقت و لا انت فاكرنى مش واخده بالى ولا ايه و انا مش هسمح لابنى يتربى فى حضن واحده زى دى
امل / انا مفيش حاجه بينى و بين عماد اصلا
عبير / ميهمنيش هو معدتش يلزمنى خلاص
عماد / اغزى الشيطان يا عبير بلاش تشترى عداوتى
عبير / انا جيت و بلغتك و اعمل اللى انت عاوزه بقى
عبير تمشى و امل تبص لعماد
امل / هتعمل ايه
عماد / هطلع عالمحامى
امل / اجى معاك
عماد / لا خليكى فى المعرض
......................
فى شقه رحيم
رحيم/ يعنى ايه هتاخده
عماد / انا هتجنن المحامى اصلا لما حكيتله قالى ازاى تسلمها الطفل منغير متمضيها على تنازل عن
الحضانه
رحيم / ادى اخره الطيبه
عماد / لا و ايه شركه التليفونات بتطلع السجل لشهر واحد بس انا اتصلت بيهم و سالت
رحيم / كملت و هتعمل ايه
عماد / انا تعبت بجد عقلى اتشل انا قولت كل حاجه هديت اخيرا و هرتاح
رحيم / اكيد لها حل احنا ممكن نخلى رحمه او ماما يروحولها يعقلوها و يتكلموا مع امها
عماد / حاجه قرف يا جدع انا تعبت
رحيم / كبر مخك و اطلع ارتاح
عماد / ارتاح ازاى يا رحيم بقولك هتاخد الواد هتاخد محمود تانى اعمل ايه يا اخى
رحيم / اهدى هنلاقى حل اهدى
......................
فى البيت عند عماد بالليل
عماد قاعد جنب محمود و هو نايم تليفونه يرن فى الصاله يقوم يرد
عماد / الو ايوه يا امل
امل / انا اسفه انى بتصل بيك دلوقت بس انت لما رجعت مكلمتنيش و لا قولتلى عملت ايه
عماد / انا مش عارف اقولك ايه هتاخد محمود
امل / الله طب هو مش كان فى بينكوا اتفاق
عماد / مش عارف اعمل ايه المحامى مطمنيش الصراحه
امل / متشوف واحد غيره شوف محامى عقر من بتوع القواضى الصعبه
عماد / هى بتلويلى دراعى شوفتيها و هى بتقولى اثبت شوفتى كانت بتكلمنى بثقه ازاى نيمتنى و لعبتها صح بس تبقى تورينى
امل / انا مش عارفه اقولك ايه بص خش نام و بكره ربنا يسهل باذن الله
............................
فى شقه عبير
عبير قاعده عاللاب بتكلم طارق
طارق / انا بجد اسف اوى على اللى حصل
عبير / بص هى كانت تلكيكه اصلا و صدقنى لولا الولد مكنش عبرنى المره اللى فاتت
طارق / انا شوفته فى العياده ده انسان مش طبيعى ابدا
عبير/ انا اسفه اوى على اللى عمله معاك انا مكنتش متخيله انه مجنون اوى كدا
طارق / هو برده معزور هو مش فاهم
عبير / انت مشوفتش الطريقه اللى عاملنى بيها الحمد لله ان رحمه هربتنى مالبيت الله اعلم كان عمل فيا ايه دا محاولش حتى يسمعنى هو سمع من الزفته دى و جه هاج عليا دا هددنى انى هتمنى الموت انت متخيل و دلوقت خد منى ابنى و بيكرهه فيا بيخليها هى اللى تربيه مكانى
طارق / اهدى بس كلو هيتحل
عبير / انا مش عارفه هو مدام كارهنى اوى كدا اتجوزنى ليه مالاول
طارق / بصى انا لازم اقفل ايناس صحيت هروح اشوفها لو محتاجه حاجه
عبير / اوك سلام
.............................
فى الكليه
رحمه / انتوا اتفقتوا ازاى ترجعى فى كلامك
عبير / انا مرجعتش هو اللى رجع انا بشوفه مره فىا الاسبوع مينفعش احنا كنا متفقين هشوفه وقت مانا عاوزه كل مروح الاقيه واخده و خارج او مسافر معاه او لازم اتصل احدد معاد و حتى لما بحدد بيفضل مسهره طول الليل و اروح الاقيه نايم و معرفش اقعد معاه
رحمه / انتى شايفه كدا
عبير/ يابنتى انا مبطلبش اكتر من حقى و بعدين مربنا يكرمه بقى مع عروسته الجديده
رحمه / تانى حوار امل ده
عبير / على فكره ماما زينب قالتلى كل حاجه قالتلى انها لزقاله طول الوقت و قالتلى بتعمل عشان تصيده ايه
رحمه / انتى عارفه طنط و خصوصا ان امل تبقى بنت طنط اميره و انهم ضراير و كدا
عبير / انا مطلبتش غير حقى يا سيدى بدل شويه هاته حبه و تعال انت اتشحطت عشان تشوفه
رحمه / و اخرتها
عبير / انا خلاص قولت للمحامى و نمشيها قانونى بقى
رحمه / بقى كدا دا اخر كلام عندك
عبير / بقولك ايه يا رحمه احنا زمايل فى الشغل بلاش تخلى المسائل العائليه دى تدخل بنا انتى اعقل من رحيم بلاش الافوره دى
رحمه / رحيم مش مافور رحيم زعلان عشان اخوه و ده حقه
عبير / و هو مش اخوكى
رحمه / اخويا و زعلانه عليه و زعلانه على محمود اوى و مخنوقه عشانك بس اعمل ايه
عبير / كبرى دماغك
رحمه / انا هقوم عن اذنك
...........................
قبل جلسه المحكمه بيومين
فى بيت عبير الباب يخبط هاله تروح تفتح تلاقى امل
هاله / افندم
امل / عبير موجوده
هاله / عاوزه منها ايه تانى خير مش كفايه خربتى عليها ليكى عين تيجى لحد هنا
عبير تطلع مالاوضه
عبير / مين امل اهلا وسهلا خير
امل / ممكن ادخل
عبير / اتفضلى اقعدى
امل تقعد
عبير / حاجه ساقعه للضيفه يا ماما
امل / ملوش لزوم انا جاى اقولك ان اللى بتعمليه ده غلط يا عبير عماد محرمكيش من ابنك و انتى عارفه اسلوبك معاه لما اتخانقتوا هو اللى خوفه منك
عبير / انتى جايه تطلبى منى انى اتنازل عن القضيه و اسيبله ابنى هو بعتك و لا انتى جايه من نفسك
امل / عماد ميعرفش انى جيالك
عبير / لا برافوا عليكى حقيقى افحمتينى بس انتى طلعتى شاطره اوى يا امل اشطر من امك
امل / عبير من فضلك انا جايه
عبير / جايه ليه بقى عرفتى ان محمود هو ايد عماد اللى بتوجعه و انى بهدد خطتك ايه مطلعتيش شاطره زى مكنتى فاكره و قدرتى تاخديه
امل /عبير فوقى انا مخدتش منك عماد انتى اللى سبتيه لما مقدرتيش قيمته و لعلمك انا مقولتش لعماد حاجه عن حوارتكوا عالفيس
عبير / كفايه اوى حوار التليفون و بعدين حلال عليكى انا طول عمرى كريمه و بدى اللى يفيض عنى للغلابه
امل / كتر خيرك بصى يا عبير انا جايه اشوف اخرك انتى بتعملى كدا ليه عشان ترجعى لعماد
عبير / ارجع لعماد ايه يابنتى انسى دا حتى لو حصل مش هيجيب همه
امل / عاوزه كام و تمضى تنازل عن الحضانه
عبير / ايه ده علاطول كدا
امل / انا عرفاكى انتى مفكرتيش فى حاجه غير الدهب و لما اطمنتى انك هتحتفظى بالفلوس سبتى الواد و انتى عارفه انك هترجعى تساومى عليه دلوقت وقت المساومه عاوزه كام
عبير / و يا ترى انتى اللى هتدفعى و لا عماد
امل / يفرق فى ايه
عبير / لا يفرق اوى سورى يعنى انتى حلتك ايه تساومى عليه يا بنت اميره
امل / انا برده بنت الحج صالح سند و لو متسمعيش عنه انزلى اسكندريه و الف من يدلك
عبير / ماشى مليون كويس
امل / مليون جنيه
عبير / كتير على حبيب القلب مليون جنيه عشان ترجعيله ابنه
.............................
