((((((مفيش رحمه ٢))))))))
#لولو_محمد
الحلقه ٣٣
امل / اللى واخد عقلك
عماد / عبير وقعت بين منه و سمير بس هو عاقل مداهاش فرصه و الموضوع اتلم فيوميها
امل / و هى مالها بيهم اصلا
عماد / اهو شافتهم فى الفرح بخت سمها لسمير و مشيت
امل / اقولك حاجه و تصدقنى
عماد / قولى يا ست البنات
امل / حساها لسه بتحبك
عماد / عرفتى ان عبير حامل
........................
امل / الف مبروك بس دا ايه علاقته
عماد / انتى طيبه اوى يا امل
امل / لا بجد هى اتجوزت عشان تغيظك و كل الحركات القرعه دى
عماد / هى بتكرهنى و بتحاول تدمرنى
امل / دا معناه انك لسه فبالها لو مكنتش فى دماغها كانت نسيتك و عاشت
عماد / غلطه عمرى ضيعت كل اللى بنيته فى سنين و ادينى اهو ببدء من تحت الصفر
امل / انا جنبك
عماد يبوس ايدها
عماد / و ده اللى مصبرنى
امل / ساعات بحس ان اكيد كل حاجه كانت هتتغير لو مكنش احمد اخويا عمل معايا كدا
عماد / ايه اللى جاب سيره اخوكى دلوقت
امل / انا ليا عنده حق
عماد / هى امينه بتفكر زيك فى ورثها من ابوها
امل / احنا منعرفش اصلا ان كان ابوها عايش و لا ميت
عماد يبص لامل
امل / هو نفسه مسالش عنها و لا مره هى نسيت ان ليها اب اعتبرته ميت قالت انه حتى لو عايش مش عوزاه بس انا ابويا مرمانيش ابويا كان عاوزنى
عماد / اعملى زيها و انسى هو انا مش مكفيكى
امل / لا طبعا مكفينى انت عندى بالدنيا بس انا نفسى اساعدك مش عوزاك تشيل الهم
عماد / شيل الهم مش اختصاصك و مش هشيلهولك معايا انا عارف انا بعمل ايه فتره و هتعدى صدقينى و الوضع هيتحسن
امل / بس انت محتاج فلوس يا عماد ورثى اكيد كان هيساعدك
عماد يتعدل فى قعدته
امل / ايه قولت حاجه غلط ورثى و حقى و حقك و حق عيالنا اللى بكره ربنا يرزقنا بيهم
عماد / و لو مكنتش عاوزه
امل / انا عوزاه
عماد / احنا بقالنا قد ايه متجوزين
امل / ايه زهقت منى
عماد / ابدا
امل/ انا بحبك يا عماد ربنا يشهد ان المشاعر اللى حستها نحيتك عمرى محستها ناحيه اى حد تانى و رحمه ابويا اللى عمرى مشوفته غير فى خيالى و احلامى و غلاوتك عندى يا عماد انا مش عاوزه فى الدنيا غير رضاك عنى و راحتك
عماد / لو عاوزه راحتى متفتحيش موضوع الورث ده تانى عشان حتى لو ربنا قدرنى و جبته انا مش هاخد منه جنيه انا عمرى مخدت من مرتب عبير جنيه بالعكس كان ليها مصروف ايدها منى فوق مرتبها و مخلتهاش تحط جنيه فى البيت و لا عالواد مرتبها كانت بتحوشه كله
امل / الظروف اختلفت
عماد / لا مختلفتش انا لسه راجل زى مانا و اقدر اتكفل ببيتى
عماد يقوم من عالاكل و امل تجرى وراه
امل / انا اسفه خلاص هغير الموضوع كمل اكلك
عماد / شبعت انا نازل رايح كام مشوار و هتاخر متستنينش
عماد ياخد مفاتيحه و موبايله و ينزل و امل واقفه تبص عليه
...........................
فى الكليه
رحمه / ايه فكرانا مش هنعرف
عبير / هو انا كدبت فى حاجه
رحمه / انا مش قادره اصدق ان انا كنت فيوم من الايام بحترمك على فكره
عبير / سعات كتير بفكر ايه اللى كان هيحصل لو مكنتش ساعدتك
رحمه / عادى مانتى بوظتى مشروع اللهام قبل كدا و لا انتى فكرانا مش عارفين
عبير / انا مبوظتش مشروعها انا اتكعبلت هى بقى تفتكر اللى تفتكره
رحمه / بصى يا عبير حاولى تحافظى على بواقى صورتك فى عنينا ماشى
عبير / صورتى فى عنيكوا متفرقش معايا
رحمه / على الاقل فى عنين ابنك لما يكبر و يسمع الكلام ده عن امه
عبير / امه اللى ابوه بيعتبرها خاينه مع انها مخانتوش بس هو بيتلككلها عشان يطلقها و يتجوز غيرها صح بلاش تكلمينى عن المبادئ عشان انا اتعلمت القرف ده منكوا و مالعيشه وسطكوا و فوقى يا رحمه انتوا مش ملايكه و لا انا شيطانه عن اذنك
.....................
فى شقه رحيم بعد فتره
رحيم فاتح اللاب و قاعد بيشتغل رحمه تدخل بصينيه شاى و ساندوتشات و تقعد جنبه
رحيم / تسلم ايدك يا قلبى
رحمه / الف هنا يا قلبى ايه الاخبار محتاج اى مساعده
رحيم / تسلمى يا ست الكل مستغناش عنك ابدا انا مش عارف منغيرك كنت عملت ايه عقبالك
رحمه / خلص انت بس و باذن الله انا بعدك علاطول
رحيم / باذن الله يا قلبى اول مناقش هاخدك و نطلع اجازه فى اى حته فى الدنيا و افسحك فسحه محصلتش عشان لما نرجع هشد انا و انتى شده جامده فى رسالتك
رحمه / باذن الله عوزاك ترفع راسى
................
فى شقه زينب بعد فتره
امل بترص السفره و زينب بتزعرط و اميره و امينه طالعين مالمطبخ شايلين صوانى
محمد / عقبالك يا رحمه يا بنتى
رحمه / ربنا يخليك يا عموا
عماد / النهرده فرحتنا متقدرش يا دكتور
رحيم / من بقك لباب السما
مصطفى / من يومه موس ابن الايه بس اول مره تسبق رحمه فى حاجه
رحمه / انا اللى سبته يسبقنى على فكره
رحيم / الله يعينها البيت و الاولاد و الكليه و انا دا كفايا انا
رحمه / ربنا يخليك ليا
امل / الاكل اتحط
رحيم / ايه دا كلو انتوا عزمين قريش
زينب / ياخى سمى انت هتعد
عماد / بسم الله
امل تيجى تقعد
زينب / معلش يا امل تجبيلى الدوا بتاعى من جوه اللى قبل الاكل لحسن نسيت اخده
امل / حاضر يا ماما
زينب / كل يا عماد كل يا حبيبى دانا حاشيه الحمام باديا
رحيم / لا تسلم ايدك يا ست الكل بصراحه الواحد بقاله ياما هفتان
محمد / انا زعلان من ابوك يا مصطفى ازاى ميجيش يوم زى ده
مصطفى / معلش يا عموا اصله معزوم بره
امينه / سمير عازمهم
مصطفى يبص لامينه
امينه / ايه هتخبى على بابا سمير مش عاوز يجى هنا و منع منه كمان و عمل عزومه النهرده مخصوص عشان منجيش
مصطفى / كانت صدفه انا نسيت اكد عليه المعاد
امينه / ماشى حقك عليا
اميره / خلاص حصل خير اهدى على جوزك عيب كدا
امل ترجع
امل / ملقتش جوه غير العلبه دى يا ماما
زينب / لا مش هى شوفيها يمكن اكون نسيتها فى المطبخ
امل / حاضر
امل تروح المطبخ
زينب / كل الحمامه دى يا مصطفى يا حبيبى انت عريس جديد و لازم تتقوت
مصطفى / مانا قدامى يا طنط
زينب / كل كمان متعزمى على جوزك يا امينه
امينه / هو مش غريب
زينب / على رايك دا هو اللى يعزم عليكى
امل ترجع
امل / ملقتش حاجه يا ماما
زينب / الله امال انا حطيتها فين يمكن خلصت اقعدى كلى بقى
امل تقعد و طبقها فاضى عماد يفضى نص طبقه فى طبقها و يبتسملها و زينب متابعه تبص الناحيه التانيه
زينب / الدور عليكى يا رحمه بقى العزومه الجايه عشانك شكلك هيبقى وحش اوى لو اتاخرتى عن كدا
رحيم / لا باذن الله هتخلص علاطول انا اللى كنت معطلها
رحمه / باذن الله
........................
بعد الاكل مصطفى و رحيم و عماد فى البلكونه و رحمه و امينه مع العيال فى الاوضه جوه و محمد و زينب و اميره و عماد فى الصاله امل جايبه صينيه الشاى تحطها و لسه هتقعد
زينب / اعزمى على عمك
امل تاخد الكوبيات و توزعها على اصحابها و لسه هتقعد
زينب / هى المواعين كتير فى المطبخ يا امل اصل ضهرى واجعنى من حشو الحمام و مش هقدر اعملها
امل / و لا يهمك انا هعملهالك
زينب / لا مش عاوزه اتعبك
امل / تعبك راحه يا ماما عن اذنكوا
امل تدخل المطبخ
محمد / ليه كدا يا زينب
زينب / هى اللى اصرت
......................
فى المطبخ
عماد / حاسبى للسكر يبوش فى الميه
امل / ههههههههههههههههه قديمه غير بقى
عماد / معلش بقى حكم السن
امل / حجتين كل متكبر تغلى
عماد / يا شيخه
امل / البرفان و الخمره و انت بالنسبالى خمره بتسطلنى
عماد / ههههههههههههههههههههههههههههههههه ملعوبه حاسبى اساعدك
امل / لا لحسن تغرق نفسك
عماد / يا ستى مفيهاش صبنى و انا اغسل
امل / انا مش زعلانه منها الله يعينها برده دى قد امى
امينه تدخل
امينه / الحب اللى ولع فى ال.... مواعين
امينه تبص لعماد
عماد / ايه اول مره تشوفى واحد بيشطف اطباق
امينه / عنك انا هساعدها
عماد / انا اولى بمراتى منك روحى يلا اقعدى مع جوزك بدل ميشوفله شوفه غيرك
امينه / عمره انا اصلا ماليه عينه جدا
عماد / يا شيخه و لا اكمن مفيش بنات هنا مطمنه
امينه / ظريف وسع خلينى اساعدها
امل / يا جماعه مش هتاخد حاجه روحوا انتوا الاتنين بره انا هخلص
عماد و امينه يزقوا بعض صينيه كاسات تقع تتكسر كلها زينب تدخل جرى
امل / حصل خير انا هنضفها
زينب / هو ايه اللى حصل خير شويه مواعين مش عارفه تعمليهم انتى عارفه الطقم اللى انكسر ده بكام
عماد / انا اللى كسرته و هجيبلك غيره
زينب / دا ردك على امك
محمد / حصل خير يا زينب كلو يطلع بدل ميتعور و حد يلم الازاز ده
امل /بتلم الازاز
زينب / حاسبى ياختى لتتعورى و ابقى انا السبب
امل / فداكى يا ست الكل
زينب تمشى
امينه / مشورتها عشان متخليهاش تاكل و كمان غسلتها المواعين و ياريت عاجب
عماد يبص لامينه
امينه / ايه انا ماشيه
امينه تمشى
امل / حقك عليا متزعلش منها
عماد / مش زعلان اوعى اساعدك خلينا نطلع بقى هو محمود فين
امل / نايم جوه مع رحمه
.....................................
فى شقه عماد
عماد / انا مش عاوزك تزعلى ماللى حصل هو ماما طبعها كدا
امل / بص يا عماد طول مانت كويس معايا انا ممكن استحمل اى حاجه فى الدنيا و تبقى على قلبى زى العسل
عماد / تسلمى يا اصيله
امل / عرفت ان رحيم و رحمه حاجزين باريس اسبوعين
عماد / اه
امل / يستاهلوا والله كل خير انت روحت باريس قبل كدا يا عماد
عماد / اه و انا صغير روحتها صياعه بس ملهاش طعم منغير مزه حلوه زيك
امل / ههههههههههههههههههههههه انا عمرى مروحتها
عماد/ الظروف بس تتحسن و انا هوديكى باذن الله
امل / باذن الله
امل تظهر على وشها علامات خيبه الامل و تقوم
.............................
فى المطار
عماد / تروح و تيجى بالسلامه
رحيم / الله يسلمك متاكد مش عاوز حاجه من هناك
عماد / ياعم انا عماد مش ناقصنى حاجه بس لو لقيت حاجه حلوه لمحمود او امل هات و هحاسبك
رحيم / تحاسب مين يا شحات انت لاقى تاكل ههههههههههههههههههههههههههههه يلا ياض بينادونا سلام
عماد / سلام
............................
فى شقه عماد
امل مشغله اغانى و بترقص هى و محمود الصغير عماد يفتح الباب محمود يجرى عليه يشيله امل تروح تشده يرقص معاهم يهز راسه لا و ينزل محمود و يدخل يفرد ضهره عالسرير امل تطفى الاغانى و تدخل وراه جرى
امل / مالك يا بنى فى ايه دانا قولت اعملك جو
عماد / ضهرى واجعنى شويه معلش
امل / طب لف هدعكهولك
عماد / لا هو هيفك لوحده سبيه
امل / من امتى بتقول لا لحاجه زى دى فى ايه يا عمده
عماد / مفيش يا امل مرهق تعبان
امل / طب هسيبك ترتاح تعال يا حوده بره
عماد يمسك ايدها
عماد / كان نفسك تسافرى
امل / هههههههههههههه هو ده بقى اللى مدايقك يا سيدى بكره نسافر و نلف الدنيا
عماد / كان نفسك تسافرى
امل / لا
عماد / كان نفسك تسافرى
امل / اه كان نفسى بس عادى لعله خير بص انا
عماد / فى طلبيه هتتسلم اخر الشهر الجاى ليا فيها كومشن حلوه
امل / ربنا يرزقك كمان و كمان
عماد / هى مش هتطلعنا باريس اكيد بس ممكن نسافر شرم مثلا ايه رايك
امل / انت مش كنت ناوى تشترى شهادات استثمار بيها عشان ميتصرفوش و تكسر قرش
عماد / مخنوق و عاوز اغير جو
امل تفتح الدولاب و تطلع علبه الدهب بتاعتها و تفتحها و تطلع كيسه و تديها لعماد
عماد / ايه ده
امل / حصالتى هههههههههههههه تحويشه العمر ستاشر الف و تلتميه و خمسين هههههههههه
عماد / اعمل بيهم ايه يعنى
امل / اشترى الشهادات او حطهم فى البنك او شغلهم فى اى حاجه
عماد / ماشى بكره نروح لمصطفى افتحلك حساب
امل / حساب ايه مانا عندى حساب
عماد / حساب ايه
امل / حسابك انا و انت واحد خدهم بدل مهم فى الدولاب عالفاضى
عماد / احنا اتكلمنا فى الموضوع ده فلوسك بتاعتك انا مش همد ايدى عليها
امل / انت ليه عامل بينى و بينك تكليف يا عماد انت مخنوق عشان معكش فلوس و انا عارفه فلوس اهى انا عارفهم انهم مش مبلغ يعنى بس اهو
عماد / انتى ليه مصره تجرحى فيا
امل / انا يا عماد
عماد / كلكوا هو محدش حاسس ان انا اللى شايل البيت ده
امل / يا حبيبى
عماد / تعبى انا هو اللى بياكل العيله دى وقفتى و مشورتى طول الوقت من معرض لمعرض لمخزن لورشه دانا بقفل الحسابات و انا نايم
امل / ههههههههههههه الله يعينك
عماد / و فى الاخر خدت ايه ها قوليلى خدت ايه
امل / خدت كتير
عماد / انا ايه اللى بقوله ده من امتى بفكر كدا
امل / انت بس مخنوق بكره تدحك عالكلام ده
عماد / انا بكره هسافر اسكندريه تيجى معايا
امل / بكره يوم عبير هتاخد محمود
عماد ينفخ
امل / بس انا ممكن اجى معاك و نرجع تانى يوم الصبح ايه رايك
عماد / انا بتغير للاسوء
امل / انك تحس انك وحش دا فى حد ذاته حلو لان الوحش مبيحسش
عماد / ماشى ياختى قومى اعمليلى حاجه اكولها
امل / طب هنروح بكره اسكندريه و لا رجعت فى كلامك
عماد / ههههههههههههههه هنروح
..........................
فى اسكندريه
امل بتصلى عماد يدخل الاوضه
عماد / الموبايل فصل معاكى رقم مامه عبير ... بتصلى ادعيلى
عماد يمسك موبايل امل و يكتب ه يطلعله هشام و تحته هاله يبص على عبير و هى بتصلى و يفتح الاسم و يشوف السجل بنهم امل تسلم
امل / اه معايا اسمها هاله مامه عبير لقيته
عماد / لقيته
امل / كنت عاوزها ليه
عماد / هقولها متبعتش حد ياخد محمود لاننا هنا يعنى
امل / كويس برده
عماد / متعرفيش اخبار هشام ايه
امل / و انا اعرف اخباره منين انا اخر مره شوفته فى الفرح انت نسيت و لا ايه
عماد / اه اه افتكرت
امل / انت ايه اللى فكرك بيه
عماد يوريها الموبايل امل تتنهد
امل / امسحه انا مش عارفه ممسحتوش ليه اصلا هتفرق فى ايه انا كدا كدا حفظاها
عماد يديها الموبايل و يقوم يطلع بره امل تطلع وراه
امل / انت زعلت منى
عماد / ازعل ليه
امل / عشان نمرته يعنى انا والله مكلمتوش
عماد / بصى يا امل انا مبدورش وراكى ومش هاخدك بذنب غيرك فاعزرينى دى رده فعل و هتروح لحالها استحملينى لو سمحتى
امل / انت سخن استحمل مين دانت قلبى
......................
فى مصر بعد فتره
زينب / الكوليه تحفه يا رحيم يا حبيبى ميرسى كتير
رحيم / زوق رحمه
امل / انبسطتوا
رحمه / جدااااااااا بجد المكان هناك جو تانى خالص بجد لازم تروحوا
عماد / ان شاء الله
رحيم / و دى بقى الشنطه بتاعتكوا شويه هدوم لحوده على برفانات ليك و لامل
امل / ميرسى تعبت نفسك
رحمه / تعب ايه يا بنتى دانتى اختى
رحيم / و دى هديه حبيب قلبى بابا جبتلك بدله جديده انما ايه تحفه بس يارب المقاس يطلع مظبوط
محمد / هتطلع ديقه عشان تاخدها انت
رحيم / بقى كدا
اميره / ههههههههههه بيهزر معاك
..................................
