((((((مفيش رحمه ٢)))))))
#لولو_محمد
الحلقه الخامسة
رحمه / هههههههههههههه اكيد
رحيم / عندنا مكرونه اسباجيتى و فراخ بانيه و سلطه خضرا و كاتشب و شيبسى
رحمه / وااااو طب مفيش حلو بقى
رحيم / ازاى بس احنا النهرده بنحتفل بمناسبه العيد القومى لمزاج سموك و ده بيديكى الحق فى انك تختارى المكان اللى يعجبك عشان نروح نتفسح فيه بعد الغدى
رحمه / لا دانا ماما دعيالى النهرده
رحيم / احنا بس عاوزين نعجب
رحمه / انت عاجبنى منغير حاجه
رحيم / طب يلا انجرى عالمطبخ اغرفى بقى انا تعبت
رحمه / هههههههههههههههههه واطى
..............
فى كافيه
بشرى بتلعب فى الكيد اريا و ادم نايم فى شنطته و رحيم و رحمه قاعدين
رحيم / انا النهرده بجد تعبت موت انتى ازاى بتعملى كل ده
رحمه / مانت برده يا حبيبى بتتعب عشانا
رحيم / لا بس مهما كان قاعد على اللاب و برسم او بعمل ديزاين مش انى اوطى و اقوم كل خطوتين بلم فى لعب و مناديل وورق و لا انى اقف على حوض المواعين انا وقفت اربعه و تلاتين دقيقه كاملين بجد دانا مكنتش بتعب فى التمرين كدا
رحمه / ههههههههههههههه طب مشغلتش الديش واشر ليه
رحيم / مانا شغلتها ياختى و المواعيد بعد نص ساعه طلعت زى الزفت برده دى اى كلام اصلا
رحمه / ازاى يا رحيم دى ايدى و رجلى انت شغلتها ازاى
رحيم / عادى حطيت الكبايات و الاطباق فى مكانها و ضغط عالزرار
رحمه / يا راجل منغير اقراص
رحيم / ايه ده مبشوفهمش بيحطوا اقراص فى الاعلان
رحمه / ههههههههههههههه معلش عدت على خير
رحيم / شايفاه نايم ازاى
رحمه / ههههههههههههههه
رحيم / لو كنا فى البيت دلوقت كان هيبقى صاحى و مفنجل
رحمه / ههههههههههههههههه معلش معلش
رحيم / ليك يوم دانت لما هتتجوز هاجى ابات عندكوا و هنام فى النص كمان
رحمه / ههههههههههههههههههههه و هتسبنى لوحدى
رحيم / هاخدك معايا
رحمه / شرير
........................
فى كافيه بعد كام يوم
منه / انا عارفه انى رخمه انا اصلى جديده فى الموقف ده
سمير / ههههههههه لا و لا رخمه و لا حاجه انتى احسن منغيرك بكتير
منه / انت مجرب بقى
سمير / دانا طلعت عينى مقابلات
منه / طب ممكن تحكيلى يعنى على الاقل اعرف انت ليه اتقدمتلى
سمير / بصى يا ستى اول واحده كنت معجب بيها من واحنا فى ثانوى كنا مع بعض فى كل الدروس و لما دخلنا الكليه كنا كابل اربع سنين و اول متخرجت روحت اتقدمتلها وش ابوها رفضنى عشان معنديش شقه
منه / بتهزر
سمير / لا والله بجد و اتجوزت ابن خالتها باين بعد التخرج بشهرين كنت انا ايامها فى الجيش والدتى بقى جابتلى عرايس بالهبل الطويله و القصيره الطخينه و الرفيعه تقريبا مسابتش بنت معديه فى الشارع الا لما جابتها
منه / هههههههههههههههههههههههههه معقول و لا واحده عجبتك
سمير / لا طبعا كان فى اكتر من واحده اول واحده عجبتنى روحت اتقدمتلها هى نص ساعه و رجعت فى كلامى
منه / ليه
سمير / تقريبا كل تلت دقايق تفتح الشنطه و تطلع المرايه و تبص فيها كنت بكلم نفسى و هى فوادى تانى خالص اممم هاه اه زهقت و قولت اذا كانت كدا من اول مره امال بعد الجواز ايه بقى
منه / و التانيه
سمير / التانيه انا تقريبا ملحقتش اسمع صوتها اول مدخلنا البيت ابوها و امها استلمونى بتقبض كام عندك شقه فين عندك عربيه نوعها ايه عندك مصادر دخل تانيه و من قبل حتى مقابل العروسه لقيتهم بيتفقوا على المؤخر و القايمه لازم تبقى زى بنت خالها امى سحبتنى من ايدى و مشينا و انا مش فاهم اى حاجه
منه / هههههههههههههههههه تصدق صعبت عليا
سمير / لا استنى التقيله
منه / احكى احكى
سمير / دى كانت واحده بنت ناس طيبين اوى الصراحه و دخلوا عليا دخله احنا شاريين راجل و انتوا ابدئوا حياتكوا سوا و ابنوها باللى تقدروا عليه و ماما كانت فرحانه اوى و كانت بتقول ان مدام هما شارين احنا كمان مش هنخلى ناقص حاجه و هوب جت العروسه و طلبت انها تقعد معايا لوحدينا و قالتلى انها مرتبطه بزميلها فى الكليه و ان باباها مش موافق عليه و اجبرها انها تحضر المقابله دى فانسحبت بمنتهى الهدوء و لما سالونى عن السبب قولت مفيش قبول
منه / طب و هى عملت ايه مع باباها
سمير / معرفش بس يا ستى و من يومها اعتزلت جواز الصالونات
منه / امال ده ايه
سمير / انا شوفتك كذا مره على فكره انا كنت موجود فى العقيقه بتاعه ادم مصطفى كان عازمنى و بصراحه عجبتنى روحك اوى و دمك الخفيف انا كنت فاكرك خاله النونو او عمته فسالت مصطفى عليكى و كان شكلى زباله لما قالى انك اخته
منه / ههههههههههههههههههههههه و بعدين عملت ايه
سمير / بصى فى الاول ارتبكت جدا و انا رايح اقوله شايف البت الحلوه اللى هناك دى
منه / ههههههههههههههههههههههههههههه
سمير / لا و مسكتش و كملت عادى دى دحكتها حلوه اوى و هو سايبنى اتكلم عادى و اول مسكت قالى دى منه اختى الصغيره
منه / ههههههههههههههههه بس واضح انك لسه عايش
سمير / لا مانا جاى اصلح غلطتى اهو
منه / ههههههههههههههههههه
سمير / طب ايه اعتبر دى اه
منه / بص انا
سمير / متكمليش خلاص
منه / هههههههههههههه مكملش ايه اسمع
سمير / مهو انا مكتوب عليا اقضيها مبروك مبروك
منه / لا جد انا معرفكش يعنى اه انا منكرش انك قدرت تدحكنى و دى تتحسبلك نقطه بس انا معرفكش
سمير / الفرح مش بكره قدامك وقت زى مانتى عاوزه بصى خلينا نتفق على كام نقطه
منه / اتفضل
سمير / انا اعرف اخوكى من يوم متعينت فى البنك و لما اخترتك يوم العقيقه مكنتش اعرف انك اخته و لا انك بنت ابراهيم القيناوى ولا حتى اعرف انتى مين ماشى فموضوع الفلوس ده والله مكان فدماغى
منه / انا مجبتش سيره الفلوس
سمير / بصى الكلام ده كان لازم يتقال و يتاكد عليه مليون مره و يتحط تحتيه مليونين خط عشان ميكنش هو سبب المشاكل بعد كدا انا اه الحمد لله اهلى مستورين و جايبنلى شقه و انا مرتبى حلو و برده منكرش انى مدكن قرشين كويسين بس معنديش استعداد ان مراتى تحط جنيه معايا فى البيت فلوسك ليكى تصرفيها على نفسك بقى توزعيها عالفقرا حتى لو هتشترى حمام و تطيريه براحتك بس البيت ملزم منى انا
منه / مع احترامى لكلامك بس ده مش صح يعنى انا مش شايفه اى عيب ان الجواز شراكه بين اتنين
سمير / ايوه بس صدقينى كدا هيكون احسن يعنى توفير لما قد يحدث فى المستقبل المهم سيبك مالنقطه دى النقطه التانيه انك عمرك مهتعرفينى من قاعده واحده عشان كدا عملوا الخطوبه و اهو تكسبى فيا ثواب و يبقى اسمى اتقبلت مره و محصلش نصيب مش كلو فشنك كدا
منه / ههههههههههههههههههههههه
سمير / و برده انا مش هضغط عليكى صلى استخاره و فكرى و لو وافقتى هتلاقينى عند حطه ايدك موافقتيش عادى مش اول مره اترفض ههههههههههههههههههههههه
منه / لا باذن الله هرتاح
....................
فى المكتب
اسماعيل / ماشى يا رحيم خليها تيجى تجرب النظام ارتاحت تكمل مرتاحتش خلاص
رحيم / اوك يا دكتور شكرا
رحيم يطلع من مكتب دكتور اسماعيل يلاقى على فوشه
على / هو صحيح عبير هتشتغل هنا
رحيم / اه من ساعه مخلصت الماستر و هى بتزن بتقول انها مدايقه من قاعده البيت خصوصا ان عماد طول الوقت مشغول
على / ماشى
رحيم / شكلك ادايقت
على / لا عادى مفيش حاجه
رحيم / ايه يابنى متخافش مش هتجيب سيره كرشك تانى
على بابتسامه مستخبيه / هتنضرب
رحيم / دا الموضوع كبير بقى فى ايه
على / اللهام و عبير مبيتفقوش هتحطهم فى مكان واحد كانك بتحط جاز جنب النار و المكتب ده هيولع
رحيم / بص يا على المكان ده مكن اكل عيش مفيهوش مجال للعواطف و لا النفسيات و بعدين يعنى شغل البنات ده كبروا عليه
على / ماشى مفيش مشكله
...................
فى اسكندريه
تاكس يقف قدام البيت و تنزل منه زينب تشاور للبواب
زينب / هات الشنطه مالعربيه و طلعها
زينب تركب الاسانسير و تطلع الشقه تفتح بالمفتاح مبيفتحش تضرب الجرس
محمد / حاضر حاضر ثوانى
محمد يفتح الباب يلاقى زينب
زينب / ايه رايك فى المفاجاه دى
محمد مزهول
زينب / ايه انت هتسبنى عالباب
زينب تدخل ثوانى وواحده تطلع من جوه
زينب / انا جيت عشان كنت فاكره انك محتاج حد يخدمك بس الواضح انك جبت خدامه جديده عن اذنكوا
محمد / زينب دى اميره مراتى
زينب / طب كنت اعزمنى والله كنت عملتلك نمره هو انا عندى اغلى منك ارقصله ففرحه و لا انت كنت مكسوف تقولى
اميره / انا فى اوضتى
زينب / انهى اوضه دى يا شابه بتنام معاها مكان امك و لا مكان اخوك و لا مكانى على العموم دا شرع ربنا و ميزعلش مبروك عليكى يا شابه اللى اتبقى منى انا اصلى طول عمرى ايدى فرطه و بعطف عالغلابه عن اذنكوا
زينب تفتح الاسانسير فيه شنطتها و تنزل تانى
اميره / هتعمل ايه
محمد/ مش عارف
اميره / طب هتنزل مصر
محمد / ايوه هدخل اغير هدومى و انزل مصر عن اذنك
اميره / ربنا يستر
....................
فى مصر
عبير / يا مصيبتى انت اتجوزت
عماد / طب و ماما فين دى مجتش لحد دلوقت راحت فين يعنى
محمد / معرفش هى نزلت فى ساعتها و ركبت تاكس و مشيت
عماد يقوم يتصل بيها يلاقيها غير متاح
عماد / انا هنزل اسكندريه ادور عليها
عبير / هتدور عليها فين هى اسكندريه صغيره و بعدين ماماتك نفسها مش صغيره
رحيم / انا جاى معاك
عبير / دا بدل متهديه و تعقله
عماد / يعقل مين دى امى اللى مش لقينها دى امى وسعى
عماد و رحيم يمشوا و محمد قاعد مكانه عبير تروح تقعد جنبه و رحمه قاعده الناحيه التانيه لحظه صمت
عبير / هو حضرتك ليه عملت كدا
محمد / ليه اتجوزت ؟؟؟
عبير / لا ليه مقولتناش على الاقل كنا دارينا عليك زى مدرينا على رحيم فى حوار رحمه
رحمه تبصلها
محمد / انا مبعملش حاجه غلط عشان ادارى انا بس كنت بحاول احافظ على مشاعرها
عبير / طبعا انك تتجوز عليها و انك توحشها تروح و تتزوق و تجيلك جرى تلاقيك مع غيرها بصراحه و نعم مراعاه الشعور
محمد / انتى ازاى تكلمينى كدا
عبير / لا انا مش هكلمك خالص انا فى بيتى لحد مجوزى ربنا يسلمه و يرجع
محمد يبصلها و هى تسيب المكان و تمشى يبص لرحمه و هى بصاله
محمد/ ايه مش هتعاتبينى انا كمان
رحمه / اميره دى جارتنا فى الشقه اللى قدامنا صح
محمد يهز راسه اه
رحمه / كانت بتعاكس بابا الله يرحمه مبروك عليك يا زين مختارت
رحمه تقوم و تسيب محمد قاعد لوحده
...................
فى كافيه
سمير / هو انتى ايه علاقتك اصلا بالناس دى
منه / زى متقول كدا عيلتى التانيه متربيين سوا رحمه زى اختى بالظبط و جوزها كمان اخويا الكبير
سمير / كان باين عليكى اوى يوم العقيقه بس انا مش فاهم سبب اننا ناجل الخطوبه عشان الظروف دى ايه علاقتنا يعنى
.................................
منه / عشان يحضروا اقولك سر
سمير/ طبعا
منه / انا عن نفسى مش عاوزه اعمل فرح رحمه ربنا مكتبلهاش فرح والدتها ووالدها و جدتها اتوفوا فوقت قصير اوى و اتجوزت منغير حتى زفه عربيات
سمير / ايوه بس انتى ذنبك ايه تحرمى نفسك من الفرح الظروف دى عدت خلاص
منه / انا بقولك اللى جوايا و خلاص مش عاوزه احس انها مدايقه من حاجه
سمير / انتى طيبه اوى يا منه بس على العموم مش مشكله حاضر هصبر
منه / شكرا انك فهمت
..................
تانى يوم فى مصر
عماد / مسبتش قسم و لا مستشفى الا لما سالت هنا و هناك كلها ساعتين و تتم اربعه و عشرين ساعه و اروح اعمل محضر بس ابقى قابلنى لو وصلنا لحاجه مش فاضل غير انى انزل صورتها عالفيس و اقول امى تايهه يا ولاد الحلال
رحيم / اهدى بس اكيد هيلاقوها
عماد / انا هتجنن يابنى مش معقول راحت فين و ابوك ده كمان ولا كان فى حاجه حصلت رجع اسكندريه عادى خالص مستناش حتى اننا نرجع نطمنه
رحيم / ميمكن راحت عند حد من صحابها
عماد / و هى امك ليها اصحاب و لا حتى ليها معارف مانت عارفها متخانقه مع طوب الارض
الباب يخبط رحمه تجرى تفتح مصطفى يدخل
مصطفى / والدتك عملت شيك ان فى هيلتون اسكندريه بالكريدت كارد بتاعها امبارح العصر
عماد يبص لرحيم
رحيم / انت هتبصلى اتحرك اما نروحلها
....................
فى شقه عبير
عبير فاتحه الفيس و بتكلم طارق
عبير / انا اسفه اوى انى بتكلم معاك فى حاجه زى دى بس انا فعلا مخنوقه اوى من امبارح و انا بغلى
طارق / بصى مش من حق حد انه يحاسب حماكى على اللى عمله هو اكيد له اسبابه
عبير / ايوه بس هو خبى عليها هو يعتبر خانها
طارق / انا مش عارف اقولك ايه الصراحه ربنا يعينها
عبير / انت اصلك متعرفش حماتى ست جامده اوى مش سهل ابدا انها تنكسر مش سهل انها تحس انها متباعه او تتهان انا بجد زعلانه عشانها اوى و خايفه خايفه بعد معيش عمرى كلو اشوف اللى هى شيفاه بجد الرجاله دول ملهمش امان خالص معقوله بعد العمر دا كلو
طارق / هتعدى اهدى انتى بس و باذن الله كلو هيعدى
عبير / اخبار مراتك ايه
طارق / والله مش كويسه ابدا الفتره دى تعبانه عالاخر عشان كدا قاعد جنبها فى البيت
عبير / هى ملهاش اهل اى حد يساعدك
طارق / للاسف ملهاش حاولت اجيب شغاله كتير بس هى مرتاحتش معاهم و بصراحه انا مش عاوزها تتبهدل فبقعد انا اساعدها
عبير / طب و شغلك
طارق / شغل ايه بس يا بشمهندسه كل ده ميساويش لحظه رعب واحده بقضيها بره البيت و انا مش عارف لما هرجع هتكون عايشه و لا لا
عبير / انا مش عارفه اقولك ايه شوفت الفرق بينك و بين حمايا انت بتعمل ايه عشان مراتك بالرغم من كالظروف اللى بتمر بيها و هو عمل ايه فى مراته
طارق / انتى متعرفيش ظروفه بلاش تظلميه معاكى بصى انا لازم اقوم عشان هى صحيت و بتنادى سلام
عبير / سلام
...........................
فى الفندق
زينب / انتوا ايه اللى جابكوا
عماد / انتى متخيله انا قلقت عليكى قد ايه
زينب / و انا صغيره يا عماد عشان تقلق عليا انا قاعده هنا كام يوم بغير جو روحوا لمراتاتكوا و عيالكم و انا لما هتوحشونى هبقى اجى ازوركوا
رحيم / انتى كويسه يا ماما
زينب / انت شايف ايه ؟؟ و لا تكونش فاكرنى هعمل زى الهبله و اشد فى شعرى و اصرخ و افلق نفسى مالعياط زى المجنونه انه اللى تهون عليه عشرتى احطه هو و اللى يتشددله تحت جزمتى
رحيم / طب ارجعى معانا
زينب / ارجع فين انا سافرت اسكندريه عشان اتفسح و اغير جو بدل مانا قاعده لوحدى فى مصر فمش هرجع الا لما اتفسح حتى لو لوحدى اما فى هنا حته سبا وهم بجد بقولكوا ايه انزلوا مصر متقلقوش و بطلوا تتصلوا بيا كل شويه انا مش صغيره عالكلام ده
زينب تسيبهم و تمشى
عماد/ انا مش همشى انا هحجز اوضه جنبها و اخلينى
رحيم / انا كمان مش مرتاح لهدوئها ده دى و لا كانها اتفاجئت و لا اتصدمت و لا اى حاجه
عماد / انت عارف امك جامده
رحيم / بس مش للدرجادى انا هخلينى معاك و هتصل ببابا اقوله اننا لقيناها هنا
عماد / هو فارق معاه يعنى
رحيم / انت عارف انهم منفصلين من يوم وفاه تيته
عماد / بس مش متجوز مش متجوز دى منقاش غير دى
رحيم / حصل خير نلم الليله بقى الحكايه دى وسعت مننا اوى و بهوئت كمان و اكتر من كدا هتمسخ
....................
بالليل فى الفندق
زينب / مصدقتش لما قالولى انك مستنينى تحت
محمد / انتى بتعملى ايه هنا
زينب / بستجم بعيش اليومين اللى باقيين من عمرى ايه خساره فيا و لا مصاريفى زادت عليك
محمد / انا مقولتش كدا انا بس بطمن عليكى
زينب / لا اطمن انا كويسه انا اصلا مش فاهمه انت مستغرب ليه كنت فاكرنى هتقهر لما اعرف انك متجوز طب كنت استصغر استنضف
محمد / لو سمحتى
زينب / انا عشت معاك اكتر من تلاته و تلاتين سنه من عمرى دا اكتر ماللى عشته فى بيت ابويا تقريبا الضعف و دى كانت اخرتها منك ماشى هو برده شرع ربنا ميزعلش انا كبرت و عجزت و بطنى نشفت بس ده ميمنعش انى لسه قادره اقف على رجلى و دى حاجه لا انت و لا الاتخن منك هتقدروا تاخدوها منى
محمد / بصى يا زينب لو بجد قاعده بتستجمى و بتغيرى جو زى مبتقولى مش هتكلم و حقك انتى برده مراتى بس لو قاعده بتدبرى مصيبه او طريقه ترديلى بيها اللى عملته فانا بحزرك خلى اخرتنا سوا ذكرى حلوه
زينب / ههههههههههههههههههههههه هو فى احلى من كدا زكرى يا راجل و بعدين متقلقش لا انت و لا هى فى دماغى اصلا انا دماغى انضف من كدا بكتير
محمد / انا بلغتك بس
زينب / صحيح يا محمد شقه مصر انا عشت فيها تلاته و تلاتين سنه و مش هسمح لواحده تشاركنى فيها لو عاوز تتقى شرى
محمد / هى مش هتسيب اسكندريه
زينب / براحتها براحتها عالاخر انا بس بقولك اهو
..........................
بعد اسبوعين
رحمه / هو فى ايه هتفضلوا كل يومين رايحين اسكندريه جايين من اسكندريه هى هتفضل هناك لامتى
رحيم / والله معارف انتى لو شوفتيها تترعبى انا عارف امى عمرها مهتسكت على اللى حصل ده
رحمه / انا مرعوبه اكتر منك بس هى هتعمل ايه يعنى
رحيم / مش عارف و ده اللى قاتلنى انى مش فاهم حاجه
صوت البوابه بيتقفل رحيم يجرى يفتح باب الشقه يلاقى عماد شايل الشنطه و مامته طالعه وراه شكلها صغرت عشر سنين على الاقل
رحيم / حمدالله عالسلامه يا ماما
زينب / الله يسلمك يا حبيبى تعال انت و رحمه عوزاكوا
رحيم و رحمه يدخلوا ورا عماد و زينب الشقه
زينب / اقعدوا عوزاكوا
الكل يقعد
زينب / انت هتسيب شقتك كدا نص تشطيب
رحيم / ملهاش لزمه دلوقت مصاريف عالفاضى
زينب / اسمع انا هشطبهالك على حسابى و عوزاك تعملى عقد ايجار باسمى للشقه هحط فيها شويه حاجات
عماد / حاجات ايه يا ماما
زينب / ربنا يسهل لما تتشطب هقولكوا
رحيم / اللى تشوفيه يا امى
رحمه / انا عامله مسقعه عالغدى اسخنلك تتغدى
زينب / مسقعه ايه و زيت ايه انا عامله دايت هو مش باين عليا و لا ايه
عماد / لا هو الحقيقه فى حاجات كتير اوى باينه عليكى يا ماما
زينب / شكرا بقولك يا عماد انا عوزاك تشوفى محل كبير اشتريه يكون قريب من هنا المهم مساحته تكون حلوه
عماد / ليه يا امى
زينب / فى ايه يا عماد انا زهقانه من قاعده البيت و بفكر افتح بوتيك و اتسلى فى عندك مانع
عماد / ابدا انا بس كنت بسال عشان اعرف انقى محل مناسب يعنى
زينب / اه و ميهمكش الفلوس
عماد / اللى تشوفيه حاضر
..................
